تغيير الزيت للبومه؟؟

**Hossambecks** · 06-03-2011 02:31 PM

المشاركة الأصلية كتبت بواسطة homos99

طيب يا جماعة ممكن سؤال ؟؟ انا بشد وبحرق معظم الوقت في السواقة ,,, طيب انا دلوقتي احط اي نوع زيت موبيل 1 ولا موبيل xhp ولا شيل هيلكس نظرا ان انا عملت 10000 في خمسة اشهر من ساعة لما جبت السيارة وهل عدد الكيلومترات دا كتير ولا قليل ؟؟

السلام عليكم
باشا معدل مشيك كتير طبعا و لو زودت حبه كمان عداد الكيلو متر عندك هيبقى اعلى من التاكسي
لو ال 10000 دول كنت بتعملهم على فترات كبيره فيبقى موبيل 1 احسن لمتورك
لكن واضح ان مشيك كتير و اليوم الواحد عندك بيعدي 100 كيلو
يبقى استخدم موبيل xhp
اما بلنسبه للشد و الجري فكلنا بنجري و بنشد بس مش هو دا العادي
الموتور هو اللي هيتهلك و طبعا عمر العربيه و سعرها لما تيجي تبعها
و الله الكلام دا عن تجربه شخصيه
و الأهم من دا كولو, عشانك انت عشان لا قدر الله الحوادث , وربنا يحميك

**homos99** · 06-03-2011 06:35 PM

المشاركة الأصلية كتبت بواسطة Hossambecks

السلام عليكم
باشا معدل مشيك كتير طبعا و لو زودت حبه كمان عداد الكيلو متر عندك هيبقى اعلى من التاكسي
لو ال 10000 دول كنت بتعملهم على فترات كبيره فيبقى موبيل 1 احسن لمتورك
لكن واضح ان مشيك كتير و اليوم الواحد عندك بيعدي 100 كيلو
يبقى استخدم موبيل xhp
اما بلنسبه للشد و الجري فكلنا بنجري و بنشد بس مش هو دا العادي
الموتور هو اللي هيتهلك و طبعا عمر العربيه و سعرها لما تيجي تبعها
و الله الكلام دا عن تجربه شخصيه
و الأهم من دا كولو, عشانك انت عشان لا قدر الله الحوادث , وربنا يحميك

شكرا على رد حضرتك ,,, بس انا كنت بسافر كتير الايام اللي فاتت ,,, لأ مش العادي عندي الشد لاكن بجري كتير ,,, عموما انا شاكر نصيحتك جدا والواحد لازم فعلا يحافظ على عمر الموتور ,,, ان شاء الله هستعمل موبيل xhp

**jagu** · 21-03-2011 12:00 PM

عن تجربة فى اكتر من عربية سواء معايا او مع ناس من الأهل او اصدقاء شل احسن بكتيير من موبيل فى الزيوت

**Unendlich** · 21-03-2011 02:46 PM

أنا شخصيا بستخدم موبيل 1
الصراحة البلد الوحيدة على وجه الكرة الأرضية اللي ممكن تلاقي فيها ناس بتقول إن زيت عادي أفضل من تخليقي

**HeRo_LaNCeR** · 21-03-2011 11:14 PM

رائي الشخصي موبيل 1

**ahmedsaiad** · 23-03-2011 12:31 AM

والله انا كنت بحط موبيل وان مكنتش حاسس ان العربيه ناعمه
وصوت العربيه عالى غيرت لشل 1000 الجركن الرصاصى بصراحه فرق معايا كتيرجدا فى نعومة الماكينه وصوت العربيه حتى فى حرق الغيار الصوت مش بيعلى وبقت انعم من الاول

**Ramy.Gamal** · 23-03-2011 11:46 AM

انا جربت كل الانواع من 2005 وكلهم 10000 يعنى شل الترا و موبيل 1 و كاسترول ايدج سبورت و توتال كوارتز , بصراحه موبيل 1 مش ناعم و كمان كان بينقص و العربيه زيرو شل الترا ممتاز و بيهدى صوت المحرك جدا يعنى مفيش احتكاك و كاسترول لازم تكون العربيه زيرو لانه بينقص لو العربيه بقالها 3 او 4 سنين وانا لسه اول مره اجرب توتال من اسبوع هى العربيه بقت انعم و صوت المحرك انخفض جدا و السحب بقى ممتاز , بصراحه لو عربيتك زيرو يبقى كاسترول لو بقالها 3 سنين فأكثر شل الترا او توتال كوارتز 9000

ملحوظه مهمه : كل الناس بتقارن الشل الترا مع موبيل 1 و هناك شبه اجماع على ان شل افضل كثيرا ... طيب فين المقارنه بين شل و توتال بجد الاتنين افضل موبيل 1 مع العلم ان توتال لسه جديد و الناس لسه مخدتش عليه