حدث الان فى ميدان الجزائر فى المعادى - ظابط شرطه و سائق ميكروباص

**ahmedabutaleb** · 24-02-2011 08:49 PM

نقلا عن مصراوى نص المحادثة بين الضابط والسائق

دقائق عدة فصلت بين الهدوء والعاصفة، بميدان الجزائر
فبينما الأمور تسير شبه عادية كما هو معتاد في ذلك الوقت بميدان الجزائر بضاحية المعادي، إلا أن مشاجرة تبدو في ظاهرها تقليدية ومعتادة بين قائدي سيارتين أحدهما قطع الطريق على الآخر، إلا أن النهاية لم تكن تقليدية ربما لأن أحد طرفي المشاجرة ضابط شرطة.نشبت المشاجرة بداية بين الضابط صلاح أشرف السجيني، وأحد السائقين ثم تطورت بمحاولة مجموعة من السائقين مساعدة زميلهم، مما أفقد الضابط اتزانه وأطلق أعيرة نارية من مسدسه الميري، استقرت احداها في رقبة أحد السائقين، والذي نقل فيما بعد لمستشفى القصر العيني وأجريت له عملية جراحية ثم استقرت حالته.
وبحسب رواية أحد الشهود العيان للواقعة والتي رواها على حسابه الشخصي بموقع تويتير بدأت المشاجرة عندام قطع سائق الميكروباص الطريق على الضابط، فقال له الضابط:" مش تفتح يا ابني"، فرد السائق:" معلهش يا باشا مخدتش بالي".. فرد الضابط". ما انتو بتوع الميكورباصات كلكوا غجر".
وتواصل الحوار الجدلي بين الضابط والسائق حيق قال السائق مدافعا:" وليه الغلط ما أنا ممكن أهزئك"،.. الضابط:" تهزأ مين ده انا ضابط"، وهو ما أثار حفيظة السائق فتابع:" لأ خلاص ما هو ده مش زمانكوا لوحدكوا"،.وهنا تتصاعد دراماتيكية المشهد حيث يرد الضابط: "لا ده زامنا تحب أفرجك".. ث يخرج الضابط من سيارته ويتجه نحو السائق، وفي خطوة أشعلت الموقف "بصق الضابط على وجه السائق".. ودفعه السائق بعيدا".
وأكمل الضابط: "متمدش ايدك عليا يا ابن...(لفظ بذئ(.. ثم يصل مجموعة من السائقين لمساندة زميلهم، فيبدوا للضابط أنه يواجه مواجهة ليست في صالحه، فيقول :"الضابط: كلموا عليا وألا ايه".. فيرد السائق متوعدا الضابط بفعلة شنعاء.. فيجن جنون الضابط ويخرج مسدسه ويطلق عدة أعيرة نارية في الهواء استقرت احداها في رقبة أحد السائقين.
بعدها تجمهر مجموعة من الأهالي وقاموا بالاعتداء على الضابط حتى يغمى عليه، كما قاموا بحرق سيارته، بعدها وصلت الأجهزة المعنية لاستلام الضابط، واتخاذ اجراءاتها القانونية.

**i_Am_Legend** · 24-02-2011 08:51 PM

المشاركة الأصلية كتبت بواسطة أحمد كمال

ماهو ذوق عافية مفيش غير كده

المشاركة الأصلية كتبت بواسطة أحمد كمال

و مفيش استقالات هتتقبل

و محاكمات عسكرية للممتنع عن العمل

خليهم يتربوا بقى

احيييييييييييييييييييييك بشدة...

لازم يعرفوا ان الشرطة فى خدمة الشعب ............

مشبهدلة الشعب وتقليبوا........

**nktis** · 24-02-2011 08:52 PM

الله يرحمه
وربنا يهدي بقي ظباط الشرطه.............

**medo2o1o** · 24-02-2011 08:53 PM

المشاركة الأصلية كتبت بواسطة ashouhdy

الحل فى تطبيق القانون

على المواطن والضابط والحرامى

لما التلاتة يلاقوا ان تطبيق القانون واحد عليهم محدش حيغلط لما الكل يكون واحد قدام القانون وكلة سواء كلة حينصلح

------ تطبيق القانووووووووووووووون ------

جبت المفيد ولله بس بجد يا جماعة حد يعرف ملابسات الحادث الحقيقية و مين اللى بدا يمكن نكون برضه ظالمين الظابط و يكون بيدافع عن نفسه قدام مطواة او ما شابه
اصل الصنفين مش ملايكة و ممكن اتوقع اى حاجة فعايز اعرف اللى حصل بجد بدون تهويل

**i_Am_Legend** · 24-02-2011 08:55 PM

المشاركة الأصلية كتبت بواسطة ashouhdy

الحل فى تطبيق القانون

المشاركة الأصلية كتبت بواسطة ashouhdy

على المواطن والضابط والحرامى

لما التلاتة يلاقوا ان تطبيق القانون واحد عليهم محدش حيغلط لما الكل يكون واحد قدام القانون وكلة سواء كلة حينصلح

------ تطبيق القانووووووووووووووون ------

شهدى.................بجد دة احسن كلام اتقال .........

