مرشح شاب لرئاسة مصر بعد 25 يناير

**د.أبونضال** · 20-02-2011 07:28 AM

المشاركة الأصلية كتبت بواسطة medo.malek

السلام عليكم ..
من فضلكم عايز حد يصححلى الكلام اللى هاقوله لو غلط
دلوقتى المخلوع حسنى كان رئيس الجمهورية و كان(( القائد الاعلى للقوات المسلحة )) و هو لما تخلى عن منصب رئيس الجمهورية لم يتخل عن منصب القائد الاعلى للقوات المسلحة و قام بنقل سلطة البلاد للمجلس الاعلى للقوات المسلحة اللى هو برضة بيرأسه بشكل او بآخر يعنى بكل بساطة الثورة منجحتش ولا حاجة و هو لسة كاتم على نفسنا يعنى ببساطة اكتر كل الناس اللى على الساحة او على الاقل 95% منهم لما ييجوا هايأتمروا بأمر المخلوع و الدستور
هايتعمل او هايتعدل برضة على مزاج المخلوع ده !! و حكومة تصريف الاعمال دى بتاخد اوامرها منه
يا جماعة حد يقولى ان الكلام ده غلط لحسن انا هايجيلى احباط و اكتئاب شديد لو طلع صح

ما حدث أشبه بانقلاب عسكري فالجيش أجبر الرئيس على ترك الحكم، ثم عطل العمل بالدستور أي ألغى النظام السياسي بالكامل، ما تخافش الثورة على الطريق الصحيح إذا ما حرسها الشعب وظل ساهرا على تحقيق أهدافها.

**elfashn** · 20-02-2011 07:31 AM

انا قريت رأيه عن الماده التانيه فى الدستور فعلا حد عبقرى بس لازم الرأى العام ياخد باله من شخص زيه لآنه هينفع مصر كتير ويخلينا نقفز بمعنى الكلمه

**د.أبونضال** · 20-02-2011 07:37 AM

المشاركة الأصلية كتبت بواسطة elfashn

انا قريت رأيه عن الماده التانيه فى الدستور فعلا حد عبقرى بس لازم الرأى العام ياخد باله من شخص زيه لآنه هينفع مصر كتير ويخلينا نقفز بمعنى الكلمه

تخيل أنه كان من بين الممنوعين من الظهور في التليفزيون المصري لأن النظام لم يكن يريد أن يظهر أي شاب في الصورة غير جمال بيه والحاشية بتاعته

**Medo.Malek** · 20-02-2011 07:37 AM

المشاركة الأصلية كتبت بواسطة د.أبونضال

ما حدث أشبه بانقلاب عسكري فالجيش أجبر الرئيس على ترك الحكم، ثم عطل العمل بالدستور أي ألغى النظام السياسي بالكامل، ما تخافش الثورة على الطريق الصحيح إذا ما حرسها الشعب وظل ساهرا على تحقيق أهدافها.

اشكرك يا دكتور على ردك السريع المطمئن
يعنى افهم من كلام حضرتك انه اصبح مواطن عادى ملوش اى سلطة ؟
امال اية دوره كقائد اعلى للقوات المسلحة ! النقطة دى محتاجة توضيح ؟!

**د.أبونضال** · 20-02-2011 07:46 AM

المشاركة الأصلية كتبت بواسطة medo.malek

اشكرك يا دكتور على ردك السريع المطمئن
يعنى افهم من كلام حضرتك انه اصبح مواطن عادى ملوش اى سلطة ؟
امال اية دوره كقائد اعلى للقوات المسلحة ! النقطة دى محتاجة توضيح ؟!

هو قائد أعلى بحكم منصبه اللي الشعب والجيش خلعوه منه... وبالمناسبه فيه وكالة أنباء ألمانية تقول نقلا عن محادثة تيليفونية بينه وبين ملك السعودية أنه لا يزال يعتقد أنه الرئيس الشرعي لمصر وأن ما حدث يعتبر بمثابة خيانه من الجيش له.

**Medo.Malek** · 20-02-2011 07:52 AM

المشاركة الأصلية كتبت بواسطة د.أبونضال

هو قائد أعلى بحكم منصبه اللي الشعب والجيش خلعوه منه... وبالمناسبه فيه وكالة أنباء ألمانية تقول نقلا عن محادثة تيليفونية بينه وبين ملك السعودية أنه لا يزال يعتقد أنه الرئيس الشرعي لمصر وأن ما حدث يعتبر بمثابة خيانه من الجيش له.

