الموضوع: محمود وجدى وزير الداخلية المحترم !!

سبحان الله الراجل صاحب الموضوع دخل وبيقسم على عهدتة بتعليمات انا شايفها مشينة من وزير الداخلية لضباطة لاهداف اعلنها وما خفي كان اعظم لانو مش هيشرك صغار الضباط في اي مخطط مشبوه
وانا قولت امبارح في اكتر من مشاركة ان موقف الشرطة غامض ومريب دخلت ناس قالت اطلعو من البلد
الغريب اللي يحرق الدم ان الناس بدل ما تعلق وتقول رايها في كلام الراجل صاحب الموضوع واللي هو على لسان ظابط دخلت تاخدنا لحوارات جانبية لانهم ما عندهمش حجة لالاسف وفيه اللي داخل وكانة مقراش الموضوع وبيقول وزير الداخلية بيهيأ الجو ومش عارف ايه نقولة الوزير بيقول كذا وهو مصمم
ايه ده هو فيه ناس كتير حافظة ومش عايزة تفهم ليه
واحد داخل يقول قبضنا على بلطجية وجينا نسلمهم للضباط قالو ملناش دعوة حد يقولي حجة الظباط دول ايه والناس معاهم اهو يعنى فرصة للتقارب بين الشرطة والشعب
حاجة غريبة جدا بنتكلم في واقع وسيناريو مرئي وناس مصممة على سيناريو الخيال
رحمتك يا رب

صاحب الموضوع اليوم كنت مع مجموعة من رجال المباحث والله الذي لا إله الا هو كلامك صح ومش هاقول حاجه تانية .... غير حسبي الله ونعم الوكيل في ديل الافعه اللى لسه بيلعب قطعنا الراس والديل لسه بيلعب

المشاركة الأصلية كتبت بواسطة dr-mohamed

لان يا حرام ظابط قسم العمرانية لما اتصل الاهالي بيشتكوا ان فيه عائلتين من اللى بيتاجروا في المخدرات بيضربوا بعض وسط الشارع بالنار والمولوتوف وراح الظابط ومعاه قوة من القسم انضرب عليه نار من العائلتين واول ما بدلهم ضرب النار الاهالي كلهم راحوا يحرقوا القسم باللى فيه
عرفتي ليه يا حرام مش بيتدخلوا

معلش سؤال شخصى يادكتور محمد
انت ساكن فين
ودا لي سبب عندى
انت بتتكلم وبتحكى عن خناقه بين عائلتين
وهى ميطلقش عليها خناقه دى كانت حرب
بأذايذ البيبسى الفاضيه مش ملتوف وفعلا استخدم فيها الطلق النارى الحى من الطرفين
وفعلا المباحث نزلت بس محصلش حضرتك ان اتضرب عليه نار لأنهم نزلو وقعدو فى الشارع اكثر من ربع ساعه وكانو عدد 2 سياره بوكس لونهم ابيض وميكروباص من ميكروباصات الشرطه
ولم يطلق عليهم النار ولم يذهب أحد لأحراق القسم كما تقول
فاياريت حضرتك تقولى انت بتتكلم عن منطقه ايه يمكن يكون فى لبس بين المنطقتين مع تشابه بعض الأحداث

المشاركة الأصلية كتبت بواسطة dr-mohamed

عن الخناقة اللى كانت في العمرانية في خاتم المرسلين والشوارع القريبة منه والمتفرعة منه
والتفاصيل من هنااليوم السابع | قوات الأمن تحاصر قسم العمرانية بعد أنباء عن اشتعاله

وهنا اليوم السابع | تجمهر المئات أمام دار القضاء احتجاجاً على إخلاء سبيل ضابط العمرانية

وهنا اليوم السابع | سحب أسلحة 3 ضباط من قسم العمرانية

ومن صديق ليا في شارع فاطمة رشدي اول ما سمع ضرب النار راح هناك هو واصحابه لكن اول ما وجدوا الوضع اللى حضرتك شفته او سمعت عنه فضلوا بعيد عن المكان وما دمت حضرتك عارف المكان كويس يبقي عارف الشارع

