هنصوت بنعم ام لا للتعديلات الدستورية ؟

**Amgad64** · 13-03-2011 09:43 PM

ما هى النسبه المطلوب توافرها من المصوتين لكى يتم الاخذ به , هل هى نسبه 50% من جموع الذين يحق لهم التصويت , ام اى عدد يحضر والسلام , يعنى لو حضر 100000 وصوتوا من اصل 40 مليون يحق لهم التصويت فيصبح التصويت نافذ , ام لا , وان قال 5001 منهم نعم تصبح التعديلات ساريه ام لا.
احنا عاوزين نعرف المعلومات دى علشان نعرف ايه اللى احسن نروح نصوت و لا نروح و نقول لا
انا شخصيا ناوى اروح و اقول لا
على رأى الفقيه الدستورى المستشار / ابراهيم درويش , ان الدستور قد سقط ولا يمكن أحياؤه مره أخرى و ان تم ذلك فلابد من نقل السلطه على الفور الى رئيس المحكمه الدستوريه و عمل الانتخابات الرئاسيه فى خلال 60 يوما طبقا لنصوص الدستور الذى سيتم استدعاؤه من الممات و تسليم السطه المطلقه (طبقا للدستور) للرئيس الجديد يفعل ما يشاء كيف يشاء وقتما يشاء دون ادنى رقيب أو اى محاسبه (طبقا للدستور) على ان يقوم صاحب السلطه المطلقه (اى الرئيس المنتخب) بعمل دستور جديد ليقلص من صلاحياته و يعطيها لسلفه , حيث انه لابد من اجراء انتخابات جديده لرئيس جديد لان الرئيس السابق قد ادى اليمين طبقا للدستور القديم وهذا يسرى ايضا بالنسبه للبرلمان
اى اننا حنبقى فى حاله حيص بيص لمده سنتين على الاقل
بينما لو تم عمل دستور جديد حاليا سنتفادى كل مساؤى الدستور القديم ونؤسس لدوله جديده من الاساس ونتفادى جميع المشكلات السابقه

**dareen6** · 13-03-2011 10:30 PM

المشاركة الأصلية كتبت بواسطة arakysolom

حرام عليك يا راجل احنا حنبدأ الموضوع بالسلبية وعدم المشاركة
لازم كل واحد يشارك و يبدي رأيه سواء بالموافقة من عدمه و يكون واضع في حسبانه انه يوافق او يعترض علي المواد المعدله و ليس الدستور ككل
هذه اولي تجاربنا مع الديمقراطية فلا تدعوها لأن بتركها سوف نخل في نفق مظلم اسمه السلبية و عدم الاكتراث و هو ما ساعد النظام السابق علي استمراره و بقاؤه

انا سمعت معرفش صحه المعلومه ان اللي هيصوت بلا يعني موافق على الدستور القديم و غير موافق على التعديل يعني نرجع كما كنا

**hobiko** · 13-03-2011 11:34 PM

دلوقتي مع عمرو أديب مستضيف اتنين من الاخوان من مؤيدي التعديلات الدستورية ....... سأل سؤال واحد

لو نزلنا صوتنا بنعم على التعديلات ......... دة حيعمل إيه في الدستور الحالي المعطل

الإجابة ........

إن دة حيفعل الدستور الحالي ..... و حيخليه دستور عامل مؤقت لغاية ما ننتخب مجلس شعب و ننتخب رئيس جمهورية و بعد كدة 6 شهور لغاية ما نصيغ الدستور الجديد

يعني لو صوتنا بنعم ..... حيستمر الدستور الحالي إلي بيدي صلاحيات خرافية لرئيس الجمهورية ....... لمدة سنة على الأقل

دة إسمه دة ؟؟؟؟؟؟ احنا لسه نستنى سنة في ظل الدستور الفاسد ده إلي بيخلق دكتاتور جديد ؟؟؟؟؟؟؟؟؟!!!!!!!!!!!!!!!!!!!!

