الموضوع: بعد لقاء القوات المسلحه..ايه رأيكم النهارده فى كلام وزير الداخليه ؟؟

عاوزين حد محترم يمسك الداخليه , كان زمان فيه الواء / أحمد رشدى الى كان بجد محترم و حاول يعلم الناس النظام , ياريت يجيبوا وزرا بتعرف تتكلم مع الناس و بلاش تقعد تغطى على الاحداث الى كلنا شفناه بروايات لا يصدقها عقل, الحاجات دى بتقلل فرصه رجوع الثقه مش فيهم وبس ولكن كمان فى المجلس الاعلى للقوات المسلحه اللى لسه متمسكم بيهم. ياريت يتم تغيرهم قريبا ويختاروا حد عدل يبداء بأقامه العدل, ساعتها ممكن الناس تصدقهم وتبدى الثقه ترجع تانى

المشاركة الأصلية كتبت بواسطة medo_2060

والله شفت البرنامج وعشان الحلفان لما بدأ مكملتوش للاخر.. والفيديوهات موجوده عالنت ومواقع مصريه كتير ناقله الحوار


اه الموضوع من رصد... ودا مش اختراع دا حوار فى التلفزيون الناس دى لو فعلا زى ما بتقولوا عايزين يتوهوا الناس مش هيقعوا فى الغلطه الهبله دى مش هينقلوا كلام غلط ومتقال فى حوار عالتلفزيون !!!

وبعدين نازلين ليه انتقاد فى المواقع والقنوات دى .. هو الاعلام الوطنى رائع جدا عشان نتابعه.. مش دى الجزيره الى كانت بتذيع جرائم حكومتك وكانوا بيشوشوا عليها !! لو الجدال منه فايده كنت اتكلمت كتير فى الاعلام

اسمحلى حضرتك من اول ما الثوره بدات عمالين تكبروا وتشككوا فى كل حاجه شويه تشتموا فى الثوار الى فى التحرير وشويه كفايه كدا يا خوانا وشويه مع وائل غنيم وشويه ضده وشويه هيحصل مذابح لو المظاهرات استمرت وشويه مبروك عليكم الحكم العسكرى وشويه الاحتلال داخل البلد وشويه اسرائيل وسفن امريكا !!!!!!!!!!! ...
مفيش ولا كلمه من الى عمالين تقولوها من اول الثوره الا ما بتطلع العكس وكلامكم كان كله غلط ودائما المتظاهرين الى كانوا عايزينه كان الصح وبرضه مصرين تعيدوا نفس كلامكم فى كل موقف
دا لو المتظاهرين قالوا الشمس بتشرق من المشرق هتقولوا دا كلام الجزيره ورصد وهتطبق الاحكام العرفيه ..
بعد كل كلامكم الى محصلش ولا حرف منه بمناسبه ايه دلوقتى نثق فى نصائحكم وتوجيهاتكم..
وبرضه عارف الرد الى هيتقال على كلامى لانه نفس الرد الى بيتقال فى كل موقف...

الله يفتح عليك

دول بيفكروني بأغنية سلطان الطرب

تقوله دي قمرة ...... يقول لأ شمس !!!!!!

المشاركة الأصلية كتبت بواسطة otefa

شكرا أشوفها تاني
سمعت حاجة طيب عن موضوع القوات الأجنبية؟

اتفضل يا استاذى اللقاء كاملا

[youtube]http://www.youtube.com/watch?v=6b86ATPvTG0[/youtube]

و اسمع بنفسك يا اخى الكريم اللى بيقوله سعادته عن العناصر الاجنبية و اللى ضربت من فوق الاسطح و لا الاقسام التى ضربت على مستوى الجمهورية و يقول مخطط و ان الجزء التانى كان مخطط ضرب السجون و ان دول وراءهم مجرمين سياسيين مدعومين من الخارج و هل هذا الكلام يصدقه عقل اكانت العنصر هذه تعلم مسبقا انه سيحدث انهيار امنى و لحقت وزعت نفسها على مستوى كل الاقسام بهذه السرعة والدقة ده لو افترضنا ان كلامه صح ديه لوحدها كارثة كبرى لان ببساطة ده معناه ان وزارة الداخلية و امن الدولة على الاخص نايم و فاشل يبقى ايه لازمته
و اضحك بأه على العناصر الاجنبية اللى معاها ليزر و احنا يا عينى معندناش
و خد ديه كمان سجن واحد فقط هيتصلح بـ 220 مليون جنيه ليه هو اضرب بقنبلة نووية
يا استاذى هذا الوزير لا يريد كالعادة لباقى الوزراء ان يعترف بوجود اخطاء و الجرائم التى حدثت من خلال وزارته
يا استاذى اول طريق الاصلاح هو الاعتراف بالخطاء اما المكابرة و النفى الدائم معناه التستر و عدم المحاسبة و بالتالى لا اصلاح و هذا الوزير لو تكرر فى عهده موضوع خالد سعيد فلن يحاسب احد لانه كله تمام و الشرطة قايمة بواجبها على اكمل وجه
وخد عندك مجموعة فيديوهات تؤيد كل ما قاله السيد الوزير
اولا الشرطة لم تضرب نار على المتظاهرين العزل

[youtube]http://www.youtube.com/watch?v=r7qk6dD6V8o&feature=related[/youtube]
http://www.youtube.com/watch?v=-nBshP2Z_-8&feature=related

ثانيا الشرطة فى خدمة الشعب

[youtube]http://www.youtube.com/watch?v=SgS5vcvLVJE&feature=related[/youtube]
[youtube]http://www.youtube.com/watch?v=9CUy2PwhGRg&feature=related[/youtube]

ثالثا الشرطة غير متواجدة بميدان التحرير

[youtube]http://www.youtube.com/watch?v=bp00-wCWq1U[/youtube]

الشرطة لم تفتح السجون و لم تساعد المساجين على الهرب

[youtube]http://www.youtube.com/watch?v=XXwV60l2Gf4[/youtube]
[youtube]http://www.youtube.com/watch?v=_UjznjCIzrU&feature=related[/youtube]
[youtube]http://www.youtube.com/watch?v=vF8DjX0p80o&feature=related[/youtube]

و اخيرا فيديو للقناصة و قتل العزل فى التحرير

[youtube]http://www.youtube.com/watch?v=c5eBmRfJCBo&feature=related[/youtube]

اسال الاخوة بالله شفتم ملامح التغييرالموعود و حسبى الله و نعم الوكيل