متظاهرو التحرير يحددون مطالبهم فى بيان اليوم لانهاء الاعتصام بالميدان

**heshamzaky** · 01-03-2011 05:07 AM

المشاركة الأصلية كتبت بواسطة dr_asaos

هاقول لحضرتك عينة من الردود الجاهزة..."وبدات الثورة المضاده ببث الرعب فى الناس عندما فشلوا فى تخويفهم بأنفسهم فظهرت مبدأ تخويفهم على اطفالهم من العملاء والخونة ومروجى الاشاعات...."

رد تانى يا جماعة "دى ثورة ولازم كل ثورة ويكون ليها ضحايا ده مش شعار على الفاضى" ..فى الحقيقة مبدأ المؤامرة المترسخ حاليا سوف يؤدى الى مزيد من الفوضى...ربنا يستر على مصرنا الحبيبة

يا باشا ثورة مضادة مين . تصدق بكرة الناس حا تتقلب على بعضها لا تقولى حزب وطنى و لا حسنى مبارك و لا أى مسؤل الناس هية الى حا تزهق من كتر الفوضى الى أحنا فيها دى و بكرة ينزلو يضربو بعض و الشرطة هية الى حا تتفرج عليهم و هما بيخلصو على بعض ., الشعب حا ينقلب على بعضة و الناس قرفت و زهقت . عند المدرسة و الله لو اقولك ان أولياء الامور بيقولو أية على الثورة دى مش حا تصدق الناس قرفت و زهقت فعلا من الوضع الى البلد فية

**misoalex** · 01-03-2011 05:10 AM

المشاركة الأصلية كتبت بواسطة heshamzaky

الموضوع دة حا يهم أكثر الناس الى عندها اسر و مسؤلة عن اطفال علشان نعرف الفوضى الى وصلنا لها بسبب عدم الاسقرار و كل الى بيشارك بصورة ما فى حالة عدم استقرار الامن يشوفها مش فارقة بقى عندة مطلب و لا معندوش . الى عندة عيال بكرة ينزل و يعمل ثورة و يقول مش عاوزين غير سلامة اولادنا طالما المبدأ أصبح كل مجموعة بتدور على مصلحتها و الهدف الى بتساندة يبقى كل واحد حر فى تصرفة http://www.nilemotors.net/nile/204237-a-4.html

اعرف عدوك اولا وبعد كده اعمل عليه مظاهره

بس لو عرفت عدوك حيبقى هدفك هو هدف الناس الى فى التحرير دلوقت

**Mahmoud Saloum** · 01-03-2011 05:15 AM

المشاركة الأصلية كتبت بواسطة ahmedjumpo

عن اى اثم تتحدث يا استاذ حتى تاخذنى العزة به و من انت لترمينى بالاثم و تنصحنى بتقوى الله و تتدخل كمان فى رغبتى و تحكم عليا بعدم التقوى عجبت لك يا زمن كانت التهم قبل كده التخوين والتبعية دلوقتى بقت الحاد و يمكن كفر يا استاذ هل هذا كلام مسلم عاقل

و استمرارا للخلط و عدم فهم الاخرين هل انا اخبرتك بانى من اتباع البرادعى حتى تحدثنى هكذا اتحداك لو اتيت بمشاركة واحدة دعيت فيها لاى احد و اتحداك لو وجدت لى مشاركة واحدة نزلت الى مستوى مشاركتك

برده مفيش فايدة فى اسلوب الحوار يا استاذ ادعوك لتعلم اداب الحوار من كلام الله تعالى ( و لو كنت فظا غليظ القلب لانفضوا من حولك )
هو حضرتك مش بتابع زينا موضوع ليبيا و لا ايه لان الناس كلها شايفة انقسام الجيش الليبي من الثورة و ان اقسام كتيرة من الجيش انضمت فعلا للثورة و ان القذافى اتى بمرتزقة و مع ذلك لم يعد يسيطر سوى على طرابلس و حضرتك الوحيد اللى شايف ان الجيش مانضمش الى الثورة
اما مجزرة الجيش و الحرس الجمهورى اللى بتتكلم عنها ديه كانت فزاعة و فشلت و اللى خايف يخليه بعيد ينتظر لغاية لما غيره يتحرك و يجيبلوا حقه اما الثوار فكانوا شجعان و الدليل ان حظر التجوال اعلن و مفيش حد طبقه و لذلك جيشنا عظم الله اجره و مشكورا احترم رغبة الناس و لم يصطدم معهم و لم ننكر هذا الدور العظيم

استمرارا لتحريف الحوار فقد قلت انه المسئول عن فتح التحقيق و تقديم المسئولين الى القضاء اما اسباب تاييدى لاستقالته فقد ذكرتها فى مشاركات سابقة و هذا من حقى كما انه من حقك ان تتمسك به دون ان اسفه رأيك
سؤال و منكم نستفيد منذ متى و القضاء هو الذى يقدم و يكشف المتسببين فى الجرائم طب على كده ايه لزمة المباحث و التحقيقات و النيابة
يا استاذ القضاء يقدم اليه الجناة و هو يفصل فى امرهم
و فى الاخير حسبى الله و نعم الوكيل فيمن يتهم الاخرين بالباطل و يشكك فى ايمانهم و تقواهم

يا أخى انت كثير الخطأ وأنا لا أريد أن أرد على هذا المستوى من الحديث الأفضل أن أتناقش مع من هم أكثر حرصا فى الحفاظ على ألفاظهم. وأيضا حتى لا يتحول الموضوع العام لشخصنة.

