انا اسف ياجماعه (شفيق فعلا لازم يرحل)

**wael17** · 28-02-2011 09:13 AM

المشاركة الأصلية كتبت بواسطة heshamzaky

المسؤل عن حالة الفراغ الامنى حاليا هو وجود تجمهر للناس عمال على بطال . الشرطة مش عارفة تنزل لان الناس حا تحتك بيهم جامد و لو الناس أتلمت فى مجموعات زى التحرير لغاية الوقت الى بكتب فية المشاركة يعنى دلوقتى حالا و لو أى حادث حصل بيعملو تعبئة و شحن للناس كلها و لو الشرطة مسكت واحد دلوقتى بلطجى يتحول الى ضحية و الشرطة هية الى ظالمة و مستبدة و علشان كدة سايبين الامور و الجيش مش ملاحق و مش عاوز يتخذ أجرائات صارمة . لو مشى الناس زى أمبارح بالقوة يقولو الجيش مع حسنى مبارك و لو كلمهم بالذوق و قالهم امشو مش بيمشو طيب أية الحل . يقولو شفيق لازم يمشى أية رأيك لو شفيق مشى برضو الناس حا تفضل زى ماهية بالظبط و الكلام دة من بداية الثورة دى و كل يوم مطلب جديد و سقف المطالب لن ينتهى . للاسف دلوقتى بعض الناس هية السبب فى الوضع الحالى مش السلطة و لا النظام و لا الحكومة المؤقتة و لا الجيش. و علشان الفوضى دى تتحل الجيش لازم يتعامل بحزم أكثر الى موجود فى الشارع الساعة 12.05 دقائق يقبض علية و يحذر الناس بكذا منشور فى وسائل الاعلام على مدار اليوم بعد كدة الى ينزل ما يزعلشى و لا نقول أصلة واقف سلمى و لا واقف حربى بيخرب ما يقفشى نهائيا و كفاية التجمهر الى الناس عمالة تعملة أمبارح كنت ب الليل فى التحرير منظر يحزن كل 100 فرد و لا 300 فرد كل منهم بيقول الى على مزاجة و فوضى فوق الوصف و بائعين و عربيات يد وواحد بيرسم علم مصر للأطفال على وشهم أكنها فسحة و نزهة بالظبط و لما الجيش يقولهم امشو ما يمشوش و لو عاملهم بعنف يعملو بمبدا ضربنى و بكى و سبقنى و اشتكى

+111111111

المشاركة الأصلية كتبت بواسطة heshamzaky

طيب سؤال هام جدا جدا و عاوز الناس المؤيدة لموضوع ان الناس تفضل فى الميدان لحد الصبح يجاوبو على السؤال الاتى
الناس دى بتشتغل و لا مش بتشتغل و عندهم وقت فاضى كتير
بيعملو اية دلوقتى يعنى اية لازمتهم اصلا دلوقتى بيكلمو مين و لا مين بيسمعهم ملحوظة الدنيا ظلمة فى الميدان الا نور قليل و ناحية بداية شارع طلعت حرب و مدخل باب اللوق
طول ما الاوضاع مش مستقرة حا يحصل سرقة و أغتصاب و بلطجة و مفيش شرطة حا تنزل

لو كلمتهم هيقولولك احنا بنعمل ثورة و بنجيبلك حقك و انت كل همك علي الشغل و المرتب...هو احنا بنعمل ثورة كل يوم...و خد من الكلام ده للصبح

المشاركة الأصلية كتبت بواسطة dr-mohamed

طيب خد الموقف ده عندك وقولي يتصرف ازاي
بلطجية من 100 عقبة راحوا شارع وبيسرقوا ومعاهم طبنجات وبيهددوا بيها
ظابط مرور قريب جدا من المكان شاف اللى بيحصل اتحرك ناحيتهم ضربوا عليه بالنار
لو انضرب بالنار الناس هتقول كان بيبلطج ويستاهل
ولو قتل واحد منهم هيقولوا عليه قتل واحد برئ زي ما حصل في العمرانية نفس الموقف
ولو تركهم وبعد عن المكان يبقي الشرطة مش بتشتغل وبتهرب
حلها يا بطل ؟