القانون على الكل.........

**medo2o1o** · 24-02-2011 08:57 PM

المشاركة الأصلية كتبت بواسطة ahmedabutaleb

نقلا عن مصراوى نص المحادثة بين الضابط والسائق

دقائق عدة فصلت بين الهدوء والعاصفة، بميدان الجزائر
فبينما الأمور تسير شبه عادية كما هو معتاد في ذلك الوقت بميدان الجزائر بضاحية المعادي، إلا أن مشاجرة تبدو في ظاهرها تقليدية ومعتادة بين قائدي سيارتين أحدهما قطع الطريق على الآخر، إلا أن النهاية لم تكن تقليدية ربما لأن أحد طرفي المشاجرة ضابط شرطة.نشبت المشاجرة بداية بين الضابط صلاح أشرف السجيني، وأحد السائقين ثم تطورت بمحاولة مجموعة من السائقين مساعدة زميلهم، مما أفقد الضابط اتزانه وأطلق أعيرة نارية من مسدسه الميري، استقرت احداها في رقبة أحد السائقين، والذي نقل فيما بعد لمستشفى القصر العيني وأجريت له عملية جراحية ثم استقرت حالته.
وبحسب رواية أحد الشهود العيان للواقعة والتي رواها على حسابه الشخصي بموقع تويتير بدأت المشاجرة عندام قطع سائق الميكروباص الطريق على الضابط، فقال له الضابط:" مش تفتح يا ابني"، فرد السائق:" معلهش يا باشا مخدتش بالي".. فرد الضابط". ما انتو بتوع الميكورباصات كلكوا غجر".
وتواصل الحوار الجدلي بين الضابط والسائق حيق قال السائق مدافعا:" وليه الغلط ما أنا ممكن أهزئك"،.. الضابط:" تهزأ مين ده انا ضابط"، وهو ما أثار حفيظة السائق فتابع:" لأ خلاص ما هو ده مش زمانكوا لوحدكوا"،.وهنا تتصاعد دراماتيكية المشهد حيث يرد الضابط: "لا ده زامنا تحب أفرجك".. ث يخرج الضابط من سيارته ويتجه نحو السائق، وفي خطوة أشعلت الموقف "بصق الضابط على وجه السائق".. ودفعه السائق بعيدا".
وأكمل الضابط: "متمدش ايدك عليا يا ابن...(لفظ بذئ(.. ثم يصل مجموعة من السائقين لمساندة زميلهم، فيبدوا للضابط أنه يواجه مواجهة ليست في صالحه، فيقول :"الضابط: كلموا عليا وألا ايه".. فيرد السائق متوعدا الضابط بفعلة شنعاء.. فيجن جنون الضابط ويخرج مسدسه ويطلق عدة أعيرة نارية في الهواء استقرت احداها في رقبة أحد السائقين.
بعدها تجمهر مجموعة من الأهالي وقاموا بالاعتداء على الضابط حتى يغمى عليه، كما قاموا بحرق سيارته، بعدها وصلت الأجهزة المعنية لاستلام الضابط، واتخاذ اجراءاتها القانونية.

لو اللى حصل ده بجد يبقى كان لازم يتعمل فيه اللى حصل و يحمد ربنا و يبوس ايده وش و ضهر انه ما ماتش

**alaa74** · 24-02-2011 09:00 PM

ليه كل موضوع يبدأ فى إتجاة وبعد شويه يتحول لإتجاة تانى ؟
ليه معطم مناقشاتنا بتتحول إلى شخصنه وهجوم من كل طرف على الطرف الاخر . لمجرد إختلافه معاة فى الرأى ؟
وليه مش بنتناقش بموضوعيه ومن غير غلط وتهكم وسخريه من بعض ؟
أكيد لازم نختلف فى الرأى ، ونختلف فى وجهات نظرنا . لأننا فى الأصل مختلفين عن بعض فى الشكل و الطبع والتفكير والثقافه ................ الخ
لكن !!!!!
ممكن نختلف من غير غلط
ممكن نتناقش من غير ما نقلل من بعض
ممكن كل واحد فينا يحافظ على إحترامه للأخر
ممكن يبقى دايما عندنا وعى أكتر من كدة شويه
قول رأيك من غير غلط فى حد
قول رأيك من غير تعميم
قول رأيك وحاول قبل ما تهاجم الطرف التانى إنك تلتمس له ولو عذر واحد

كلنا مصريين وكلنا عاوزين بلدنا تكون أحسن بلد فى الدنيا
والفرصه بين إيدينا كلنا اننا نغير ونتغير بس بجد كل واحد فينا يبدأ بنفسه .....