**heshamzaky** · 01-03-2011 05:18 AM

المشاركة الأصلية كتبت بواسطة misoalex

اعرف عدوك اولا وبعد كده اعمل عليه مظاهره

بس لو عرفت عدوك حيبقى هدفك هو هدف الناس الى فى التحرير دلوقت

أنا نزلت التحرير و اتفرجت على عدة نماذج عجيبة جدا و الى شوفتة أن كل مجموعة شغالة مع نفسها مفيش توحد نهائيا . الوضع فى المستقبل الناس حا تقولك عدوى الى بيضيق عليا لقمة عيشى و موقف حالى حا يقولك عدوى هو المسبب فى حالة عدم استقرار الامن حا يقولك عدوى هو الى مش عاجبة البلد و عاوز يملى على الجيش شروط و مش سايبة يعمل فى هدوء بحجة متابعتة حا يقولك عدوى الى سايب مفيش امن و دة بيهدد بيتى و اطفالى . هو دة الى بيدور فى ذهن الناس حاليا . أما لو سألت طلبة الجامعة أو الشباب الصغير الى مش فاتح بيت و اهلة بيصرفو لسة علية و مش حاسس بأى معاناة حا يقولك دة تمن الحرية لان مفيش وراة حاجة يخاف عليها غير نفسة فقط زاصحاب الاعمال و الاشغال أبتدو يكرهو التحرير و المظاهرات الناس هناك مش حاسة ان الشعب ممكن جدا يثور عليهم و ينزلو و تبقى حرب اهلية

**Mahmoud Saloum** · 01-03-2011 05:18 AM

المشاركة الأصلية كتبت بواسطة misoalex

اعرف عدوك اولا وبعد كده اعمل عليه مظاهره

بس لو عرفت عدوك حيبقى هدفك هو هدف الناس الى فى التحرير دلوقت

طيب معلهش يا أستاذ ميسو مين بتعتبره العدو دلوقتى؟ لأن الناس اللى فى التحرير ليهم أهداف متنوعة وكلها لا تشير الى أعداء انما مجرد مطالب تقنية لادارة المرحلة

**cheetos_892005** · 01-03-2011 05:20 AM

المشاركة الأصلية كتبت بواسطة heshamzaky

محمود وجدى مش هو السبب الرئيسى . الانفلات الامنى بسبب التجمعات الى على الفاضى و المليان كل شوية الى الناس بتعملها لو كل واحد قعد فى بيتة و ساب الجيش يمشى الامور من غير ما كل شوية يروحلة مجموعة بطلبات الامور حا تمشى و لكن الناس مش عاوزة دة الناس هية الى عاملة حالة عدم الاستقرار بصورة غير مباشرة

بالزمه الناس اللي قاعده في الميدان دي مالها ومال الشرطه نفسي افهم اللي مستخبين بيعملوا علي روحهم دول ؟؟؟وباوامر...

ولا هو القيش كله بعساكره بقاداته قاعدين في الميدان ؟؟؟؟

المظاهرات الفئويه دي هي اللي لازم تتلم بالحزم فعلا

**heshamzaky** · 01-03-2011 05:28 AM

المشاركة الأصلية كتبت بواسطة cheetos_892005

بالزمه الناس اللي قاعده في الميدان دي مالها ومال الشرطه نفسي افهم اللي مستخبين بيعملوا علي روحهم دول ؟؟؟وباوامر...

ولا هو القيش كله بعساكره بقاداته قاعدين في الميدان ؟؟؟؟

المظاهرات الفئويه دي هي اللي لازم تتلم بالحزم فعلا

مهو الشرطة دول ليهم قصة اخرى بعضهم محترم و خايف ينزل الناس تفتك بية و البعض الاخر عاوزها تولع علشان لما ينزل يلعب دور المنقذ و يمارس شغلة بنفس المنهج الزفت بتاعة علشان يحس انة الباشا مش زى باقى خلق الله يعنى نظام يا ألعب بطريقتى يا مش لاعب . كل دة مش المشكلة المشكلة ان طول ما التحرير مليان ناس و كل يوم و زيطة و زمبليطة حا يستخبى فى الوسط فئة الخارجين على القانون طول كما البلد مش مستقرة الانفلات الامنى حا يفضل زى ما هوة . و الكلام دة مش التحرير بس لا كل الاعتصامات الى بتحصل داخل القطر المصرى كلة دى لازم تتوقف و تنتهى