و يحلها ليه يعني؟ احنا شغلتنا نعقد الأمور و و مانديش فرصة لاي حد يحل اي مشكلة و بعد كده نروح نشتكي و نقول الحكومة مش عاجبانا شيلوها

المشاركة الأصلية كتبت بواسطة otefa

مش كلهم مابيشتغلوش
فيه بتوع البليلة وبائعي الأعلام وطلبة الجامعة وخدين أجازة و......الناس ألي فاضية طبعا

الجيش قال ان في ناس كانت بتبيع مخدرات و انا مصدق لان في اتنين زمايلي في الشغل شافوا الكلام ده
و في كمان ناس كان معاها سنج و مطاوي و الكلام ده ماكانش موجود ايام الاعتصام قبل التنحي لكن ظهر مع تحول الميدان لمولد كل يوم جمعة

**wesam_salom** · 28-02-2011 09:50 AM

YouTube - ‫ط¬ظ…ط¹ط© ط§ظ„طھط·ظ‡ظٹط±.. ط¢ط±ط§ط، ط§ظ„ط´ط¹ط¨ ط§ظ„ظ…طµط±ظٹ7..ط§ظ„ط®ط¨ط§ ط² ط§ظ„ظپطµظٹط.‬&lrm;

**otefa** · 28-02-2011 09:55 AM

المشاركة الأصلية كتبت بواسطة أبو عبدالله

طب اتفرجوا على الفيديو ده كده
[youtube]http://www.youtube.com/watch?v=N8VDeyr7aVs[/youtube]

المشاركة الأصلية كتبت بواسطة otefa

ثورجي منفعل للأيحاء بأنه على حق ومنطقه ضعييييييييف جدا أستشهد بأوكرانيا(ما أستشهدش بتونس ليه واللوصة ألي لايصنها-ليبيا-العراق) ياريت تبحث كده في تجربة أكرانيا وشوف سلبياتها وأيجابياتها وظروفها بصفة عامة وهل تنفع معنا ولا الأفضل مانسير عليه.
وبعدين شفيق أنجز المطار في عصر الفساد يعني مطارنا ولا مؤاخذة كان معفن
شوف المطار بقه عامل أزاي من أجمل المطارات في الشرق الأوسط أن ماكانش أميزهم فعلا

المشاركة الأصلية كتبت بواسطة factorialx

و منطققك برضه ضعييييييييييييييف

ليبيا شعب قبلي مسلح
العراق شعب طائفي مسلح

أوكرانيا بلد يعاني من إعتماده الكامل الشامل على الغاز الروسي اللي ميقدروش يعيشوا من غيره في الشتا
و ميلهم نحو الغرب و الديموقراطية دايما بيقف بالموالين لروسيا ( وضع معقد مش موجود في مصر )

مصر شعب متجانس مع بعض المشاكل الإقتصادية و الإجتمعاية و غير مسلح ( متقليش الاسلحه إتسرقت في الإقسام )
يبقى نبطلع بقى نقول شوف فوضى ليبيا و العراق و تجربة أوكرانيا لإن دي كلمة حق يراد بيها باطل كبير أوي

الدكتور شفيق سقط سقطه كبيره أوي و عمل حركه unprofessional في الtelevision إنه إتكلم على راتب محمود سعد ... أعتقد إن رئيس الوزرا قدامه حاجات كتيره أوي غير أنه يشغل بالخ بتصفية حسابات و رد على إعلامي

من الآخر مصر فيها ناس كتيره أوي عادية و مقبوله و شم محسوبه على حد تنفع رئيس وزرا ... إيه المشكله

المشاركة الأصلية كتبت بواسطة Sharky

دا رد يحيى الجمل على المطالبة برحيل احمد شفيق
http://www.nilemotors.net/Nile/203997-a.html

