الموضوع: بعد لقاء القوات المسلحه..ايه رأيكم النهارده فى كلام وزير الداخليه ؟؟

المشاركة الأصلية كتبت بواسطة dr-mohamed

هرد عليك لسبب واحد هو احترامك في الكلام
واي حد هايتكلم بالطريقة دي انا معاه يقنعني او اقنعه
اي حد هايتكلم بطريقة تانية هايبقي فيه كلام تاني يليق بيه

اشكرك يا دكتور على الاحترام المتبادل و نحن فى الاخير كلنا شركاء فى هذا البلد و لابد ان نتسامح مع بعض و نتناقش حتى نأتى بغد افضل لهذه البلد التى تستحق مكانة اعلى بكتير مما هى فيه

[frame="2 80"]
لم يكن رايي وحدي وانما شاركني فيه الكثيرين وما غير الموازين هو موقف الجيش ولو ان الجيش تعامل من يوم 28 باعتباره نازل ينفذ حظر التجول فعلا وبشكل حاد مكانش حد هايبقي موجود في الميدان يوم السبت
ويمكن انت متعرفش الكلام ده لانك مشفتش قبل كدة حظر تجول
اسئل والدك لو كان من القاهرة عن حظر التجول سنة 86 وهو يقولك يعني ايه حظر تجول

يا دكتور مع احترامى لكلام حضرتك اللى قلب الموازيين ليس الجيش و انما المتظاهرين و الثوار بثباتهم على مطالبهم و دفاعهم المستميت عنها و لو اهتزت يقة الثوار بأنفسهم لكان الوضع اختلف و ما استفدنا شيء
و بخصوص الجيش فكما قولت لحضرتك فى كل الثورات الحقيقية لم يستطع اى جيش او قوة عسكرية قهرها من الممكن ان يؤخرها قليلا او ان يقمعها لفترة و لكن فى النهاية تنتصر اراردة الشعوب
ولا تنس يا دكتور ان الجيش هو فى الاخير من الشعب و لو اعطى الامر بالضرب فهناك الكثير من افراده سيرفضون مثلما الوضع الان فى ليبيا



انت بتسمي شوية البلطجية والعيال بتاعة الخيل بتاعة الهرم دول امن دولة ؟
وسيبك من موضوع الكارنيهات لاني شفت بعيني يوم 28 كم رهيب من الكارنيهات والاوراق سواء اللى اتاخدت من مقر الحزب الوطني في شارع القصر العيني او اللى اتاخدت من العساكر في التحرير
ومعرفش ان كان فيه اسلحة الية يوم الاربعاء اخرهم كان سلاح عادي

حضرتك و انا و غيرنا بسبب عدد قليل من البلطجية لم نكن ننام الليل و كنا بنحرص بيوتنا فما بالك باللى بيضربوا طول النهار و الليل بالحجارة و الاسلحة البيضاء و الاسلحة النارية و المولتوف و قد سقط منهم اكثر من عشرة شهداء و مئات الجرحى و كان يتم منع الادوية و الاغذية عنهم
و اليك هذا الفيديو بمناسبة الاسلحة العادية وشوف القناصة كانوا بضربوا ببندقية قنص مش سلاح عادى
[youtube]http://www.youtube.com/watch?v=c5eBmRfJCBo&feature=related[/youtube]

اما بخصوص عدم وجود ضباط فارجوا مراجعة المشاركة السابقة مباشرة و ستجد فيديو لعنصر من الداخلية بالاضافة الى شهادة الكثير من الناس اضافة للكرنيهات اللى عرضوها و متقليش حضرتك انها جاية من مقار الحزب الوطنى لان فيها كارنيهات داخلية و ديه طبعا ما حدش هيسيبها فى حزب و لا الحزب دلوقتى بيعمل الكرنيهات بدلا من الداخلية طبعا بالاضافة للقناصة اللى اكيد مش من البلطجية ديه ناس مدربة لذا فأعتقد ان هذه النقطة ليست محل جدال

لو كان الجيش تدخل واطلق طلقة واحدة وقت الاشتباك واصابت واحد فقط من المتظاهرين كان المتظاهرين اول ناس هاتهاجم الجيش وتقول انه بيقتل شباب الثورة وامريكا اللى بتقول عليها كانت هتقول الجيش المصري بيعمل حرب ابادة للمتظاهرين علشان واحد اتصاب
واول ما اصبح المتظاهرين بعيدين عن البلطجية شفنا الدبابات وهي بتجري وراهم على الكوبري وبتضرب عليهم بالنار

