الموضوع: متظاهرو التحرير يحددون مطالبهم فى بيان اليوم لانهاء الاعتصام بالميدان

المشاركة الأصلية كتبت بواسطة dr-mohamed

والمجلس المدني ده بالانتخاب ولا التعيين ؟
لو تعيين مين هايعينه ؟
ولو انتخاب يبقي من باب اولي نعمل انتخابات رئاسية وبرلمانية ونخلص
ولا هي قصة انتخابات ؟
ولا علشان الاخوان والحزب الوطني ممكن يكسبوا لو تمت اللانتخابات دلوقت؟

وايه يضمنا ان لو تم المجلس المدني ده بالانتخابان المجموعة اللى خسرت فيه وعددهم بردو هايبقي بالالاف مينزلوش التحرير هما كمان ويقولوا مش موافقين ونلف الفة من تاني

قبل ما أرد، اصحح كلمة ... ده مش مطلب ... ده اقتراح من الائتلاف

هذا الموقف الذي سنعرضه هو رؤية الائتلاف السياسية التي نراها مناسبة لإدارة المرحلة القادمة، وهي متفق عليها من فترة طويلة ولانزال نراها الأصوب والأصلح، ونظرا لأن الائتلاف يرى أن المرحلة الحالية هي الأخطر في عمر الثورة وترجمة ما حدث سياسيا هو ما سيتم صياغته في المرحلة الانتقالية وعليه نرى أن المرحلة الانتقالية يجب أن تبدأ بإصدار مرسوم من المجلس العسكري بإصدار قانون لتنظيم الأحزاب السياسية مما يضمن حرية تأسيس الأحزاب وعملها وتشكيل حكومة جديدة بالتوازي تأخذ صفة الحكومة الانتقالية وليس تسيير الأعمال، على أن يتولى المجلس العسكري إدارة شئون البلاد حتى الموعد الذي حدده لنفسه سلفا، ويعقب ذلك تولي مجلس رئاسي إدارة شئون الدولة مع الحكومة الانتقالية على أن يمتد عمله لمدة ستة أشهر أخرى، تتم في نهايته إجراء الانتخابات البرلمانية بطريقة القائمة النسبية المختلطة على أن يتولى المجلس الرئاسي مسئولية إعداد دستور جديد للبلاد يلبي تطلعات الشعب المصري وطموحاته

ده اقتراحم هما وأنا مش في محل الدفاع عنه.

أنا كل اللي بقوله انهم لم يطالبوا باسقاط المجلس العسكري بل اقترحو مجلس مدني يتولى الحكم بعد الست أشهر اللي حددها المجلس العسكري لنفسه.

وفي اقتراح اقترحه آخرون بان تكون الانتخابات الرئاسية الأول ... وبعديها بست أشهر انتخابات برلمانية.

كلها اقتراحات مش اكتر.

المعتصمين معتصمين عشان كذا مطلب ... اهمها اقالة شفيق ... مش عشان مجلس عسكري ولا مدني

اسمحلي ارد على سؤالك الأخير فقط :)
والرد هيبقى بسؤال :)
حضرتك ترضى ان مجلس الشعب اللي جاي يبقى نصه اخوان ونصه حزب وطني؟

السلام عليكم
هل لو مظاهرات او اعتصامات ميدان التحرير انفض وخلض ومعدش في حد ينادي مثلا رحيل حكومة احمد شفيق هل ده حينهي المظاهرات والاحتجاجات الفئوية؟
بالطبع لا لان الي بيحرك المظاهرات والاحتجاجات الفئوية هو الشعور بالظلم مع كسر حاجز الخوف وإنهائها محتاج حاجة من اتتنين انهاء الظلم وده عمرة محيحصل طول الناس معندهش ثقة في الحكومة أو أعادة حاجز الخوف اي الرجوع الي حكم الدكتاتور والعصا

سؤال علي الماشي هو ميننفعش نعترض على أي رأي من غير مصطلحات زي هبل وعبط وطبلة

المشاركة الأصلية كتبت بواسطة dr-mohamed

وايه المشكلة ؟
مش الشعب اللي هاينتخبهم في انتخابات حرة نزيهة ؟
تزعلني في ايه ؟؟؟؟؟؟؟؟؟؟
بلاش فزاعة الاخوان دي تاني الاول كان بيستعملها النظام ودلوقت بيستعملها من ليس لهم شعبية في الشارع لكسب الوقت لاكتساب شعبية ليست لهم
الاخوان كونوا شعبيتهم على مدار اكثر من 70 سنة صعب في 6 شهور حد يبقي له شعبية زيهم
والوطني كان به اعضاء محبوبين دجا في دوائرهم بدليل انهم كانوا حين لا يرشحهم الحزب كانوا يدخلون مستقلين ويقوم الحزب بكل المحاولات لاسقطاهم وبرغم ذلك ينجحوا ضد مرشحي الحزب بسبب شعبيتهم فيعود الحزب ليترجاهم ينضموا له هل لو نجح هؤلاءنرفضلانهم كانوا في الحزب الوطني ؟

بتؤمن بالديمقراطية تبقي للكل
وصندوق الانتخابات يبقي الفيصل امام الكل
وفيالنهاية انا لا اخوان ولا وطنيولا تبع البرادعي ولا الوفد ولا الغد ولا ولا لكن اللى هاينجح موافق من دلوقت يتولي حكم البلد ال4 سنين القادمين ما دام اختيار غالبية الشعب

كويس قوي ان حضرتك قلت بلاش فزاعة الاخوان ... أنا شخصيا معنديش مانع الاخوان يكسبوا عدد مقاعد على قدر شعبيتهم ... حتى ولو نص المقاعد.

وكويس قوي ان حضرتك قلت انتخابات حرة ونزيهة ومقلتش انتخابات غير مزورة.

الانتخابات اللي جاية هتبقى غير مزورة ... بس مش نزيهة :)
لأن الحزب الوطني هيشتري الأصوات ويشتغل على القبائلية والعصبية

واعتقد شراء الأصوات شيء غير نزيه.

باختصار أنا معنديش مانع الاخوان يبقوا نص المجلس لأنهم مش هيشتروا أصوات.
والأصوات اللي هيأخدوها هتبقى معبرة عن شعبيتهم.

بس عندي مانع ان الحزب ياخد نص المجلس لأنهم هيشتروا الأصوات.
والأصوات اللي هيأخدوها هتبقى مش معبرة عن شعبيتهم.