الموضوع: هنصوت بنعم ام لا للتعديلات الدستورية ؟

المشاركة الأصلية كتبت بواسطة epnmasr

مادة189 فقرة أخيرة مضافة
ولكل من رئيس الجمهورية, وبعد موافقة مجلس الوزراء, ولنصف أعضاء مجلسي الشعب

والشوري طلب إصدار دستور جديد, وتتولي جمعية تأسيسية من مائة عضو, ينتخبهم أغلبية أعضاء

المجلسين من غير المعينين في اجتماع مشترك, إعداد مشروع الدستور في موعد غايته ستة أشهر

من تاريخ تشكيلها, ويعرض رئيس الجمهورية المشروع, خلال خمس عشرة يوما من إعداده, علي

الشعب لاستفتائه في شأنه, ويعمل بالدستور من تاريخ إعلان موافقة الشعب عليه في الاستفتاء.



المادة189 مكررا
يجتمع الأعضاء غير المعينين لأول مجلسي شعب وشوري تاليين لإعلان نتيجة الاستفتاء علي تعديل

الدستور لاختيار الجمعية التأسيسية المنوط بها إعداد مشروع الدستور الجديد خلال ستة أشهر من

إنتخابهم, وذلك كله وفقا لأحكام الفقرة الأخيرة من المادة 189.

المادة189 مكررا1
يمارس أول مجلس شوري, بعد إعلان نتيجة الاستفتاء علي تعديل الدستور, بأعضائه المنتخبين إختصاصاته.
ويتولي رئيس الجمهورية, فور انتخابه, استكمال تشكيل المجلس بتعيين ثلث أعضائه, ويكون تعيين
هؤلاء لاستكمال المدة الباقية للمجلس علي النحو المبين بالقانون
أولاً هذه المواد لا تُلزم الرئيس القادم أو المجالس النيابيه بتغيير الدستور
لأنه بيقول (ولكل من) وكان من الأفضل أن يستخدم لفظ آخر أو جمله كامله كأن يقول على الرئيس القادم تشكيل لجنه منتخبه لتغيير الدستور وإذا لم يلتزم بذلك خلال فتره كذا تكون بمثابة إستقاله .... وهكذا
مع العلم أني أعلم جيداً أن أي رئيس قادم لن يجرؤ على عدم التغيير
ولكن يستطيع أن يتحكم في التأسير على اللجنه في صلاحيات الرئيس
لذلك أرى وهذا رأي أن يتم التغيير قبل الأنتخابات ويوضع دستور محترم يلبي طموحات الثوره والشعب وليكن دستور 54 الذي أجمع كل الخبراء على أنه الأنسب في المرحله المقبله مع تعديل بعض المواد التي تناسب العصر كوضع مواد لمحاسبة الرئيس والوزراء في حالة التقصير
وذلك لكي يأتي الرئيس والمجلس القادم على هذا الدستور ويلتزموا جميعاً به مع وضع مواد مشدده على عدم تعديل أو تغيير مواد الحريات ومد الرئيس وما الى ذلك من المواد التي تهم الشعب
كما أنني مع الرأي المطالب بإلغاء مجلس الشورى الذي يكلف الدوله الملايين الطائله دون فائده تذكر والذي ثلث أعضائه بالتعيين وكذلك موضوع 50% عمال وفلاحين التي أثبتت عدم جدوتها والأفضل لهم أن يمثلهم من يختاروه أياً كان صفته عن أن يأتي أياً من أصحاب المصالح الذين لم ينفعوا إلا زويهم وأنفسهم

حضرتك انا شارح الزامية المادة في رد سابق ممكن حضرتك تقرأة

بس عموما هقول لحضرتك بسرعة

م189 مكرر بتقول يجتمع المجلس ....... ودي صيغة إلزام
وعبيراة بما لا يخالف مادة 189 فقرة اخيرة دي عائدة على طريقة تشكيل اللجنة ووقت عملها

دا ابسط شرح سريع
وممكن حضرتك تراجع ردي السابق في شرح وافي

المشاركة الأصلية كتبت بواسطة wawoo

ما فيش غلط دة هو الصح بالضبط و هو دة راى الاغلبية حتى الان

التعديلات غير كافية فى مواد اخرى فى الدستور محدش بيتكلم عنها و بتدى صلحيات كبيرة جدا للرئيس و دة اللى اصبح مرفوض بعد الثورة

و بعدين ازى حننتخب رئيس على دستور قديم معدل و بعدين نعمل دستور جديد ..افرض فى الدستور الجديد اصبح الرئيس الحالى غير شرعيى يبقى حيسقط الرئيس و نعمل انتخابات رئسية جديدة

و بعدين حنعمل ازى انتخابات مجلس شعب تنتخب لجنة الدستور الجديد و مجلس الشعب نفسة حيكون منتخب على الدستور القديم..يبقى حنضطر نعمل انتخابات مجلس شعب جديدة و حندخل فى دوامة لا تنتهى من الانتخابات و الاستفتائات

يبقى الصح اننا نعمل دستور جديد على مياة بيضاء ينتخب على اساساة الرئيس و مجلس الشعب و كل حاجة ودة ياكد شرعية الثورة و ياكد انجزها

كلام الاخ اللى بيتكلم غلط اننا بنبنى العمارة من فوق لو رفضنا التعديلات الدستور دة ..و لكن الحقيقية اننا حنبنى العمارة من فوق فعلا لو قبلنا التعديلات دى و بعدين عملنا انتخابات و بعدين عملنا دستور جديد