يا دكتور الجيش ترك البلطجية من ظهر الاربعاء الى صباح الخميس و لم يتدخل و فى ضابط كاد ينتحر فى ليل الاربعاء لانه لا يستطيع ان يقدم الحماية للمتظاهرين امام نيران البلطجية والامن و بالتالى اضطر المتظاهرين الى محاولة الدفاع عن انفسهم بانفسهم و حاولوا الوصول الى كوبرى اكتوبر و كان هناك قناصة فى الانتظار


الله اعلم هما معملوش كدة ليه والحمد لله انهم معملوش
فيه حاجات كتير جدا مش هاتتعرف ابدا او على الاقل مش هاتتعرف دلوقت
لكن لو فيه رغبة في استخدام الجيش بشكل جدي ضد المتظاهرين كان نزل الحرس الجمهوري بدل الجيش اهو على الاقل اقرب ومدرب اكتر واسال والدك لو كان الحرس الجمهوري اللى نزل وهدفه انهاء التظاهرات يوم الجمعة بالليل كان ايه اللى هايحصل

سبق الرد فى الجزئية الاولى على موضوع الجيش و لكن برده مازلت حضرتك مصر على فزاعة و هذه المرة هى الحرس الجمهورى و استعراض قدراته على القتال يا دكتور اعتى جيوش العالم ستهزم اذا اوصلت الامور مع الشعوب الى جعلت الامور حروب الشوارع
يا دكتور لو كل ثورة فى الدنيا قبل ما تقوم حطيت امامها المخاوف من رد فعل الحاكم بما تصوره حضرتك من مواجهة جيوش و مواجهة حرس جمهورى و غيرها من الظروف مكانتش ثورة قامت و لا نظم حكم اتغيرت و كان اللى فكر بطريقة الخوف كان جرى بسرعة على البيت و شرب اللبن و اتلف فى الغطاء

ليبيا تصديق لما اقوله فلم تستطع الثورة الليبية التحرك في بني غازي الا بعد ان انضمت لها قوات الشرطة والجيش مما شجع بقية المدن وزادهم اصرار انضمام قوات الجيش والشرطة لهم

لاحظ يا دكتور هذا هو الصمود الذى اتحدث عنه فهذه القوات لم تنضم الا عندما وجدوا ان هذا الشعب الباسل سيدافع عن ايمانه بحريته حتى الموت و قد تصدوا للكتايب الامنية بمفردهم فى البداية ومع الوقت تشجعت عناصر من الشرطة و الجيش لتقف مع الشعب




[/frame]

المشاركة الأصلية كتبت بواسطة dr-mohamed

وهل قام بالثورة الشباب فقط ؟
والاجيال السابقة التي تتكلم عنها منها معلمك ووالدك هل ساهموا في وصول الوطن للتدهور والاستكانة؟
ولو ده رايك ايه رايك كمان نسيب البلد ونمشي كلنا منها ونسيبها للشباب اللى بتقول عليهم
الجيل الحالي اللى بتقول عنه منه الشباب الواعي الفاهم زيك ومنهم الشباب الضايع اللى واقف يشرب بانجو في الشارع منهم اللى بيقكر ومنهم اللى واخد الدنيا بالدراع
والجيل الاكبر منكم فيهم الفاسد ودول قلة ومعظمهم ستجدهم في المناصب الكبري جدا ومنهم المستسلم ومنهم من يبذل وبذل كل جهده حتي تصبحوا على ما انتم عليه فلولا والدك وجيله الذي تتهمه بالسلبية والاستكانة ما كنت انت وجيلك موجودين وما كان عندكم الامكانية ان تدخلوا على الانترنت لتنتقدوهم وتطالبوهم بالصمت

