الموضوع: متظاهرو التحرير يحددون مطالبهم فى بيان اليوم لانهاء الاعتصام بالميدان

المشاركة الأصلية كتبت بواسطة wael17

لا مش كده خالص
هو قصده ان البني ادم او الانسان المصري جامد و لما يقوم بثورة لا هايقف قدامه امن مركزي ولا جيش
يعني قصده الفخر بالانسان المصري

طيب ما البنى أدم التونسى هوا اللى بدأ وهوا اللى كان الشرارة الحقيقية لثورات الوطن العربى كله ومن المعروف ان البادئ هو الأقوى وهو الأشجع وهو الأكثر تحملا وصمودا. يبقى البنى أدم التونسى أفضل من المصرى؟

المشاركة الأصلية كتبت بواسطة cheetos_892005

ده بني ادم اهبل مش مصري

هو الجيش ده بردو مش شوية بني ادمين مصريين؟؟

طيب ماهو نفس الكلام ينطبق بالنسبة للبحرينى واليمنى والايرانى ومعظم الجيش الليبى ؟ ومحدش انضم؟

المشاركة الأصلية كتبت بواسطة dr-mohamed

متهيالي صاحب الموضوع لم يخطئ في اختيار العنوان واقرا المشاركات

لا اخطأ

مليش دعوه بالمشاركات

رأس الموضوع او اللينكات الى اتفتح عشانها الموضوع مفيش فى عناوينها او محتواها عنوان الموضوع

ولو هو مأخطأش مكانتش الاداره غيرت العنوان بتاع الموضوع

المشاركة الأصلية كتبت بواسطة mahmoud saloum

إذا كنت مش عايز تتقى الله انت حر ولكنك ستصبح ممن تأخذه العزة بالإثم إذا قيل له اتق الله كما انزل فى محكم التنزيل! بس بلاش القاء التهم جزافا ومحاولة تشويه الناس والتلاعب بالألفاظ و اعتقد -على رأيك- ان ده اقل اقل اصول اللياقة.

عن اى اثم تتحدث يا استاذ حتى تاخذنى العزة به و من انت لترمينى بالاثم و تنصحنى بتقوى الله و تتدخل كمان فى رغبتى و تحكم عليا بعدم التقوى عجبت لك يا زمن كانت التهم قبل كده التخوين والتبعية دلوقتى بقت الحاد و يمكن كفر يا استاذ هل هذا كلام مسلم عاقل

المشاركة الأصلية كتبت بواسطة mahmoud saloum

ثانيا الإجابة على أسئلتك:
1- "انتوا" تعود على أتباع البرادعى

و استمرارا للخلط و عدم فهم الاخرين هل انا اخبرتك بانى من اتباع البرادعى حتى تحدثنى هكذا اتحداك لو اتيت بمشاركة واحدة دعيت فيها لاى احد و اتحداك لو وجدت لى مشاركة واحدة نزلت الى مستوى مشاركتك

المشاركة الأصلية كتبت بواسطة mahmoud saloum

2- تانى! انتوا فعلا مصدقين نفسكوا؟ ضغط ثورة ايه ؟ طيب مالثورة عمالة تضغط فى اليمن والبحرين وأخيرا فى ليبيا كان الجيش انضم؟ ده الثوار فى ليبيا احتلوا مدن فى الشرق والجيش بيضربهم بالأسلحة الثقيلة ؟ طيب مافى انتهاكات رهيبة للثوار وتزوير انتخابات فى ايران كان الجيش انضم؟ ده لو الحرس الجمهورى مش الجيش كان تعامل مع الثوار عندنا كانت حصلت مجزرة - الأمن المركزى حاجة والجيش حاجة تانية خالص. ولعلمك تدخل الجيش كان فى يوم 28 لما رفض انه يفض المظاهرات وهوا كان قادر على انه يفضها فى ساعتين لو أراد. وده مش معناه ان الجيش هوا اللى عمل الثورة لكن هوا السبب فى نجاحها. ونكران ذلك جحود كبير والمفروض الثورة متبتديش بالجحود وتهميش اكثر الادوار اهمية فى نجاح الثورة

برده مفيش فايدة فى اسلوب الحوار يا استاذ ادعوك لتعلم اداب الحوار من كلام الله تعالى ( و لو كنت فظا غليظ القلب لانفضوا من حولك )
هو حضرتك مش بتابع زينا موضوع ليبيا و لا ايه لان الناس كلها شايفة انقسام الجيش الليبي من الثورة و ان اقسام كتيرة من الجيش انضمت فعلا للثورة و ان القذافى اتى بمرتزقة و مع ذلك لم يعد يسيطر سوى على طرابلس و حضرتك الوحيد اللى شايف ان الجيش مانضمش الى الثورة
اما مجزرة الجيش و الحرس الجمهورى اللى بتتكلم عنها ديه كانت فزاعة و فشلت و اللى خايف يخليه بعيد ينتظر لغاية لما غيره يتحرك و يجيبلوا حقه اما الثوار فكانوا شجعان و الدليل ان حظر التجوال اعلن و مفيش حد طبقه و لذلك جيشنا عظم الله اجره و مشكورا احترم رغبة الناس و لم يصطدم معهم و لم ننكر هذا الدور العظيم

المشاركة الأصلية كتبت بواسطة mahmoud saloum

3- هوا رئيس وزراء جى انهاردة يقوم تانى يوم يحصل شيئ غلط اقوم اقوله يستقيل وهو مستلم شغله وسط ظروف فيها انهيار للجهاز الأمنى وفوضى عارمة فى البلد. كمان هوا احنا بنضحك على نفسنا هوا اى رئيس وزراء فى عهد مبارك كانت ليه كل السلطات والصلاحيات. ده المخابرات سلطة لوحدها و أمن الدولة سلطة تانية والأمن المركزى سلطة تالتة ورجال الأعمال سلطة رابعة و ..... ولو حد عايز يفشل مهمة حد سهل جدا وخصوصا فى الأوقات اللتى بها اضطرابات.
أما كشف المتسبب عن دماء الأبرياء شهداء وجرحى هو القضاء يا سيدى وليس رئيس الوزراء. وشكرا

استمرارا لتحريف الحوار فقد قلت انه المسئول عن فتح التحقيق و تقديم المسئولين الى القضاء اما اسباب تاييدى لاستقالته فقد ذكرتها فى مشاركات سابقة و هذا من حقى كما انه من حقك ان تتمسك به دون ان اسفه رأيك
سؤال و منكم نستفيد منذ متى و القضاء هو الذى يقدم و يكشف المتسببين فى الجرائم طب على كده ايه لزمة المباحث و التحقيقات و النيابة
يا استاذ القضاء يقدم اليه الجناة و هو يفصل فى امرهم
و فى الاخير حسبى الله و نعم الوكيل فيمن يتهم الاخرين بالباطل و يشكك فى ايمانهم و تقواهم