انا اسف ياجماعه (شفيق فعلا لازم يرحل)

**dr-mohamed** · 28-02-2011 03:07 AM

المشاركة الأصلية كتبت بواسطة mahmoudysf

تمام يبقى كدة متفقين ان موقف الشرطة هو السبب الرئيسي واللي انا شايفة غامض شوية
وانا شايف ان لازم يبقى فيه حزم مع اي مظاهرة فؤية
ولازم يكون فيه حزم مع اى خرق لحظر التجول
ولازم يبقى فيه فكر جديد للجيش فى ازال واحدت خاصة للتعامل مع البلطجة
لان الشرطة ايدنا منها واقبر واظاهر هما استسهلو حالة الطرمخة اللي هما فيها

متفقين طبعا وموقف الشرطة علي فكرة مش غامض
المحترمين في الشرطة بينزلوا من بيوتهم خايفين عارفين انهم ممكن ميرجعوش مش علشان بيطاردوا مجرم لا علشان ممكن اي حد من الناس يقتلهم وفعلا فيه ناس بتقول كدة او يهزاهم ومعلش هو اصلا انسان محترم من الاول مش هايفضل يتشتم وهو ساكت
وعلى فكرة الجيش نفسه بدا يتعرض لنفس السلوك معاه انه يتشتم وممكن يتجر شكله كمان ولو اتكلم يبقي بيضرب المتظاهرين واديك شايف بنفسك التحرير الان اكتر من نصالموجودين ليس لهم علاقة بالثورة وتحدي لظباط الجيش وشتيمة فيهم كمان

**nevozaky** · 28-02-2011 03:07 AM

المشاركة الأصلية كتبت بواسطة dr-mohamed

لا طبعا مش الناس اللى نزلت التحرير يوم الجمعة
اللى بينزلوا التحرير كل يوم وبيصمموا على خرق حطر التجول وتحديه مما يدفع اي شخص للاستهتار بالجيش وبالاحكام العرفية
عدم قيام الجيش باعلان الاحكام الصادرة ضد من يخالف القانون ومن يخالف حظر التجول وبدا امس في الاعلان والافضل لو تتصور فيديو وتعرض في لاتليفزيون علشان يبقي فيه رهبة شوية
المظاهرات الفئوية اللى كل يوم خارجة في مكان واسهل حاجة دلوقت اعمل مظاهرة واقطع الطريق لاي سبب حتي لو تافه ومش مهم الرعب والخسائر اللى بتنتج عن التصرف ده اول امس قرية في العياط اسمها متغير من شهرين خرج200 اول امس وقطعوا طريق الصعيد الزراعي وضربوا العريبات بالطوب واتقفل الطريق تماما وده نموذج للهيافة ولتدمير البلد ببطأ

طيب ليه .هيه الناس مش قالت ان المظاهرات تبقى يوم الجمعة بس علشان ما يحصلش اى تعطيل فى البلد.طيب الناس اللى عربياتها اتبهدلت ذنبها ايه .وليه ما يعملوش اللى عايزينه بس فى غير مواعيد حظر التجول متهياْلى مدة كبيرة من 6 الصبح لحد 12 بالليل .معلش اللى بيكسروا فى حاجات الناس ده اسمه استهتار وعدم تحمل مسئولية ربنا يستر بجد

**dr-mohamed** · 28-02-2011 03:13 AM

المشاركة الأصلية كتبت بواسطة heshamzaky

المسؤل عن حالة الفراغ الامنى حاليا هو وجود تجمهر للناس عمال على بطال . الشرطة مش عارفة تنزل لان الناس حا تحتك بيهم جامد و لو الناس أتلمت فى مجموعات زى التحرير لغاية الوقت الى بكتب فية المشاركة يعنى دلوقتى حالا و لو أى حادث حصل بيعملو تعبئة و شحن للناس كلها و لو الشرطة مسكت واحد دلوقتى بلطجى يتحول الى ضحية و الشرطة هية الى ظالمة و مستبدة و علشان كدة سايبين الامور و الجيش مش ملاحق و مش عاوز يتخذ أجرائات صارمة . لو مشى الناس زى أمبارح بالقوة يقولو الجيش مع حسنى مبارك و لو كلمهم بالذوق و قالهم امشو مش بيمشو طيب أية الحل . يقولو شفيق لازم يمشى أية رأيك لو شفيق مشى برضو الناس حا تفضل زى ماهية بالظبط و الكلام دة من بداية الثورة دى و كل يوم مطلب جديد و سقف المطالب لن ينتهى . للاسف دلوقتى بعض الناس هية السبب فى الوضع الحالى مش السلطة و لا النظام و لا الحكومة المؤقتة و لا الجيش. و علشان الفوضى دى تتحل الجيش لازم يتعامل بحزم أكثر الى موجود فى الشارع الساعة 12.05 دقائق يقبض علية و يحذر الناس بكذا منشور فى وسائل الاعلام على مدار اليوم بعد كدة الى ينزل ما يزعلشى و لا نقول أصلة واقف سلمى و لا واقف حربى بيخرب ما يقفشى نهائيا و كفاية التجمهر الى الناس عمالة تعملة أمبارح كنت ب الليل فى التحرير منظر يحزن كل 100 فرد و لا 300 فرد كل منهم بيقول الى على مزاجة و فوضى فوق الوصف و بائعين و عربيات يد وواحد بيرسم علم مصر للأطفال على وشهم أكنها فسحة و نزهة بالظبط و لما الجيش يقولهم امشو ما يمشوش و لو عاملهم بعنف يعملو بمبدا ضربنى و بكى و سبقنى و اشتكى

