الموضوع: فتحت الموتور ومحتاج خبرتكم ؟

يا احمد باشا انا مش عارف اشكرك ازاى على كل النصايح دية شكرا لوقتك ... جزاك الله خيرا اخى الفاضل ..
انا مش هشترى الاوبل الى واقفه دة يمكن انت فهمتنى غلط انا افتكرتها بتاعه معاليك .. حصل خير

واللهى الاحتمالات الى انت بتقلها شكلها صح وفعلا ممكن الراجل الى قبلى كان مبهدلها خالص والحمد الله انى لاحقتها ..
بس انا اسف ممكن حضرتك توضحلى تانى موضوع التلين دة اعمل فية اية لانى مش فاهم قوى قصدك
يعنى اخدها مشاوير طوالى على طول مسافات كبيرة ولا الين برحتى كل يوم شوية كدو فى الطراوة بليل ..
واية احسن طريق الواحد يلين فية تا تا ...
واية رأيك فى م / فادى انا حاساس انه كويس ومحترم وبيفهم ؟
ومتنساش تعمل copy من الرد قبل ما تعمل reply علشان دماغك غليا علينا قوى ..coll

ولا يهمك سعاتك.. وانا تحت امرك في اي حاجة..
انا عارف انك كنت فاكرها عربيتي.. بس انا اصلي شكلها عجبني ف الاول.. بس لما ركبتها اتضايقت قوي..عشان من جوة مبهدلة.. و رشة حوض و دواخل كمان..
التليين بقي..
لينها في مسافة مش اقل من 1000 كيلو.. ولو زودت عن كده يبقي احسن.. معاك يعني لحد 1500 يبقي فل قوي..
هاقولك بقي..
العربية لما تخلص اكيد هتلين تحرق صفيحة او 2 علي الواقف..يعني يسيبوا العربية دايرة لحد ما تخلص بنزين..
المهم.. بعد ما تاخدها.. تمشي بيها مشاوير صغيرة براحتك.. يعني 100كم مثلا اقصي حاجة..
بلاش تعمل زي ما معظم الناس بتعمل و تطلع سفرية طويلة تخلص فيها التليين و خلاص..
انزل بالعربية بالليل.. بلاش النهار عشان السخونة..
و خلي عينك علي مؤشر الحرارة متعلاش منك خالص..
الزيت .. تغير زيت بعد 500 كم من العمرة و تحط زيت نضيف.. اي زيت بس ميكونش التعاون ولا مصر للبترول.. و متحطش زيت من اللي بيقعد 10 الاف و الكلام ده..
حط زيت عادي. 3 او 5 الاف.. و غير اول مرة علي 500 بس..و تاني مرة علي 1000
يعني علي 500 و 1500 علي العداد..
عشان بيبقي في رواسب و رايش في البلوك جوة.. تنزل و الموتور يبقي نضيف بقي وزي الفل..
انت ساكن في مدينة نصر زي ماهو باين في المعلومات بتاعتك..
هاقولك بقي علي طريق تمشي فيه.. و المفضل جدا انه ميبقاش في مطالع خالص ولا كباري في اول 500 كم دول..و السرعة متوصلش 60 خالص..و الار بي ام ميوصلش 3 خالص..
ممكن تمشي ازاي بقي.. تاخد شارع مصطفي النحاس كله رايح جاي.. و شارع ذاكر حسين...
ممكن تاخد الاوتوستراد من اول نادي السكة كده لحد الكوبري اللي عند النادي الاهلي و تدخل من جنبه يمين.. و تمشي في شارع الثورة بقي براحتك..
المهم تبعد عن الكباري.. وانت اعمل طريقك الخاص براحتك
بس يا باشا..
بالنسبة لفادي.. هو فعلا دماغه نضيفة و خبرة التوكيلات فرقت معاه كتير.. يعني هو اشتغل فتر كويسة في اوبل مقار اللي في البحوث.. و حاليا بقاله كام يوم في توكيل سكودا اللي في غمرة..
وبعدين انت بنفسك شوف العربيات اللي بتتعامل معاه ما شاء الله كتير و ماركات..
معظم اللي عنده اوبل و دايو.. وسكودا و فولكس بس مش كتير..
يعني ما شاء الله حاجات مش تعبانة يعني..
انا اعرفه عن طريق ابن خالي ده كان زميله في مقار.. هو اللي قاللي علي العربية دي كمان اللي معايا.. لما شافها عجبته و انا كنت بادور ساعتها.. ودلني علي العربية دي..
ومن ساعة ما اشتريتها من 3 شهور معملتش حاجة برة غير مفتاح كونتاكت مشفر بس.. عشان هو ميعرفش حد بيعمله.. بس هو تمام..
ربنا يكرمك يا باشا و يوفقك..