كام واحد مننا وفى غياب الشرطه وبخاصه المرور بعد الثورة طبعا
لسه بيربط الحزام
ومش بيتكلم فى الموبايل وهو سايق بدون سماعه
ومش بيمشى عكس الاتجاة
ومش بيركن فى الممنوع
ومش حاط اللوحه الجديدة بتاعه تاريخ الثورة اللى بقت موضه على نمرة عربيته
ومخبى بيها النمرة الأصليه .

لو كانت إجابتك بنعم على الأسئله دى يبقى حضرتك فعلا حريص على البلد
وعاوزها تكون أحسن بلد قولا وفعلا .

ولو كانت إجابتك بلا مش ههاجم حضرتك وأقول إنت خاين وعميل وبتاكل كنتاكى ومش بتحب البلد لكن هقولك خلى بالك شويه وغير من نفسك علشانك وعلشانى وعلشان أولادنا وبلدنا تبقى أحسن بلد فى الدنيا .

بالمناسبه وأنا فى طريقى لعملى اليوم صباحا لاقيت شاب ماشى بعربيته وحاطط لوحه تاريخ الثورة على نمرة عربيته من الخلف ومغطى النمرة الأصليه تماما فجيت جنبه وقلت له صباح الخير قالى صباح النور قلت له لوحه الثورة طبعا حاجه فى منتهى الفخر والاعجاب لكن لو كنت تحطها على الازاز مثلا بدل من وضعها على النمرة ولو كلنا عملنا زيك ولا قدر الله واحد خبط واحد موته مش هنقدر حتى ناخد النمرة وهيضيع حق اللى اتخبط ويمكن حتى يموت وميكونش ليه ديه ومش معنى ان مفيش مرور فى الشارع اننا نعمل كدة .
رد عليا وقالى وانت مال ............................( وطبعا شتمنى شويه شتايم محترمه ) وجرى وللأسف معرفتش أحصله .....

خلاصه كلامى إننا محتاجين اننا نغير نفسنا ولسه بدرى علينا قوى علشان نكون كويسين ومهما غيرنا من أنظمه ومن حكام ولسه زى ما احنا يبقى عمرنا ما هتكون كويسين .

وكل واحد فينا يشوف نفسه وهو مسافر برة مصر سواء فى مهمه عمل أو حتى سياحه أو زيارة بنكون إزاى فى إلتزامنا بالقوانين ونظم البلد اللى بنكون فيها .

يعنى الكرة فى ملعبنا نحن .

وأخيرا تعليقى على الحادث أرفضه شكلا وموضوعا
وأرفض كل أشكال البلطجه والأرهاب والتجبر على الناس وإستغلا السلطه والنفوذ سواء من خلال سلطه الضابط أو حتى سلطه العشيرة واللمه من خلال لمه سائقى الميكروباص وبالطبع المواطنين العاديين المشحونين بطبيعه الحال ضد كل من هو فرد شرطه .
و أرفض كذلك مبادله العنف بالعنف
لأن دى شريعه الغاب

وفى غياب الدين والضمير والقانون ستحل بنا كارثه لن يرحمنا منها سوى الله عز وجل ثم إصلاح أنفسنا ..

عذرا للإطاله
تقبلوا تحياتى

**Donzi** · 24-02-2011 09:08 PM

للأسف جنون العظمة اللي عند الضباط هايقضي عليهم واحد ورا التاني

لأن ببساطة كلنا عارفين سواقين الميكروباصات و سلوكهم و كل اللي بيحترم نفسه مابينزلش لمستواهم و بيتحاشاهم انما سيادته بقى ضابط قد الدنيا ازاي يسمح لسواق ميكروبص كان زمان بيشده على القسم و يظبطه او حتى يبهله في وسط الشارع و محدش يقول بم ازاي يهزقه ولا يرد عليه الند بالند

و بعدين للناس اللي بتقول ان الضابط كان بيدافع عن نفسه طيب هوا مكنش يقدر يعني يضرب السواق في رجله ولا لازم رقبة او صدر عشان يفش غله و الضابط دا لو كان عنده ذرة من المسئولية كان لم الدور نظرا للظروف الحالية اللي في البلد لكن طبعا جنون العظمة ماسمحلوش يعمل كدا

عموما الظباط كلهم حاليا غير متزنين نفسيا خالص و يا عالم هايرجعوا يشتغلوا تاني ازاي

الموضوع: حدث الان فى ميدان الجزائر فى المعادى - ظابط شرطه و سائق ميكروباص

LinkBack

أدوات الموضوع

عرض

-

-

-

-

-

-

المواضيع المتشابهه

انا اتخنقت من البلد دي (مشكله مع ظابط شرطه)

ظابط مرور مكلبش عربيه شرطه و قصتى أمام محكمه المنشيه

اياك و التحدث مع ظابط شرطه !

خبطه بسبب ظابط شرطه

الكلمات الدلالية لهذا الموضوع

المفضلات

المفضلات

ضوابط المشاركة