الموضوع: بعد لقاء القوات المسلحه..ايه رأيكم النهارده فى كلام وزير الداخليه ؟؟

المشاركة الأصلية كتبت بواسطة dr-mohamed

مش هانخلص يا باشمهندس محمد من الاشاعات
كل واحد قاعد على كمبيوتر يخبط اشاعة والكل ينقلها زي ما حصل هنا امبارح مرتين

أنا عن نفسي والله تعبت وعنيا وجعتني المفروض الناس تخلي بالها بقه وتتحقق من كل خبر قبل ماتصدقه وتضرب الفتنة في مقتل قبل ماتنشرها
تحياتي د.محمد

المشاركة الأصلية كتبت بواسطة sara2001

ياااخبر
انا ما سمعتش بالإشاعه دي اصلاً بس متوقعه ممكن يكون رد الفعل ايه
ياترى ممكن يكون مين اللي بيطلع الإشاعات دي

ألي عايز يوقع المسلم مع المسيحي ..........والأثنين مع الجيش عايز البلد تخرب
أي ناس ليها مصلحة في كدة تجار مخدرات ........ألخ أي حد مستفيد من النظام القديم أو هايتحاسب من النظام الجديد
ده غير اليوم السابع ليها أجندات مش نظيفة

http://www.youtube.com/watch?v=Rb3LnQMPw4Q

انا شفت جزء من الحلقة
واول ما شفته بيقول ان كان فيه ناس اجانب فوق اسطح العمارات
وان فيه مندسين هما اللي بدأو يضرب الشرطة
قولت هذا لايصلح
نفس التفكير ونفس المنهج وكان واحد من رجالة العادلي ةمساعدية حتى 2007 لغاية ما طلع معاش
والناس اللي هيقولو يجبولكم منين
ااقولهم ارحمونا يرحمكم من في السماء

المشاركة الأصلية كتبت بواسطة medo_2060

والله شفت البرنامج وعشان الحلفان لما بدأ مكملتوش للاخر.. والفيديوهات موجوده عالنت ومواقع مصريه كتير ناقله الحوار


اه الموضوع من رصد... ودا مش اختراع دا حوار فى التلفزيون الناس دى لو فعلا زى ما بتقولوا عايزين يتوهوا الناس مش هيقعوا فى الغلطه الهبله دى مش هينقلوا كلام غلط ومتقال فى حوار عالتلفزيون !!!

وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام

اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...

+111111111111111111111111111111

المشاركة الأصلية كتبت بواسطة medo_2060

استاذ xander2010_evo...

ارجو انك متحصرش القضيه فى رصد ولا غيره وتسيب الكلام بتاع الراجل ...لو بس جت عالكلمتين الى فوق دول يبقى الرساله وصلت

+99999999999999999999999

المشاركة الأصلية كتبت بواسطة xander2010_evo

والله أنا مش بحصر الكلام في رصد أو في غيرها
لو عاوزين ينقلوا الخبر محدش فينا عنده مانع بس ينقلوه بالحرف وكل الصدق فيه
والكلام ده صراحة من وجهة نظري مقصوص عن الكلام علي الراجل قاله فالحلقة
وأنا بردو مش بدافع عن الراجل وزير الداخلية ده مع إن كلامه أنا مقتنع بيه جدآآآ
وبالنسبة لرصد بقي
شوف اللينك ده
طھط¹ط±ظپ ط¹ظ„ظ‰ ط¥ط¯ط§ط±ط© ط´ط¨ظƒط© ط±طµط¯ ... ط´ط¨ط§ط¨ ط³ط¬ظ„ظˆط§ ط§ظ„طھط§ط±ظٹط® ... | facebook
دوول فعلآ أصحاب رصد
أنس حسن ده من المنصورة وفعلآ في كلية هندسة ده صاحب واحد صاحبي فالكلية إللي أنا فيها
وهوا إللي عمل الشبكة دي أصلآ وواحد بردو إسموا أسامة طلبة
وهما الأتنين إخوان صراحة وأنا مش ضدهم علشان متجيش تقوللي وجاي ليه تقوللي إخوان؟؟
الإتنين أيام الدكتورة إللي إتقتلت في ألمانيا "مش فاكر إسمها صراحة" كانوا عملوا مظاهرات كل واحد في كليته
وإتمسكوا وإتعملهم قضية والحوار المعروف ده وف الآخر كالعادة والطبيعي في كل الكليات كسبوها
وكل صراحة إللي شايفه منهم دلوقتي بيحاولوا يردوا إللي إتعمل فيهم بأي طريقة
ومفيش أسهل من النت وياسلام لما يكون معاك صفحة فيها نص مليون مشترك
والشبكة دي وسعت وبقي ليها ناس من برة مصر مصريين يعني بردو علشان حوار الأجندات الفكسان ده
وإزاي دخلوا نت والنت كان مقطوع في مصر ..إلخ إلخ زي ماحنا عارفين
هتقوللي الكلام ده كذب وهجس
هاقولك متشكر ياسيدي
هاقولك دليلي إني عندي بروفايلاتهم أصلآ ع الفيس
بس أنا مش عاوز أنشرها لسبب إني مستني فرصة صح وأبلغ عنهم بس الآقي المسئول الصح
تحياتي إليك

أنا مش شايف إن في كلام يدينهم يعني كل الكلام إلي حضرتك كاتبو عنهم عادي جداً

المشاركة الأصلية كتبت بواسطة ahmedjumpo

اسمحلى بعد اذنك يا دكتور محمد ارى ان كل السيناريوهات اللى حضرتك توقعتها من بعد رجوع النت الى العمل لم يحدث اى منها و كان معظمها فيه نوع من تثبيت الهمم و التخويف من القادم و البعبع العسكرى اللى ما كانش هيخلى راجل هيقدر يوقف فى الشارع و الكلام ده يعتبر اساءة لشباب الثورة لانهم مش شوية عيال هتخاف و تروح و اظن انا وملايين غيرى شافوا ان هؤلاء الشباب العزل تصدوا بصدورهم العارية للبلطجية و ضباط امن الدولة و اسلحتهم البيضاء و الالية فى الوقت الذى دخل افراد الجيش الى دباباتهم و تركوهوم بلا حماية و قد قامت امريكا و بعض الدول بادانة هذا السلوك السلبى من الجيش و هل كنت تظن ان اى جيش فى العالم كان يستطيع ان يردع هؤلاء الشباب الذين لم يعد يرهبهم الموت الذى كان يحيطهم و هل كنت تعتقد ان لو الجيش كان ضرب شوية من الناس كانت روحت و الموضوع خلص اتحدى يا دكتور و الا كانوا عملوا كده
ارجوك يا دكتور بلاش تسفيه للشباب المصرى و اظهاره بمظهر الجبان و اللى مش فاهم حاجة فصاحب الايمان سيدافع عنه الى الموت و لك فى ليبيا التى تعطيها لنا فزاعة خير الدليل فهم خرجوا و لم يرهبهم الطيارات و لا المدفعية و لا المرتزقة لانهم امنوا بقضية بلدهم و بالحرية وسيدافعوا عنها حتى النصر
ملحوظة اخيرة يا دكتور اترك الشباب يحلم لهذا الوطن فالاجيال السابقة كانت هى السبب بسلبيتها و استكانتها فى التدهور الذى وصل اليه الوطن

+99999999999999999999999999999999999