يا دكتور اتنكر حضرتك انه لولا الشباب ما قامت الثورة و لولا حماس الشباب ما كانت دعائم هذا النظام تتهاوى الان
نعم يا دكتور الاجيال السابقة هى التى ادت الى الانهيار بسكوتها على الحاكم و نفاقها له ماذا فعلم لايقافه و لا شيئ بل جعلوا الحاكم يزداد طغيانا و جعلوا هذه البلاد بلا مستقبل فنشاء كثير من الشباب بلا هدف بلا عمل بلا فرص فى الحياة هل تظن ان هؤلاء الشباب الذين يتعاطوا المخدرات او يمارسوا العنف كانوا هيختاروا نفس الطريق لو وفرت لهم فرص عمل كريمة يؤسسوا بيها حياة و منزل و عائلة
نعم يا دكتور الاجيال السابقة مشاركة بالفساد و ادعوك ان تقرا ما قاله العالم فاروق الباز اليوم
http://arabic.arabia.msn.com/news/middleeast/youm7/2011/February/4022464.aspx?region=egypt.&featuredAR
يا دكتور انا لا استطيع ان اطالب اي مصرى بالصمت و لكنى اطالب كل من يرى الامور سيئة او ليس عنده امال اكبر ان يترك من يريد ان يحلم بمصر دولة قوية متقدمة فيها الشرف و الكرامة حق لكل اولادها فبلاش تصادروا من الشباب الحلم كمان و تجبروه انه يرضى فقط بالسوء الذى يعيش فيه فلولا حلم محمد على بدولة قوية ما كانت مصر الحديثة و لولا حلم عمر المختار ما تحررت ليبيا من الاستعمار الايطالى و لولا حلم مارتن لوثر كينج ما وصل رئيس اسود الى حكم امريكا
و فى النهاية اسمحلى يا دكتور و لا تغضب منى انت مطالب باعتذار لشباب الثورة على ما قلته فى حقهم

المشاركة الأصلية كتبت بواسطة dr-mohamed

المشكلة يا شهدي ان اللى في التحرير دلوقت مش هما اللى خرجوا يوم 25 لغاية يوم 28
يوم 25 كانت المظاهرات متنوعة جدا وفعلا بتعبر عن كل فئات الشعب المصري
يوم 26 كانت رجالة جدا لان عددهم قليل اوي وبيقاوموا اعداد ضخمة من الامن المركزي
يوم 28 كان رجالة بجد لاقصي درجة اتحملوا كل ما تتخيله
من يوم الجمعة مساء بدا يظهر اللصوص والمنتفعين بعد انتهاء المعركة
بدا يجلس في التحرير من لم يشاركوا اصلا وكانت اول مرة لهم من يوم السبت ممن يريدون المشاهدة لانه منظر جديد وفاكرين انه مش هايحصل تاني
وشوية من اللى معندهمش شغل وخايفين لو خلصت اللعبة يرجعوا يقعدوا للملل في البيت
وشوية من بتوع الاحزاب والاخوان علشان المكاسب اللى عايزينها من المظاهرة
وشوية من اللى مش لاقيين ياكلوا واقسم لك بالله بتيجي لهم وجبات كنتاكي وبيبسي وفيه ناس كانت بتوزع عليهم فلوس امبارح (طبعا اللى بيوزعوا دول مش بيروحوا للناس اللي شكلها محترم لانهم عارفين انهم هيدوهم بالجزمة)
وقليل جدا ممن بدوا من يوم 25 وباقين هناك لانهم لا يعرفون ماذا يفعلون

هما دول اللى عايزهم يتحكموا في مصير البلد يا شهدي ؟؟؟؟؟؟؟؟؟

المشاركة الأصلية كتبت بواسطة dr-mohamed

والله معاك حق يا ابو فرح
شوية العيال اللى قاعدين في التحرير بالكتير الاف وهيحرقوا بلد 80 مليون لانهم مش عارفين عايزين ايه او هايعملوا ايه غير لما يرجعوا للفيس بوك الاول
تخيل الفيس بوك هايحدد حياتنا على ايد الاطفال والمراهقين والصيع اللى منتظرين

انا ارجو منك الاعتذار لهم لانك اخطأت فى حقهم و ليس بسبب ارائك فالاراء تقبل المناقشة لكن دون التجريح و اتهام الشباب بالصياعة و المراهقة و العمالة و انهم لصوص لا يا استاذى اللصوص ليس مكانهم التحرير فى هذا الوقت فالبلد كانت سايبة و السرقة سهلة ايه اللى يخليه يقعد و يسيب التورتة اللى برة
استاذى من الديموقراطية و احترام الغير انى اعتذر عندما اتبين عدم صحة كلامى و تحليلاتى
ارجوك لا تغضب و تحياتى العزيزة لك و عذرا باقى الاعضاء لاطالتى و لكنى اعتقدت انها مطلوبة الان فسامحونى