ادهم باشا متشكر جدا على نصايحك الغالية ياباشا ربنا يكرمك
بالنسبة للحلول الى انت ذكرتها انا خلاص اخترت اول حل وهو
طقم بستم جديد- طقم صبابات يابانى جديد - طلمبة زيت جديدة - خرط كل من الكرنك والشميز وكحط وش السلندر - طقم جوانات - طقم شمبر جديد - سير كاتينة (مع انى لسة مغيرة ) بلية شداد - بليه دبرياج - طقم سبيكة جديد .
اظن كدة انا غيرت الموتور كلة ويارب يرجع زى الاول تانى انا فعلا خايف ميرجعش زيرو تانى ولو حتى 90 % زى الزيرو ..
الميكانيكى الى عمل الشغل شغال فى توكيل اوبل . بأشراف مهندس برضة شغال لفى توكيل الاوبل .
قطع الغيار كلها من عند المنير ..الخراط واحد مشهور جدا فى عين الصيرة ..

بعنى من الاخر مستخصرتش حاجة فى العربية على امل انها حتى ترجع قرب الزيرو . فعلا انا قلقان
وربنا يستر ..

على العموم انا هاخد بنصايحك انت واخى احمد وربنا ييترها معانا جميعا

سوال برضة فى التلين ؟
ينفع الين طريق طويل فى الاول زى العين السخنه رايح جاى حوالى 250 ك وبعدين ابتدى اروح بيها الشغل بعد كدة ( من مدينة نصر الى الحسين ) ولا لازم ال 1000 ك الاولنين تكون كلها مشاوير مفتوحة ؟؟
وشكرا لكم جميعا

هو طريق العين السخنو نضيف فعلا.. بس في مشكلتين..
متاخدش طريق طويل علي بعضه..(كلام الميكانيكي اللي عملت عنده عمرة العربية القديمة..)
يا اما تمشسي شوية براحتك وبعدين تقف لحد ما العربية تهدا شوية..
يعني نص ساعة ولا حاجة.. يعني ساعة الا ربع و تقف شوية و هكذا مثلا يعني.
المشكلة التانية ان طريق العين السخنة فيه مطالع .. يعني غالبا 3 او 4 مطالع علي ما اذكر.. ومطالع قاسية شوية.. بعنب ممكن تبقي حمل شوية علي العربية..
ممكن المشوار ده تخليه شوية لحد ما تقفل بيه ال1000 الاولي..
وبالنسبة لموضوع مرواح الشغل بيها اللي هو في الحسين.. بيتهيألي الموضوع ده استحالة في التليين..
الطريق علي طول واقف.. و العربية هتسخن فيه.. و كمان في مطالع و كباري و كده..
خلي مشوار الشغل ده لما تخلص تليين افضل ان شاء الله..
طبعا كلام ادهم بك متوافق مع وجهة نظري.. ولو اخدت بالك هتلاقيه تقريبا نفس الكلام اللي قولتهولك..
والحمد لله انا اتعلمت الحاجات دي من عمرة العربية القديمة اللي كانت معايا..
والحمد لله انا باضيف النقطة دي لإيجابيت العربية دي معايا..
عموما الف شكر ادهم بك علي المعلومات القيمة..
و ربنا يعينك و يوفقك ان شاء الله في رحلة التليين..

أدهم بك..
هو كان شغال في اوبل..
كان في مقار اللي في الدقي.. جنب المركز القومي للبحوث..
وحاليا علي فكرة هو شغال في مركز الصيانة الرئيسي لأرتوك اوتو توكيل سكودا اللي في غمرة.
يعني قريبا ان شاء الله هيبقي متخصص سكودا كمان..

شكرا ادهم بك واحمد باشا طبعا
عموما هو اسمة م/ فادى وهو فى المعادى الجديدة فى السوق التجارى رقم موبيلة 0181861139
كمان الصنيعى الى معاه شغال فى توكيل اوبل (مقار ) وبرضة الصنيعى دة فنان جدا ومبيعملش غير الصح ..