**fepsceasar** · 13-03-2011 11:44 PM

ما انت لوقلت لا هتفضل سنة تحت حكم عسكرى، والله اعل مايه النتائج
ولو قلت نعم هتقعد سنة تحت حكم مدنى منتخب ورئيس ملزم انه يدعو لاعداد دستور جديد
تختار ايه

**ahmedjumpo** · 13-03-2011 11:48 PM

المشاركة الأصلية كتبت بواسطة hobiko

دلوقتي مع عمرو أديب مستضيف اتنين من الاخوان من مؤيدي التعديلات الدستورية ....... سأل سؤال واحد

لو نزلنا صوتنا بنعم على التعديلات ......... دة حيعمل إيه في الدستور الحالي المعطل

الإجابة ........

إن دة حيفعل الدستور الحالي ..... و حيخليه دستور عامل مؤقت لغاية ما ننتخب مجلس شعب و ننتخب رئيس جمهورية و بعد كدة 6 شهور لغاية ما نصيغ الدستور الجديد

يعني لو صوتنا بنعم ..... حيستمر الدستور الحالي إلي بيدي صلاحيات خرافية لرئيس الجمهورية ....... لمدة سنة على الأقل

دة إسمه دة ؟؟؟؟؟؟ احنا لسه نستنى سنة في ظل الدستور الفاسد ده إلي بيخلق دكتاتور جديد ؟؟؟؟؟؟؟؟؟!!!!!!!!!!!!!!!!!!!!

هذه اقتباس ليا فى موضوع http://www.nilemotors.net/Nile/206720-a.html

المشاركة الأصلية كتبت بواسطة ahmedjumpo

ملحوظتان اعتقد انهم مهمين و ارجو ان الاعضاء يلتفتوا اليهما
* انه فى حال اقرار التعديلات الدستورية و التى لو اضيفت الى دستور 71 و تم تفعيله مرة اخرى فأعتقد و الله اعلم انه سيتم الطعن على عدم دستوريتها لانها لم تتم بالطريقة التى حددها الدستور فى المادة 189
* النقطة الاهم لو افترضنا انه تم انتخاب مجلس الشعب و رئيس للجمهورية و تمت الدعوة الى عمل دستور جديد فسنصبح امام حلين لا ثالث لهما :
ـ الاول ان يتم حل مجلس الشعب و يستقيل رئيس الجمهورية لانهم منتخبين على الدستور القديم و ما سيتبع ذلك من ضياع للوقت و الاموال و استنفاذ قدرات البلد فى اجراء انتخابات جديدة و ما يتبعه من توقف عجلات العمل و حذر من المستثمرين لدخول البلد حتى انتظار ما ستؤل اليه الامور

ـ الحل الثانى ان توضع مادة انتقالية و تجعل هذا الدستور غير معمول به الا بعد انتهاء على الاقل فترة ولاية الرئيس المنتخب و بالتالى لن يتم العمل بالدستور الجديد و سيظل العمل بالدستور القديم المهلهل لمدة اربع سنوات قادمة من تاريخ انتخاب الرئيس القادم و بالتالى سيظل الرئيس القادم يحمل نفس الصلاحيات الخرافية و الديكتاتورية و سيظل نفس مجلس الشعب الصورى و مع الوقت و فى خلال الاربع سنوات سيتم بمنتهى السهولة امتصاص روح الثورة و مع وضع الموالين للرئيس فى جميع المناصب الهامة وذلك بأستخدام صلاحياته و نصبح نموذج مصغر من روسيا التى قام فيها بوتين عقب انتهاء مدة رئاسته لروسيا بوضع ميدفيديف الرئيس الحالى و اخذ هو منصب رئيس الوزراء

يعنى يا انتخابات جديدة بعد سنة و بالتالى دعاة الاستقرار هتضيع حجتهم
يا ما الدستور القديم سيظل العمل بيه لمدة اربع سنين بعد ما حضرتك لم تكن تتحمله لمدة سنة