شكرا ليك يا دكتور على التوضيح ده و ربنا يريحنا منه بقى

**elfashn** · 20-02-2011 08:15 AM

المشاركة الأصلية كتبت بواسطة د.أبونضال

تخيل أنه كان من بين الممنوعين من الظهور في التليفزيون المصري لأن النظام لم يكن يريد أن يظهر أي شاب في الصورة غير جمال بيه والحاشية بتاعته

لازم يخافو يا دكتور الراجل ده لو كان ظهر كان هياكل الجو من جمال والى يتشددله بس يارب يكون هو متحمس انه يبقى موجود فى مصر ويحضر لآنه يكون مهاتير محمد مصر

**Ralliart** · 20-02-2011 08:23 AM

المشاركة الأصلية كتبت بواسطة د.أبونضال

لو الأمور مشيت حسب تخطيط الجيش عمرو موسى هيمسك البلد وفي الحالة دي الضغط الشعبي لن يتوقف إلا بعد وضع دستور جديد. ودستور جديد يعني انتخابات رئاسية جديدة. ود.معتز لا يزال ما شاء الله في التاسعة والثلاثين، وأنا أدعوه لدخول معترك الحياة السياسية فسجله مشرف وكان جادا طوال عمره كان أول الجمهورية في الثانوية العامة 89، ثم معيدا فمدرسا مساعدا فمدرسا بكلية الاقتصاد والعلوم السياسية، وهو الآن معار لجامعة ميتشجان مديرا لمركز دراسات الإسلام والشرق الأوسط. ويطل علينا كل صباح من جريدة الشروق بأفكار غاية في التحضر فهو يجمع بين التدين والتحرر بمنطق علمي يصعب على كثيرين وأنا منهم أن نتمثله. اقرءوا مثلا مقاله اليوم في الشروق عن "الدستور والدين" ستجدون أنه أثبت بالدليل العلمي المقارن بدساتير بلاد العالم أن وجود هذه المادة لا يعني أبدا أي انتقاص من حقوق الأقباط.

الراجل ده كويس جداً
بس مش كل المصريين عندهم ثقافة انهم ينتخبو واحد اول مرره يشوفوه

وكمان هتسمع اشاعات من عينة انه معار لجامعة امريكية يبقى اوباما كان بيعده لخطة الغزو الاسرائيلي لمصر

يا ريت لو ييجي من دلوقتي ويقول برنامجه الانتخابي ويتعرض في الاعلام قبل الانتخابات بفترة علشان الناس تلحق تتقبله
انما بالمنظر ده الجيش عايز يسلم السلطة بدري ومفيش حد عمل برامج انتخابية وحاسس انهم هيدخلو الانتخابات بالسمعة

**ehab_mansour** · 20-02-2011 08:37 AM

المشاركة الأصلية كتبت بواسطة wael17

معلش اسمحولي أقول رأي المتواضع و ألخصه في عده نقاط

- مبدئيا اختيار مرشح للرئاسة بيكون علي اساس برنامج انتخابي محدد مش لمجرد ارتياح شخصي له و حتي الان لم يتم تحديد مرشحين أو وضع برامج انتخابية..و البرنامج الانتخابي ده بيكون داخله تفصيلات كتير و اولويات للاصلاح...يعني ما ينفعش يجي مرشح يقول "هاخلي البلد أحسن"...لأ لازم يكون في برنامج واضح و يلتزم بيه و يتحاسب لو خدع الناس و ما التزمش بيه و ده هيكون عن طريق مجلس شعب محترم...يعني أنا مثلا قبل ما نتخب حد عايز أعرف السياسة الخارجية من ناحية معاهدة السلام و مشكلة المياه...عايز اعرف السياسة الاقتصاديه هتمشي ازاي...التجاه هيكون في اتجاه السوق الحرة ولا هيكون في نوع من الضمان الاجتماعي و يشرحلي بالتفصيل الاجراءات الي ناوي يعملها لاصلاح الاقتصاد...في أمريكا ممكن مرشح يسقط لمجرد ان عايز يقلل ميزانية التامين الصحي مثلا..أو يسقط لانه موافق علي عدم تجريم الاجهاض...يعني تفاصيل صغيرة جدا بتفرق مع الشعب...بس طبعا امريكا فيها ديموقراطية من 200 سنة و الناس متعودة علي الانتخابات الحرة...باختصار...انا هانتخب برنامج محدد يمثله فلان...مش هانتخب فلان و اقول هو اكيد عارف مصلحتنا فين...و الحمد لله احنا عندنا كمية فضائيات و برامج حوارية كافيه لعرض جميع المرشحين و برامجهم قبل الانتخابات بفترة كافية

