الموضوع: انا اسف ياجماعه (شفيق فعلا لازم يرحل)

المشاركة الأصلية كتبت بواسطة mahmoudysf

ب
انا شايف ان شفيق لو بيحترم نفسة وهو انسان عنده مبدا كان استقال من نفسة بعد ما معلمة اتخلع

حضرتك بتتكلم عن رئيس وزراء مصر مش عن صبي شغال في ورشة ميكانيكي!

المشاركة الأصلية كتبت بواسطة أبو عبدالله

اولا مين قال لحضرتك ان البلاتينيوم خبر متفبرك ومطصفى بكري قدم بلاغ به للنائب العام بالأوراق والمستندات والادلة كلها بالأرقام كلها وانا شوفتها نزلت من كام يوم على النت دور وانت تلاقي

من ناحية التدوير علي النت انا باعرف ادور كويس و اعرف أكشف الاخبار المتفبركة

زي ما قلت قبل كده في ناس عايزة تصدق النوعية دي من الاخبار و مش عايزة أدلة

لكن لو عايز تحلل الخبر بطريقة منطقية يبقي اتفضل بص علي التعليق اللي انا كتيته علي الخبر أول ما نزل

المشاركة الأصلية كتبت بواسطة wael17

وثيقة: مبارك يمتلك 19 طن بلاتنيوم
http://www.alwafd.org/index.php?opti...%A8&Itemid=409

كتبت - عزة مسعود:



كشفت وثيقة سرية صادرة عن البنك السويسرى مؤخرا جانبا جديدا من ثروة الرئيس السابق محمد حسنى مبارك.
وتضمنت الوثيقة التى تناقلتها مواقع الفيس بوك وتويتر وعدد ليس بقليل من المنتديات المحلية والعالمية قيام مبارك بإيداع مادة ضخمة من معدن البلاتينيوم الخام تصل الى 19 طنا و400 كيلو، الذي يدخل في صناعة مجوهرات البلاتين أو ما يعرف بـ''الذهب الأبيض''، قدرتها وثيقة البنك السويسري بــ 14 مليار و900 مليون دولار، فضلا عن ممتلكات اخرى توالت عمليات ضخها الى البنك بمعرفة الرئيس السابق منذ العام 1982 وتقدر الان بقيمة 51 مليار دولار.
وحسب الوثيقة المؤرخة من طرف بنك سويسرا بتاريخ 11 ديسمبر 1982، فإن مبارك قام بعملية تحويل 19 ألفا ونصف طن من معدن البلاتينيوم، عبر مساعدة من مكتب بريطاني يسمى ''فلايينغ هورس'' الكائن مقره في لندن وتحديدا في العنوان 711071، وهو شركة متخصصة في المتاجرة في معدن البلاتينيوم ومشتقاته، نحو بنك سويسرا، ليتم حفظها وإيداعها على أساس أنها ممتلكات ثمينة.
وحملت نفس الوثيقة ختم وتوقيع محافظ بنك سويسرا، إلى جانب رقم الحساب الائتماني لمبارك لدى البنك وهو 5.709.40707، وعنوانه في العاصمة المصرية القاهرة.
وتُظهر الوثيقة كيف أن مبارك لم ينتظر طويلا للشروع في عملية السطو على ممتلكات الدولة والشعب المصريين، بدليل أن الوثيقة السرية لبنك سويسرا مؤرخة في ديسمبر 82، أي بعد عام واحد من اعتلائه السلطة، وهو ما يعني أن الرئيس المصري كوّن طيلة 30 سنة كاملة، ثروات لا تعد ولا تحصى.
ويعتبر معدن البلاتينيوم، من بين أهم وأندر وأثمن المعادن في العالم، حيث تستخدم بعض مشتقاته في عمليات التنقيب عن البترول، إلى جانب مجال البحوث الطبية، فيما كانت شهرة معدن البلاتينيوم نابعة من كونه مصدر تصنيع مجوهرات البلاتين الثمينة، أو ما يعرف في البلدان العربية باسم ''الذهب الأبيض''، الذي يقدر في قيمته بأضعاف قيمة الذهب الأصفر.
---------------------------------------------------------------

كشفت وثيقة سرية صادرة عن البنك السويسرى
ازاي سرية؟؟ ماهي مكشوفة علي النت قدمنا كلنا يبقي مش سرية ولا حاجة
طب البنك السويسري ده مش بيحترم عملائه و بيتطوع لكشف حساباتهم ولا النائب العام ضغط عليه ولا رئيس البنك تأثر باحداث الثورة ولا مبارك كان بيهددهم لو فضحوه هايطلع عينهم ولما اتخلع رئيس البنك قال وديني لافضحه

وتضمنت الوثيقة التى تناقلتها مواقع الفيس بوك وتويتر وعدد ليس بقليل من المنتديات المحلية والعالمية
يا عيني علي المصادر..جريدة الوفد "المحترمة" بتنقل عن مواقع الفيسبوك و تويتر و عدة مواقع اخري محلية و عالمية بس مش مهم اسمها ايه...يا عم فوت و ماتمسكش في التفاهات دي.

فإن مبارك قام بعملية تحويل 19 ألفا ونصف طن من معدن البلاتينيوم،
يا ست عزة يا صحفية هما 19 طن ولا 19 الف طن؟ مش مهم المهم انها فلوس بالهبل و مليارات كتير هو احنا هانقعد نعد لسه...المهم الناس تنبسط بالاخبار و تسخن و كل سنة و انتوا طيبين هو الثورة بتحصل كل يومززدي ايام مفترجة و اللي نفسه في حاجة يعملها مفيش رقابة ولا حساب

قدرتها وثيقة البنك السويسري بــ 14 مليار و900 مليون دولار
طب الصحفية غلبانة و ما بتفهمش حاجة ...طب البنك كمان حمار؟ البلاتينم سعر الاوقية سنة 82 كان 350 دولار و سعره دلوقتي 1750 دولار..حول الطن لاوقية و اضرب في السعر الحالي هايطلعلك اقل من 1.5 مليار دولار..طبعا لو هاتحسب باسعار سنة 82 يبقي اقل بكتير

بجد انا قاعد أقرأ الاخبار و اتفرج علي البلد في اليومين اللي فاتوا و حاسس اني باتفرج علي سيرك...و كمان ساعات احس اني عايز أرجّع!

و نضيف علي الكلام ده نقتطين
- لو بصيت علي الصورة المتفبركة اللي مسمينها وثيقة هتلاقي انها باسم " Mr Husni Mubarak" و لا اعتقد ان في بنك في سويسرا او حتي في السنغال مش هايكتب ال First name في وثيقة 19 طن بلاتينيوم و طبعا كلنا عارفين ان الديكتاتور السابق كان اسمه محمد حسني مبارك مش حسني مبارك
- يا ريت لو في حد هنا يا جماعة بيشتغل في بنوك اجنبية يقولنا ليه بنوك سويسرا بتتبرع و تكشف حسابات عملائها السرية علي النت و الجرائد...عارف يعني ايه بنك سويسري يعمل كده من غير امر قضائي ملزم...يبقي مفيش ولا عميل هايحط فلوس عنده تاني ...لان البنوك دي مشهورة بالسرية الكاملة و احترام العملاء الا اذا صدر امر قضائي و في الخالة دي بتكشف اسرار العميل للجهات المختصة مش للجرائد و الانترنت...و يا ريت الناس اللي شغالة في بنوك تقول كلامي صح ولا غلط