متفق معاك في كل كلمة
بس بلاش تشويه صورة الناس اللى بيرسم علم مصر للاطفال مكانش هناك النهاردة للاسف الولاد كانوا عايزين يرسموه

**heshamzaky** · 28-02-2011 03:18 AM

طيب سؤال هام جدا جدا و عاوز الناس المؤيدة لموضوع ان الناس تفضل فى الميدان لحد الصبح يجاوبو على السؤال الاتى
الناس دى بتشتغل و لا مش بتشتغل و عندهم وقت فاضى كتير
بيعملو اية دلوقتى يعنى اية لازمتهم اصلا دلوقتى بيكلمو مين و لا مين بيسمعهم ملحوظة الدنيا ظلمة فى الميدان الا نور قليل و ناحية بداية شارع طلعت حرب و مدخل باب اللوق
طول ما الاوضاع مش مستقرة حا يحصل سرقة و أغتصاب و بلطجة و مفيش شرطة حا تنزل

**dr-mohamed** · 28-02-2011 03:20 AM

المشاركة الأصلية كتبت بواسطة heshamzaky

طيب سؤال هام جدا جدا و عاوز الناس المؤيدة لموضوع ان الناس تفضل فى الميدان لحد الصبح يجاوبو على السؤال الاتى
الناس دى بتشتغل و لا مش بتشتغل و عندهم وقت فاضى كتير
بيعملو اية دلوقتى يعنى اية لازمتهم اصلا دلوقتى بيكلمو مين و لا مين بيسمعهم ملحوظة الدنيا ظلمة فى الميدان الا نور قليل و ناحية بداية شارع طلعت حرب و مدخل باب اللوق
طول ما الاوضاع مش مستقرة حا يحصل سرقة و أغتصاب و بلطجة و مفيش شرطة حا تنزل

لا طبعا مش بيشتغلوا لا دلوقت ولا الصبح

**heshamzaky** · 28-02-2011 03:21 AM

المشاركة الأصلية كتبت بواسطة dr-mohamed

متفق معاك في كل كلمة
بس بلاش تشويه صورة الناس اللى بيرسم علم مصر للاطفال مكانش هناك النهاردة للاسف الولاد كانوا عايزين يرسموه

ههههههههه و الله شوفتهم امبارح و كان واقف بالظبط عند الملف الى أمام مدخل باب اللوق من الميدان جنب عربيات اليد و صورت الكلام دة بس للأسف الصور طلعت وحشة جدا جدا لان الدنيا كانت ضلمة

**heshamzaky** · 28-02-2011 03:27 AM

المشاركة الأصلية كتبت بواسطة otefa

+1
وأحب أضيف وده رأي الشخصي ومبني على تحليل شخصي وبدأ يظهر بوضوح في مقالات عدة(الجيش هو الضامن الوحيد لمطالب ومصالح الشعب ورغبته قبل ماتكون رغبة الشعب)......أستمرار المظاهرات بأنواعها لن يفيد بالمرة بالعكس......الجيش تعهد بتنفيذ مطالب الشعب والثوار وليس المتظاهرين بالفترة الأخيرة ألي كل يوم بطلب شكل

يا باشا و الله العظيم أمبارح كنت فى الميدان و مشيت قبل الساعة 11 مساء أغلب الناس الى موجودة كل مجموعة عمالة تهتف و بيقولو قصة شكل و مطالب شكل و مفيش أى توحد و لا مبدا محدد و الباعة الجائلين فى كل مكان بيسترزقو و فى الميدان ذات نفسة مجموعات مجموعات و ناس واقفة معاهم صور للشهداء و الناس كل شوية واحد يروح لهم و يقف يتصور جنب الصورة و المصحف الشريف دة الى شوفتة بعينى امبارح . يعنى تهريج فى تهريج و مصالح فردية تماما

-

-

-

الموضوع: انا اسف ياجماعه (شفيق فعلا لازم يرحل)

LinkBack

أدوات الموضوع

عرض

-

-

-

-

المواضيع المتشابهه

ياجماعه الاستايل الجديد تحفه فعلا

نواره: أحسن من الشرف مفيش لازم يرحل

نوارة نجم: مليونية الثلاثاء... شفيق يا راجل لازم يرحل

ملخص مقابلة المستشار البسطويسي: وزير الداخلية لازم يرحل .. و رأي متوازن للقصة كلها

الكلمات الدلالية لهذا الموضوع

المفضلات

المفضلات

ضوابط المشاركة