عاوز أعدل الفرامل لنوبيرا (اخليها عالشعرة)

**MMamdouh** · 28-02-2011 02:49 PM

المشاركة الأصلية كتبت بواسطة M.Alaa92

الكاوتش لسة جديد kumho الاربعة يبقى ماستر هل فى اختبار اعمله اتاكد معلش انا عارف انى بتقل على حضرتك

انا مسالتش هل الكاوتش جديد ولا لا انا سالت هل قفش ولا لا؟؟؟

MMamdouh

**MMamdouh** · 01-03-2011 04:37 AM

كدة دة عيب فرامل

و العيب تحديدا هو نقص الضغط فى دورة الفرامل

دة بيبقى نتيجة تلف الماستر العمومى بفرض ان مفيش اى تسريب من المواسير او الخراطيم بتاعت الدورة

طالما انت بتقول ان لاقيت خرطوم ضارب يبقى اللى حصل طبيعى جا لان نصف الضغط اللى عملتة بداوسة الفرامل راح فى الهوا نتيجة القطع و بالتالى العربية موقفتش

MMamdouh

**moko_2004** · 04-03-2011 01:58 AM

المشاركة الأصلية كتبت بواسطة m.alaa92

تمام حضرتك بس برضه فراملها استجابتها مش سريعة او زى اليابانى او الالمانى و بكدة رجعنا لمربع رقم واحد

عايزين نزود استجابها بس ازاى؟؟؟ كل التعديلات اللى بتتقال بتزود قوة الفرامل و ليس استجابتها طب نعمل اية ؟؟

بص لو فرامل اللي ورا طبل لازم ترجلشها كل فترة ومتكسلش و لو الطنابير اللي ورا احاتجت خراطة اخرطها و رجلش الفرامل دي بتخلي استجابة الفرامل احسن كتير انا كنت زيك بشتكي ان الفرامل بتاخد وقت لما العربية تقف و لكن مع التدريب علي الفرملة المتتالية و عمل رجلاش دوما للفرامل الخلفية بقيت بقدر اقف اسرع من البورا

**M.Alaa92** · 05-03-2011 09:10 AM

المشاركة الأصلية كتبت بواسطة moko_2004

بص لو فرامل اللي ورا طبل لازم ترجلشها كل فترة ومتكسلش و لو الطنابير اللي ورا احاتجت خراطة اخرطها و رجلش الفرامل دي بتخلي استجابة الفرامل احسن كتير انا كنت زيك بشتكي ان الفرامل بتاخد وقت لما العربية تقف و لكن مع التدريب علي الفرملة المتتالية و عمل رجلاش دوما للفرامل الخلفية بقيت بقدر اقف اسرع من البورا

ازاى اتدرب عليها ؟؟؟ يعنى مثلا ماشى على 140 استعمل الطريقة دى ازاى ؟؟
و الف شكر يا باشا

**moko_2004** · 05-03-2011 03:49 PM

بص يا جميل في البداية تدرب علي الفرملة في مكان فاضي و مفهوش حركة علشان تعرف تتدرب براحتك
هتعمل الأتي
1 لما تمسك سرعة عالية مثلا 140 ابدا اضغط علي الفرامل كأنك هتهدي وبعدين زود الضغطة شوية شوية لحد ما تقرب تسمع صوت احتكاك العجل تخف حاجة بسيطة و تضغط تاني و هكذا لحد ما تقف العربية
في البداية هتاخد وقت و لكن بعد كدة هتتعود و هتكون استجابتك سريعة جدا لدرجة انك هتعرف توقف العربية في اقل مسافة
من النظام العادي الضغطة الواحدة المباشرة اللي بتمسك العجل ويقفش و لكن وزن العربية و قوة الأندفاع بيخليها تتزحلق مسافة لاحظ ان "هنا العجل هو اللي بيفرملك مش سيسم الفرامل"
بنظرة سريعة علي فكرة عمل abs هنلاحظ ان بيطبق نفس النظرية ولكن بشكل اوتوماتيكي و سريع عشان الكومبيوتر يعني يمسك ويسيب و يمسك لحد ما العربية ما تقف فيمنع ان العربية تتزحلق او تنزلق "فرامل مضادة للانزلاق"
اتمني يكون شرحي واضح وانا تحت امرك