معلومات عن دورة تبريد محركات الهوندا

**wael ahmed** · 21-02-2011 08:50 PM

شوف ياباشا انت هتطلع الثرموستات بتاعة المروحة هتلاقيها فى المكان زى اللى فى الصورة بالظبط هتفكها وتجيب ورقة سنفرة ناعمة , وتشيل طبقة الصدأ اللى عليها عشان تقرا كويس وان شاء الله خير[/quote]

الف شكر يا سامح باشا ...... :) وان شاء الله كده انا معنديش حاجه فى ترموستات الكوعه .؟؟

**Shetos_civic92** · 22-02-2011 07:08 PM

ي سمسم انت روحت فين؟؟؟

**SAMEH_FOUAD** · 22-02-2011 11:09 PM

المشاركة الأصلية كتبت بواسطة shetos_civic92

طيب هل هى لو بايظة ممكن تسخن العربية ولا ملهاش علاقة ب حوار ان العربية تسخن؟؟؟

ثرموستات الكوعة كل الهدف منها الحفاظ على درجة حرارة المياة داخل المحرك وخصوصا فى فصل الشتاء وبتخلى درجة حرارة الماتور زى درجة الحرارة الخارجية عشان يحافظ على الماتور , واثناء السرعات العالية مع وجود هواء قوى قادر على تبريد السيارة وخصوصا فى الجو الساقع فبالتالى المروحة مدة تشغيلها هتطول شوية يعنى لو مثلا كانت بتشتغل كل 3 دقايق او دقيقتين لأ هتبقى كل 4 دقايق دة مثال

واكيد طبعا مالهاش دعوة بالسخونة اللى لية علاقة بالسخونة :

1: ثرموستات المروحة - ضعف طلمبة المياة - تسريب فى الردياتير - ضعف فى المروحة - لاقدر الله جوان وش السلندر

واسف على التاخير فى الرد مخدش بالى من المشاركة

المشاركة الأصلية كتبت بواسطة waelemam2008

الف شكر يا سامح باشا ...... :) وان شاء الله كده انا معنديش حاجه فى ترموستات الكوعه .؟؟

لو معندكش الاعراض اللى انا قولتلك عليها يبقى ان شاء الله مافيش

**amir** · 23-02-2011 11:41 AM

اعضاء المنتدي اعذروني

برجاء قراءه الموضوع ده ضروري و بسرعه

المصابين يتألمون و مساعدتكم الطبيه هتنقذ ارواح

http://www.nilemotors.net/Nile/202971-a.html

**HotRide** · 27-02-2011 11:20 PM

المشاركة الأصلية كتبت بواسطة semsem kane

..............................
5: نقص كامل فى مياة الردياتير فى مدة قصيرة جدا بدون وجود مياة مختلطة فى الزيت ؟

ج: وهذا معناة تلف فى جوان وش السلندر
................................./

ايوه يعني الميه بتروح فين ؟؟ بتنزل من شكمان ؟
انا عندي نقص و شكمان بينزل ميه مش قليله و اكثر من تعريق فبسألك

**SAMEH_FOUAD** · 01-03-2011 01:50 AM

المشاركة الأصلية كتبت بواسطة hotride

ايوه يعني الميه بتروح فين ؟؟ بتنزل من شكمان ؟
انا عندي نقص و شكمان بينزل ميه مش قليله و اكثر من تعريق فبسألك

جوان وش السلندر لية جنبين ممكن يضرب منهم ممكن يضرب من عند مجرى الزيت او يضرب من ناحية مجرى المياة

فلو ضرب من عند مجرى الزيت يبقى كدة هتلاقى المياة فى الردياتير والقربة بقت مزيتة + اختلاط الزيت بالماء هيخلى لون الزيت زى الطحينة يبقى بالنسبة للحالة دية سهلة ومعروفة بالنظر

ممكن يبقى فية جوان تالف من ناحية المياة تعرفة ازاى لو لقيت مياة الردياتير بتقل بمنتهى السرعة + مياة القربة سليمة ومابتنقصش لان مافيش ضغط متولد لانة كلة اتهرب بسبب تلف الجوان لفيييييييين بقى ؟؟؟؟؟؟؟؟؟

دلوقتى الجوان دة وظيفتة 3 حاجات :

1: المحافطة على نسبة الانضغاط فى السلندرات
2: المحافظة على عدم دخول المياة الى البساتم
3: عم دخول الزيت على المياة

استفسارك هنا فى النقطة التانية يعنى لما تلاقى اى ماتور المياة بتاعتة بتنقص مع عدم وجود اى تسريب فى دورة التبريد يبقى كدة المياة بتدخل على البساتم عشان كدة من عيوب الجوان

1: الدوارة بالعافية فى اى وقت (السبب نسبة الانضغاط ضعيفة )
2: ارتفاع حاد فى مؤشر الحرارة مع ارتفاع السرعات
3: نقص مياة مستمر من الردياتير بدون اى تسريب خارج السيارة
4: عدم وجود سحب للمحرك
5: ارتفاع صوت المحرك بصورة ملحوظة على السلانسية

واى حاجة ياعم محمد كلمنى او قابلنى وانا اقولك العربية فيها اية خلينا نشوفك بس