المشاركة الأصلية كتبت بواسطة otefa

ممكن تركز شويه في الفيديو ألي في المشاركة لأبو عبدالله بدل التسرع
مش أنا ألي جيبت سيرت أوكرانيا البيه ألي في الفيديو حافظله كلمتين مش أنا
راتب محمود سعد أيه ألي الكلام عليه يتشال فيها رئيس وزراء هي دي الديمقراطية في نظر الناس سبحان الله
أحنا مش بعيد عن تجربة تونس دي حاجة تتوقف على الأيام ألي جاية يالمتظاهرين يستهدو بالله يا الجيش ينفذ أوامرهم يا الجيش يتصادم معاهم وتبقى تونس أحسن مننا كمان

المشاركة الأصلية كتبت بواسطة factorialx

عارف و الله إنك مقولتش أوكرانيا

بس عمال تلمح لفوضى العراق و ليبيا و أنا رديت عليك فيها مصر ديموغرافيتها غير البلدين دولا خالص و إحنا شعب غير مسلح يعني مش هتحصل الفوضى اللي بتلمح بيها دي

و أنا مقلتش إن شفيق يتشال عشان مكالمة أنا قلت إنها سقطه

شفيق المفروض كان إنشال مع رئيسه ده المنطق سبحان الله

ساب ممدوح مرعي وزير الظلم ليه إن شاء الله

**adelseliem** · 28-02-2011 11:03 AM

المشاركة الأصلية كتبت بواسطة mahmoudysf

لا لو فكرنا بالعقل هنلاقي موقفهم غامض وان المشكلة اللي احنا فيها كلها الجزء الكبير فيها يرجع الى الشرطة ولاكن كلنا بنقول اعذار مش منطقية
المحترم في الشرطة عمره ما هيحتك بحد بالعكس هيحاول يستخدم حكمتة فى انهاء اى موقف
لاكن متقوليش ظابط نازل يبلطج بنفس الفكر القديم وشايف انو فوق الناس وبيحتك بيهم ومعاه طبنجة وهو فى اجازة مرضى زي الوزير ما قال ونرجع نقول الناس متحفزة

ببساطه لو لقيت واحد بيجرى عليك وبيقولك ضابط شرطه ماسك واحد وبيضرب فيه , ولاد التييييت رجعوا أوسخ من الأول ... هتعمل أيه

نص الشارع هيروح يضرب ضابط الشرطه مع أن فيه أحتمالين
1- ضابط الشرطه بلطجى والناس أدبته
2- اللى كان ضابط الشرطه ماسكه بلطجى بيوقف الناس بمطوه واللى لم الناس عيه يبقى زميله

بس برضه الناس هتضرب ضابط الشرطه

كل سواقين الميكروباص وكل سواقين النقل ومعظم سواقين التاكسى مش عايزين وجود للشرطه علشان يحمل ويقبض ومش مهم الدنيا تولع لأن دى ثقافته وعلشان كده بيهيج الشعب

مش مصدقنى شوف الموضوع اللى أتكتب عن معاملة الجيش للمواطنين فى بور سعيد ورغم أن معظم الأعضاء قالوا دول بلطجيه مش مواطنين لكن ناس أعترضت

أحنا شعب بنجرى ورا أى حد بيصرخ من غير ما نعرف السبب
فى فيلم الأفوكاتو عادل أما لما جرى قال فى فراخ فى الجمعيه وكل الناس جريت وراه
ولقاهم واقفين طابور طويل وراه عند كشك سجاير
محدش فكر هو بيجرى ليه ولما وقفوا محدش فكر هو واقف فين

المشاركة الأصلية كتبت بواسطة dr-mohamed

طيب خد الموقف ده عندك وقولي يتصرف ازاي
بلطجية من 100 عقبة راحوا شارع وبيسرقوا ومعاهم طبنجات وبيهددوا بيها
ظابط مرور قريب جدا من المكان شاف اللى بيحصل اتحرك ناحيتهم ضربوا عليه بالنار
لو انضرب بالنار الناس هتقول كان بيبلطج ويستاهل
ولو قتل واحد منهم هيقولوا عليه قتل واحد برئ زي ما حصل في العمرانية نفس الموقف
ولو تركهم وبعد عن المكان يبقي الشرطة مش بتشتغل وبتهرب
حلها يا بطل ؟

+1111

**Ahmed Nasr** · 28-02-2011 11:26 AM

بصراحة انا سمعت عن الراجل النهاردة بس كلام كتير ورأيى انه يرحل افضل للجميع

**ahmed4000** · 28-02-2011 12:47 PM

المشاركة الأصلية كتبت بواسطة sharky

مش عارف ليه المؤيدين لصحة المعلومات اللى اتقالت على فساد احمد شفيق ماردوش على المشاركة دى !!!!!!!!!!!!