- أنا مش مع انتخاب رئيس صغير في السن...برده لنفس السبب...احنا لسة بنقول يا هادي و الشعب مش كله ناس مثقفة زينا...اللي ينفع في انجاترا و امريكا ما ينفعش عندنا في الفترة الحالية...احنا بلد كبير نسبه الامية عالية جدا حتي بين المتعلمين و الشعب مس سهل التحكم فيه و ادينا شايفين الجيش طالع عينا عشان يقنع الناس تبطل مطالب فئوية...و الشعب لسه طاله من تحت ايد ديكتاتور حكم 30 سنة و اتنحي عنده 83 سنه...ما ينفعش بين يوم و ليلة يلاقي الرئيس عنده اربعينات...هيكون سيطرته علي الناس صعبة جدا و هيكطون في نوع من النفلات و الفوضي....لان غالبية الشعب مازالت مقتنعة بصورة الزعيم القوي اللي عنده كاريزما و لا يعنيهم من الديموقراطية سوي زيادة الأجور و انخفاض الاسعار...الرئيس هو رأس الحكومة و رمزها و ووجود شاب علي رأس بلد زي مصر هيكون غير مقنع لناس كتير و هيتسبب في نوع من عدم الاحترام للحكومة كلها...أنا شايف ان البلد محتاجة رئيس قوي و له كاريزما و قبول بين غالبية الشعب و طبعا برنامج محترم...بعد 5 او 10 سنين ممكن الناس تكون قادرة علي قبول مرشح شاب...و في الاخر ارجع و اقول...انا باختار المرشح بالبرنامج بتاعه مش بالشكل او السن او الارتياح لشخصه

- انا مش مع ان ارئيس يكون عالم (زي زويل) او داعية (زي عمرو خالد و معز) لان ده برده مجرد ارتياح شخصي للناس دي لكن ماحدش قال انهم مؤهلين لتحمل مسؤلية كبيرة زي حكم مصر

- بالنسبة لايمن نور و البرادعي و حمدين صباحي..انا شايف ان مالهمش شعبية عند راجل الشارع العادي و بالتالي نفس الكلام مش هايعرف يمسك البلد كويس...البرادعي فقد شعبيته اللي اكتسبها من سنه بسبب بعده عن البلد و كمان طريقة كلامه مش مقنعة...ماعندوش كاريزما و كمان خلاص الناس اقتنعت ان هو اللي باع العراق و ساعد امريكا و مفيش فايدة صعب تغيير رأيهم رغم انه غير كده خالص بس خالص الناس كرهته

- بالنسبة لعمر سليمان فقد شعبيته علي مدار الاسابيع الماضية لانه ربط نفسه بمبارك...يعني حرق نفسه مع مبارك

- انا ضد اللي يقول ان اللي مسك منصب في النظام القديم يتم استبعاده زي عمرو موسي و عمر سليمان و أحمد شفيق...لأن النظام القديم ماكانش بيسيب الوزراء يشتغلوا من دماغهم...المحرك الرئيسي لهم كان الرئيس و مراكز القوي في الحزب الوطني...يبقي ما ينفعش احكم علي أداء عمرو موسي اللي كان محكوم و مقيد بالرئيس و الحزب..و كمان الفترة اللي جاية الرئيس مش هيبقي فرعون و يتم اطلاق يده في كل شئ....يا جماعة اللي حصل لمبارك هيكون كابوس لاي حد يحكم مصر علي مدار ال 50 سنة اللي جاية...اي رئيس متوسط الذكاء مش هيمشي في السكة اللي كان ماشي فيها مبارك و هيكون حريص قوي جدا في ان اسمه يبعد عن اي فساد او تهمة سرقة...مبارك كان عامل فاكر ان مفيش حساب و انه قاعد فيها لحد مايموت و عشان كده السرقة كانت ببجاحة و عدم خوف من المحاسبة...اي مرشح جديد أكيد عنده ملايين مش جعان و قدامه سكة من اتنين...يسرق و يسمح بالفساد و تكون نهايته سودة....أو يصلح البلد و اسمه يتخلد في التاريخ كأول حاكم ينقذ البلد و ينقلها لعصر الديموقراطية

رأي واضح وصريح ومفصل وانا معك في هذا وشايف ان ده الأصلح لمصر في الفترة القادمة

**wael17** · 20-02-2011 08:57 AM

المشاركة الأصلية كتبت بواسطة د.أبونضال

وبالمناسبه فيه وكالة أنباء ألمانية تقول نقلا عن محادثة تيليفونية بينه وبين ملك السعودية أنه لا يزال يعتقد أنه الرئيس الشرعي لمصر وأن ما حدث يعتبر بمثابة خيانه من الجيش له.

ظريف قوي ملك السعودية :b4_388:
هو شايف مبارك رئيس شرعي بس الجيش خانه..طب ما الشعب كمان خلعه...ايه عايزه يبقي رئيس غصب عن الجيش و الشعب؟؟؟؟ عافية هي يعني