الموضوع: مرشح شاب لرئاسة مصر بعد 25 يناير

المشاركة الأصلية كتبت بواسطة د.أبونضال

أتصور أن فكرة الرئيس المعجزة الذي يستطيع حل جميع المشاكل وتحقيق كل التوقعات كانت أحد الأصنام التي حُطمت بعد 25 يناير.

لا اعتقد ان في اي حد اتكلم عن رئيس معجزة هايحل كل المشاكل

المشاركة الأصلية كتبت بواسطة د.أبونضال

لا أفهم منطق "المرحلة يلزمها رجل قوي يقف أمام مش عارف إيه" .. أو "شاب صغير في السن لن يستطيع إقناع 85 مليون مصري".

أنا قلت رأي سواء حضرتك فهمته ام لا...من حقي ابداء رأي في الموضوع

المشاركة الأصلية كتبت بواسطة د.أبونضال

لقد طرحت هذا الموضوع لأنني أريد أن أختار مرشحي... وأدعوه لقبول الترشيح... وأتبرع لحملته من جنيهاتي القليلة... وأتطوع في حملته دون مقابل. لا أن أجلس منتظرا من سيترشح وما هو برنامجه وماذا يقول

اللي أعرفه ان في كل دول العالم اللي سبقتنا في الديموقراطية الناس بتختار البرنامج اللي بيلبي طموحتها مش الشخص اللي بتحبه...يعني في أمريكا ماختروش أوباما عشان سنه او سمعته او اخلاقه...اختاروه عشان نقط محددة في البرنامج بتاعه الناس فضلتها علي برنامج المرشح الجمهوري

المشاركة الأصلية كتبت بواسطة kh_talaat

ومن الخطا الكبير اننا نختار اي فرد وتدعيمة قبل تقديم هذا الشخص لبرنامجه الأنتخابي وعرضه علينا كشعب

ده اللي انا قلته و ده اللي باشوفه في اوروبا و أمريكا

المشاركة الأصلية كتبت بواسطة د.أبونضال

لا يمكن أيها الشباب أن مصر غير قادرة على تقديم شاب واحد يمكن أن ينافس شلة العواجيز عديمي الرؤية هؤلاء (باستثناء البرادعي).

طب هو حضرتك حكمت علي كل اللي سنهم كبير(ماعدا البرادعي) انهم عديمي الرؤية علي اي اساس؟؟؟ هو حد فيهم اتكلم عن رؤيته او حدد اي ملامح لسياسته لو بقي رئيس عشان نحكم عليه

المشاركة الأصلية كتبت بواسطة dr-mohamed

للاسف الشديد النظام السابق لم يعمل على ظهور صف تانى وتالت بل كان الحرص دوما على عدم ظهور اي شخص جنب المسئول الكبير
وطبعا موضوع ترشيح الدعاة انا معترض عليه بدون ذكر اسماءلان نجاح الشخص كداعية لا يعني نجاحه كرجل دولة
وفي نفس الوقت نحن في مرحلة حرجة جدا تحتاج من عنده خبرة ويكون سنه كبير حتي لا يطمع في الاستمرار كثيرا فنجده بعد 7 ولا 8 سنوات بيعمل تعديل في الدستور من تاني علشان يكتم على نفسنا
وفي خلال الفترة الرئاسية الاولى اوالثانية بالتأكيد ستظهر شخصيات اعمارها اقل من ال50 وجديرة بالمنصب

ده رأي برده...بعد 5-10 سنين هتظهر قيادات شابة لما يكون في حياة سياسية سليمة لكن دلوقتي الاوضاع غير مناسبة...احنا عندنا دلوقتي مجلس عسكري من كبار قادة الجيش و مش عارف يقنع الناس ترجع شغلها. أكيد مش وقت رئيس عنده 40 سنة دلوقتي