هقول لحضرتك كلمه وحده
ماليش دعوه بالى مكتوب فى اليوم السابع فا دى جريده ما بحترمهاش
وبتعمل من الحبه قبه وشويه فلفل على بهارات
حضرتك الحرب اللى بتتكلم عنها دى كانت فى الشارع اللى انا ساكن فيه
منطقه مدكور الهرم
واللى احب انى اكدهولك ان مكنش فى ملوتوف كان فى ازايز فاضيه وطلق نارى حى
وبمجرد العلم بوصول الشرطه الموضوع اتفض وممحصلش ضرب نار ولا حاجه عليهم زى مازكرت حضرتك او زى ماقالت الجريده اللى حضرتك نقلت عنها لأن القوه اللى نزلت فضلت فى الشارع فتره وبعد كده مشيو لما الموضوع هدى
والمعلومه اللى عندى ان تصفيه الحساب بين العائلتين لم تنتهى لأن أصبح فيها دم بعد ما كان الخلاف على اتجار أواحتكاك
فى جزء تانى للأحداث هبقى احكيه لحضرتك لما يحصل

المشاركة الأصلية كتبت بواسطة dr-mohamed

عن الخناقة اللى كانت في العمرانية في خاتم المرسلين والشوارع القريبة منه والمتفرعة منه
والتفاصيل من هنااليوم السابع | قوات الأمن تحاصر قسم العمرانية بعد أنباء عن اشتعاله

وهنا اليوم السابع | تجمهر المئات أمام دار القضاء احتجاجاً على إخلاء سبيل ضابط العمرانية

وهنا اليوم السابع | سحب أسلحة 3 ضباط من قسم العمرانية

ومن صديق ليا في شارع فاطمة رشدي اول ما سمع ضرب النار راح هناك هو واصحابه لكن اول ما وجدوا الوضع اللى حضرتك شفته او سمعت عنه فضلوا بعيد عن المكان وما دمت حضرتك عارف المكان كويس يبقي عارف الشارع

يعني حضرتك اسست كل استشهادك بهجوم الاهالي على قسم الشرطة وضرب النار على قوة الشرطة في العمرانية على خبر في اليوم السابع
والله انت من كتر ما بستسشهد بالواقعة دي في مواضيع متخلفة افتكرتك شوفتها بنفسك وشوفت هجوم الشرطة على القسم واليوم السابع دي او غيرها من مصادر الاعلام وخصوصا اليوم السابع ما يصحش تبقى مرجع لينا في خبر والتاكيد على علية وكان رؤي عين
ولما زميل فاضل لا اعرفه شخصيا ويمكن انت تعرفه اكتر منى عمل موضوع وفيه انو ليه صديق شرطي وضح الوزير قال ايه لظباتة واقسم بصدق روايتة رحت حاطط ليه رواية اليوم السابع
بالعقل وبالمنطق ايهما نصدق

المشاركة الأصلية كتبت بواسطة m.mostafa80

هقول لحضرتك كلمه وحده
ماليش دعوه بالى مكتوب فى اليوم السابع فا دى جريده ما بحترمهاش
وبتعمل من الحبه قبه وشويه فلفل على بهارات
حضرتك الحرب اللى بتتكلم عنها دى كانت فى الشارع اللى انا ساكن فيه
منطقه مدكور الهرم
واللى احب انى اكدهولك ان مكنش فى ملوتوف كان فى ازايز فاضيه وطلق نارى حى
وبمجرد العلم بوصول الشرطه الموضوع اتفض وممحصلش ضرب نار ولا حاجه عليهم زى مازكرت حضرتك او زى ماقالت الجريده اللى حضرتك نقلت عنها لأن القوه اللى نزلت فضلت فى الشارع فتره وبعد كده مشيو لما الموضوع هدى
والمعلومه اللى عندى ان تصفيه الحساب بين العائلتين لم تنتهى لأن أصبح فيها دم بعد ما كان الخلاف على اتجار أواحتكاك
فى جزء تانى للأحداث هبقى احكيه لحضرتك لما يحصل

الحمد لله