الموضوع: متظاهرو التحرير يحددون مطالبهم فى بيان اليوم لانهاء الاعتصام بالميدان

المشاركة الأصلية كتبت بواسطة wael17

انا نقلته من اليوم السابع و من مصراوي و يا رب يطلع غلط لانه لو صح تبقي فعلا فوضي

لو انت استندت لليوم السابع ولا مصراوي يقولك مشبوهة ولو حد منهم استدل بيها او حتي قال اشاعة زي بتاعة ان شفيق وقف امبارح استيراد قطع غيار السيارات المستعملة تبقي الحقيقة المطلقة

أنا عارف المجموعة دي و شفت اللقاء و مش هي دي اللي مطلعة البيان...الورقة مش مكتوب فيها "ائتلاف شباب الثورة"
واضح انها مجموعة تانية و دي المصيبة ان في ناس كتير بتتكلم بلسان الشعب رغم ان الناس لم تفوض احد للحديث بالنيابة عنها

المجموعات كترت وكل واحد بيعمل ائتلاف ومجموعة ويقول انا اللى بقول مطالب الشعب

المشاركة الأصلية كتبت بواسطة metenawy

يا جماعا انا شايف ان الاخوة بتوع ائتلاف الثورة خرجو عن اهدافنا و بداو يلمعو نفسيهم علي افا الثورة دول بئو بيطلعو علي التليفزيونات دلوقتي اكتر ما كان بيطلع شوبير في ايه؟؟؟ هو مين وكلهم بالتحدث عن الثورة او الثوار و عالم اساسا غريبة واحد طالع منهم و هو عاش في حضن حزب معارض وافق علي صدوره النظام السابق و عمه كان عضو في امانة السياسات و واحد جاي يتكلم عن الشعب و الثورة و هو كان وقتها مجند في الجيش يعني معملش حاجة اسفففففف المصري بعد 25 يناير يقدر يقول رايه و مش محتاج ائتلاف الاستفادة من الثورة داه ال عايزين مجلس رئاسي قال واحنا قاعدين ايه في البلد حمير بتتساق الشعب و الجيش ايد واحدة

هم دول اللى دلوقت بقوا بيمثلوا الثورة وكلامهم وحي منزل لابد من تنفيذه وبيمثلوا ارادة الشعب وما علينا الا السمع والطاعة

احذر من ان يخرج الرافضين لهذا الهرج والمرج والتهريج للشارع هم ايضا فيصبح الشعب ضد الشعب

المشاركة الأصلية كتبت بواسطة wael17

خلاص نعتبر العنوان استبدال بدل اسقاط...المهم نناقش الخبر مش هاتقعد 5 او 6 صفحات نناقش العنوان

انا ممكن اتناقش مع ناس بتقول شفيق يرحل او لا يرحل
لكن ناس تفرض علي البلد مجلس رئاسي مدني بدون انتخابات و تفرض ان كل رؤساء الجامعات و البنوك و المحافظين يتشالوا...كده كتير قوي
ومتنساش نظار المدارس النهاردة اتنين اتنقلوا للادارة التعليمية لان الطلبة عملوا هما كمان مظاهرة ومش عايزينهم
خلاص دلوقت اي حد مش عاجبه مديره ولا رئيسه في العمل ايا كان يعمل مظاهرة ويقول مش عايزه والجيش يلبي
ماهو واضح ان الجيش عرف ان البديل انه يتعزل ويحل محله مجلس مدني

الحمد لله أنا شايف من ردود الناس برده مجموعتين ...المجموعة الي عايزة الوضع يستقر لحد الانتخابات و المجموعة الي مصرة علي رحيل شفيق....و ده اختلاف في الرأي مقبول...لكن الحمد لله مش شايف حد موافق علي الكلام الي نقلته من اليوم السابع و مصراوي....انا كدة اطمنت شوية

ماتطمنش اوي
بعد يومين الطلبات هاتتغير تاني ده اذا لم تكن تتغير بالفعل
كل يوم سقف الطلبات بتزيد ومفيش نهاية واضحة وكل شوية يطلعوا بطلبات ويقولوا دي طلبات الثورة من اول يوم