**medo_2060** · 13-03-2011 11:59 PM

من شويه كان المستشار طارق البشرى على الجزيره بيتكلم عن التعديلات ... وبيقول ان انه بيأيد انتخابات برلمانيه الاول عشان بعد كدا الرئيس لما يجى يبقى فى برلمان يشارك ويراقب فى السلطه وقال بالنص لو غير كدا الرئيس فيما معناه هيبقى اله كدا ....
طيب انا بحترم الراجل دا جدا بس مش مقتنع بكلامه ... هو بيقول ان الرئيس كدا من غير برلمان منتخب قبله هيبقى اله ... طيب ماهو صلاحيات الرئيس الى اللجنه لم تعدلها بتخليه اله فعلا وبرلمان ايه الى هيتعمل سلق بيض هيعبر عن الشعب ويراقب سلطات الرئيس..
والمذيع سأله ايه الى هيحصل لو نتيجه الاستفتاء " لا " قاله ميعرفش ودا مش اختصاص اللجنه ومش هما الى هيقرروا ايه الى هيحصل

**فتح الباب** · 14-03-2011 12:04 AM

رغم اننى جاهل علميا الا اننى ( اريد ثوب جديد)

**fepsceasar** · 14-03-2011 12:12 AM

التعديل هو طريق للتغيير ةلا يغنى عنه
يعنى سكة التغيير بتبتدى من التعديل وكده اللى عايز ثوب جديد هيتكسى

**ahmedjumpo** · 14-03-2011 12:19 AM

المشاركة الأصلية كتبت بواسطة fepsceasar

التعديل هو طريق للتغيير ةلا يغنى عنه
يعنى سكة التغيير بتبتدى من التعديل وكده اللى عايز ثوب جديد هيتكسى

بما ان حضرتك مع التعديلات و انا احترم قرار حضرتك ممكن استأذن حضرتك تشوف المشاركة رقم 165 و تقولى حضرتك مع ايا من الحلين المطروحين لو اقرينا التعديلات

**samoevil911** · 14-03-2011 01:02 AM

المشاركة الأصلية كتبت بواسطة skybird

لا يا باشا الكلام ده جديد
لان الاعلان الدستوري بتاع الجيش بيقول
"تعطيل العمل بأحكام الدستور" وماقالش "الغاء الدستور"
لما ييجي ويقول النظام الحاكم هو اثنين
1- البيان الدستوري للجيش
2-المواد التسعة المعدلة فقط
وانه لا خوف من العودة للدستور المعطل دتور71
فده تراجع كبير يلزم ليه بيان منفصل
ماذا و الا فالافضل التصويت ب لا علشان نجبرهم يحترموا رغبتنا في عمل دستور جديد ونبدأ الحياة على نظافة
هو ايه علاقة الاستقرار بالاستعجال
وايه فيها لو عشنا سنتين ثلاثة من غير حتى دستور
ما الحكومة موجودة والرئاسة موجودة والقوانين موجوده
وادي احنا عايشين من غير دستور بقالنا شهرين ايه اللي حصل
معنى كلامي مش اننا نعيش كده لكن معنى كلامي ان فزاعة الاستقرار ويالا بسرعة مجرد تخويف
لو الجيش عايز يسيب السلطة في اقرب وقت يعمل انتخابات رئاسية بالتعديلات فقط او لو مش قادر عليها يسلمها لمجلس رئاسي مدني يمثل التيارات السياسية الكبيرة لكن ما يسربعناش الحكاية مش سلق بيض ده دستور ومش كل يوم هنعمل ثورة ونغير الدستور

اول جزء من الكلام مش فاهمه خالص.

ثاني جزء من كلام حضرتك .. فيها ايه لو عشنا من غير دستور سنتين تلاتة ؟
السؤال دا بجد ولا حضرتك بتهزر؟ اصل اكيد بتهزر

الموضوع: هنصوت بنعم ام لا للتعديلات الدستورية ؟

LinkBack

أدوات الموضوع

عرض

-

-

-

-

-

-

المواضيع المتشابهه

استفتاء قناة العربية 61% نعم للتعديلات 39% لا للتعديلات الدستورية فى مصر

موسى يدعوا بلا للتعديلات الدستورية

«لَعَم» للتعديلات الدستورية

بكل تأكيد : نعم للتعديلات الدستورية

نعم للتعديلات الدستورية وباقصى سرعة

الكلمات الدلالية لهذا الموضوع

المفضلات

المفضلات

ضوابط المشاركة