ترقيع الدستور الحالى هو اللى حيعمل فوضى و حيكون فية فرصة ممتازة لفلول الحزب الوطنى انها ترجع تانى و تحصل فوضى سياسية اكيدة

راى معظم الخبراء السياسيين و الدستوريين بيرفضو تمام فكرة تعديل الدستور الحالى و على فكرة فى اتجاة قوى الان نتجة اسطلاعات الراى اللى اتعملت انة يتم الغاء الاستفتاء اللى كان حيتعمل و الاتجاة فعلا لعمل دستور جديد كليا خصوصا انة عملية الاستفتاء مش حتكون مؤمنة جيدا

حضرتك راجع الردود السابقة في الموضوع هتلاقي معظم ما قلته مردود عليه
وممكن تستعين بالرابط دا http://www.nilemotors.net/Nile/206413-a.html
ولو لسه في حاجة مش مردود عليها اطرحها حضرتك وان شاء الله ارد عليك

أرجوا من كل الزملاء قرائةهذا المقال للدكتور عبد المنعم حسني الفقيه الدستوري بجريدة الجمهوريه
Algomhuria.net || الموقع الرسمى لجريدة الجمهورية

أرجوا من كل الزملاء قرائةهذا المقال للدكتور عبد المنعم حسني الفقيه الدستوري بجريدة الجمهوريه Algomhuria.net || الموقع الرسمى لجريدة الجمهورية

المشاركة الأصلية كتبت بواسطة epnmasr

أرجوا من كل الزملاء قرائةهذا المقال للدكتور عبد المنعم حسني الفقيه الدستوري بجريدة الجمهوريه algomhuria.net || الموقع الرسمى لجريدة الجمهورية

حضرتك ولا لم ننكر ان حنا محتاجين دستور جديد بس بنقول مجازفة في وقت زي دا البلد محتاة تتحكم خصوصا انه هياخد وقت

اما موضوع وضع الدستور في شهر دي اتول مرة في حياي اسمعها
الفقهاء اتفقوا ان اقل مدة من 3 الي 4 شهور عشان كدا اناش مستغرب كلامه ممكن يكون قصده من وجهت نظره على اساس هيضع الدستور اللي في تفكيره
حضرتك الدستور في 3 ابوب
المبادئ وشكل الدول وبعدين نظامها وبعدين باب الحريات
منين الحريات 80 %
الدستور الحالي 211 مادة
الحريات من مادة 179
السنهوري من اعظم دكاترة القانون ان لم يكن اعظمهم في تريخ مصر وواضه القانون المدني المصري وعدة دساتير في دول شقيقية وضع دستور في سنة
المشكلة في الدستور مناقشة المواد نفسها عشان منحطش مادة تقلب الناس
زي مثلا الموقف من المادة الثانية دا ممكن يعمل مشاكل كتير ومحتاجين دراسة ومناقشة الوضع بحرص



موضوع قرارات اللجنة غير قابلة للطعن
حضرتك في قاعدة في تفسير القوانين عند المخالفة الخاص يقيد العام
يعني دا حكم خاص
والدستور لا يخالف نفسه طالما في تخصيص

في شروط تولي منصب الرئاسة المادة احالت عى قانون مباشرة الأعمال السياسية وموضوع الحنسية دا انا شايفه حاجة كويسة .. والأستاذ صبحي صالح مثلا اتكلم في المسئلة وقال انه حتى لو تنازل عنها يظل مدينا بالفضل دا غير ان البعض قد يستغل التنازل للتحايل
وبعدين محنا بنشترط ذلك في اعضاء مجلس الشعب والسفراء
دا غير ان هل مكصر مفيهاش غير دول عشان نفقول ان هي دي المشكلة ؟
دا في داخل مصر من هو افضل بكثير وعلى الأقل هيكون اكثر احتكاكا بالمجتمع المصري والشعب


فكرة الكوتة دي فعلا غلط .. بس لو كانت اللجنة لغتها كنات هنسمع منظمات حقوق المرأة والسيدات بيعترضوا ويعملوا مظاهرات . ونفس الوضع في الفلاحين والعمال واللجنة اصلا تحدثت عن هذا الأمر

وللعلم الناس اللي متخيلة فلاح وعامل يعني حد جاهل الكلام دا مش صح لإن تعريف العامل والقلاح مش معناها ان لزم فلاح مثلا .. لأ دي مجموعة شروط يعني منها انه بيمتلك 5 افدنة على ما اتذكر

هصوت - لأ

الموضوع بسيط كلنا متفقين ان احنا عايزين دستور جديد صح؟؟؟؟ بس مين الي يعمله انا عن نفسي حقبل بدستور جديد يعمله واحد انا انتخبته و الشعب اختاره يعني لاما مجلس شعب لاما رئيس جمهورية اما ان المجلس الاعلي يحطلي دستور من عنده او بمشاركة قوي سياسية او المدعو ائتلاف الثورة فانا اسف انا مش حقبل بدستور جديد غير الي حيعمله حد منتخب من الشعب و الكلام داه بتحققه التعديلات في الفقرة الاخيرة لاخر مادة عندما اشترط علي اول مجلس شعب منتخب تاسيس لجنة تاسيسية لعمل دستور جديد للبلاد وبعدين هو في حد بيعمل دستور جديد بعد ثورة بيومين احنا عملنا ثورة 1919 و بعد كده عملنا الدستور سنة 1923 و برده ثورة 1952 اتعمل دستور بعد كده بكذا سنة و برده ايطاليا و فرنسا و غيره عملت دساتيرها بعد ثورتها بسنين مش بعد شهرين