مش عارف والله يا شاركى المجتمع بيمر بمرحلة غريبة من عدم الاتزان ومندفع بشهوة انتقام غريبة تتطول الجميع
الله اعلم الراجل ده فاسد ولا صالح...بس ببساطة الف باء اى تفكير منطقى بيقول لو قالوا على واحد حرامى لازم يجيبوا اثبات مش كلام وخلاص...لكن مش عارف دلوقتى اى حد بيقول اى حاجة يبقى طبيعى نصدقه ولو قلنا طيب اثبتولنا يبقى انت ابن خالة شفيق واكيد بتتربح منه

انت لو عايز الحق والعدالة يبقى حتى العادلى ولا عز ولا جرانة متقدرش تتكلم عليهم وتصدق الاتهامات الا لما يحكم بها قاضى...(انا متاكد مليون فى المية ان الناس دى مذنبة) لكن مدام معنديش دليل يبقى المفروض متكلمش ...وياريت بس قبل محد يهاجم وخلاص يشوف ايه راى الدين فى انك تقعد ترمى اتهامات لاى شخص بدون ادلة

**otefa** · 28-02-2011 02:03 PM

المتهم بريء الى أن تثبت أدانته أي أشاعات ولا ليها أي قيمة

**dr-mohamed** · 28-02-2011 02:06 PM

اخر اشاعة اطلقها الوفد ان وزير لاداخلية الجديد محمود وجدي قام بزيارة العادلي في سجنه
طبعا خبر مستفز جدا ويقلبايحد علي وجدي
وزارة الداخلية اصدرت بيان كدبت فيه الوفد وقالت ان وجدي لم يقم بزيارة اي سجن والخبر بتاع الوفد كاذب ويتاكدوا من اخبارهم بعد كدة

منتظر واحد يدخل يقول الحقوا بيدافع عن محمود وجدي

**M.Mostafa80** · 28-02-2011 02:32 PM

كنت من مؤيدى استمرار احمد شفيق
لكن بعض التصريحات والتصرفات والأحداث
خلتنى اتراجع عن رأى واطالب بأقالته وليس مانشرعن جريده الوفد فى الموضوع علاقه بتراجعى عن رأى ولكن تراجعى جاء من حكمى الشخصى على بعض الأمور ورؤيتى الخاصه لبعض الأحداث وذكرتها فى احدى الموضوعات
شامم ريحه طبخه بتتسبك فى المطبخ
واعلن انى لست من مؤيدى نظريه المؤامره ولا من النافيين لوجود المؤامرات
الخلاصه رأى الشخصى اقاله شفيق من الحكومه الحاليه ومن عليهم علامات استفهام حتى يهداء الشارع ويصبح ليس له الحجه فى المظاهرات والأعتصامات
اعلم تماما ان هناك من سوف يقوم بالرد عليا بما هو الضمان ان يتراجع الناس بعد هذه القرارات عن عمل مظاهرات واعتصامات هقولو الضامن هو الله لكن ساعتها ممكن يبقى فى كلام تانى

-

الموضوع: انا اسف ياجماعه (شفيق فعلا لازم يرحل)

LinkBack

أدوات الموضوع

عرض

-

-

-

-

-

-

-

المواضيع المتشابهه

ياجماعه الاستايل الجديد تحفه فعلا

نواره: أحسن من الشرف مفيش لازم يرحل

نوارة نجم: مليونية الثلاثاء... شفيق يا راجل لازم يرحل

ملخص مقابلة المستشار البسطويسي: وزير الداخلية لازم يرحل .. و رأي متوازن للقصة كلها

الكلمات الدلالية لهذا الموضوع

المفضلات

المفضلات

ضوابط المشاركة