**cheetos_892005** · 01-03-2011 05:33 AM

المشاركة الأصلية كتبت بواسطة heshamzaky

مهو الشرطة دول ليهم قصة اخرى بعضهم محترم و خايف ينزل الناس تفتك بية و البعض الاخر عاوزها تولع علشان لما ينزل يلعب دور المنقذ و يمارس شغلة بنفس المنهج الزفت بتاعة علشان يحس انة الباشا مش زى باقى خلق الله يعنى نظام يا ألعب بطريقتى يا مش لاعب . كل دة مش المشكلة المشكلة ان طول ما التحرير مليان ناس و كل يوم و زيطة و زمبليطة حا يستخبى فى الوسط فئة الخارجين على القانون طول كما البلد مش مستقرة الانفلات الامنى حا يفضل زى ما هوة . و الكلام دة مش التحرير بس لا كل الاعتصامات الى بتحصل داخل القطر المصرى كلة دى لازم تتوقف و تنتهى

وجهة نظر تحترم برضه ....

طيب نشوف طريقه تانيه غير التظاهر .....

اقترح

**dr_asaos** · 01-03-2011 05:37 AM

المشاركة الأصلية كتبت بواسطة cheetos_892005

بالزمه الناس اللي قاعده في الميدان دي مالها ومال الشرطه نفسي افهم اللي مستخبين بيعملوا علي روحهم دول ؟؟؟وباوامر...

ولا هو القيش كله بعساكره بقاداته قاعدين في الميدان ؟؟؟؟

المظاهرات الفئويه دي هي اللي لازم تتلم بالحزم فعلا

شيتوس باشا خلينا نبقى متفقين فى موضوع المظاهرات الفئوية..تمام كدة...على فكرة الشرطة مش مستخبيه...الشرطة اصبحت مغلوبة على امرها وطبعا حادثة المعادى دليل لما حصلت فيها مشكلة وانا مش بتكلم مين صح ومين غلط كل الشرطة هربت وشوف كلام المخرج مازن الجبلى لما واحد مالوش فيها وقفه وهو "المخرج"فى منطقته وقعد يزعء وبقول العيال دول اخوات الواد الظابط واتلم 1000 واحد على مجموعة المخرج بالسنج والمطاوى...يا راجل شوف صفحة وزراة الداخلية على الفيس بوك دول ناقص يشحتوا... ويعملوا شعر جديد"الشرطة فى عرض الشعب" ومحدش يتهمنى انى من الداخلية ربنا يكرمكو او ليا حد فيها وانى موافق على اللى كان بيتعمل زمان انما لازم نتفق ان هيبة رجل الشرطة المخولة له بالقانون لازم ترجع تانى...انته عارف من الاخر وده رأيى طبعا ايه المشكلة؟ بعد ثورة التحرير حصل حاجتين... كسر حاجز الخوف لدى المواطن المصرى ضد اى ظلم وعدم الرجوع عن المطالبةبالحق ولو فى وش التخين والحمد لله اختفت كلمة انت مش عارف ان ابن مين دى اللى كانت هتشلنى بس فى حاجز تانى اتكسر...وهو حاجز الخوف بتاع البلطجية والحرامية والانتهازيين من الشرطة مش عشان الشرطة مش موجودة لاء انا هيبة الشرطة بتاعة القانون راحت على اعتبار زى ما قال سواق الميكروباص من النهاردة مفيش حكومة انا الحكومة وده عاوز وقت كتييييييييييير عشان يرجع لان كل ظابط دلوقتى خايف من الاعتداء عليه سواء البدنى او المعنوى وكمان يتواجدوا ازى فى التحرير؟ ده خلاص سمعتهم اصبحت فى الارض حتى الشرفاء منهم ومش هيقردوا ينشوا ولا هيعملوا حاجة وهتتحسب عليهم...ودى وجهة نظرى طبعا

**heshamzaky** · 01-03-2011 05:46 AM

المشاركة الأصلية كتبت بواسطة cheetos_892005

وجهة نظر تحترم برضه ....

طيب نشوف طريقه تانيه غير التظاهر .....

اقترح

أسيب المجلس الاعلى للقوات المسلحة يشوف شغلة فى هدوء و لا ارهقة كل شوية بشوية مطالب و نقولة شيل دة و حط دة دة حتى يبقى فرض أرداة مش ديمقراطية فى حين أن الجيش ممكن جدا يعمل الى هوة عاوزة و يسيب الدنيا و الشرطة تنزل و يرجع معسكراتة و تقوم حرب و تصفية حسابات بين الشرطة و الشعب . بس الجيش معملشى كدة واقف حائل بين الشرطة و الناس و بيدير الامور يبقى نسيبة و مش كل شوية يتقال كلام سخيف يعنى الاخ ((( شادى حرب ))) لما كان فى اللقاء مع ال 3 لؤات يقولهم بضو ننزل كل جمعة للتذكير أية الكلام الفاضى دة و الله دى فوضى و الجيش ممشى الامور بسلاسة بلاش طمع هما الناس ما صدقت تمسك ميكريفون و هاتك يا كلام فى الفاضى و المليان علشان يعمل حزب بعد كدة و يبقو ابطال