الموضوع: انتبه !! لا زال الاعلام المصري يمارس علينا الارهاب الفكري

مش عاجبك ... صوت بنعم!

المشاركة الأصلية كتبت بواسطة arakysolom

لكل مشاهد برامج التوك شو لاحظ خلال الاسبوعين الاخيرين مدي محاولة تأثير تلك البرامج خاصة اون تي في و الحياة اليوم و مصر النهاردة حتجد ان توجههم الاساسي زعزعة ثقة المشاهد في التعديلات الدستورية و ما يمارسوه من ارهاب فكري خاصة عندما تهيب المذيعات و المذيعين بالمشاهدين التصويت بلا للتعديلات وكل الضيوف المشاركين في البرامج هم من تبنوا وجهة نقض التعديلات سواء كانوا قضاه (ابراهيم درويش و اللذي كان يأمل ان يكون هو صاحب الريادة في تلك التعديلات و اللذي يظهر من ردوده جيدا انه يريض النقض لأجل النقض او رئيس المحكمة النقض اللذي لا يريد ان تكون المحكمة الدستورية هي من تنظر الطعون و لكن يريد محكمة النقض بزعمه انها الاكبر ) او من يطلق عليهم مثقفين مثل حمزاوي و المعروف بتوجه علماني و اللذي يريد تعديلا للماده الثانية ؟؟ هل كل المجتمع و القضاه و المثقفين ضد التعديلات هل تريدون ان توصلوا رساله للمواطن العادي ان الكل ضد التعديلات ؟
اتقوا الله فينا و في مصر التي تتغنون عنها و عن الوطنية و انتم اول من عارض الثورة ثم كلكم غيرتم جلدكم الي مع الثورة و تحيا الثورة ؟؟؟
لكل عاقل انتبه و لايغرك الكلام المعسول راجع مواقف هؤلاء المزورين لارادة الشعب

انا مش هختار غير الاسمين دول
ابراهيم درويش
ورئيس محكمة النقض
لو دول رفضوا التعديلات الدستورية علشان الاسباب الصبيانية المذكورة يبقى كل القضاه فاسدين و لا يوجد فيهم رجل شريف وانا ضد هذه الاتهامات
لو كنت تهاجمهم خوفا على المادة الثانية للدستور فالدستور في كل الاحوال هيتغير ويأتي دستور جديد لنواجه هذه الاشكالية سواء قلت نعم ام قلت لا للتعديلات الدستورية
هؤلاء القامات الدستورية العالية ترى ان ما يحدث جريمة دستورية
من الافضل ان يلغى الاستفتاء لان التعديلات مطعون في دستوريتها
يعني حتى لو تمت الموافقة عليها ستظل تواجهها عدم الشرعية بسبب الطعون المقدمة فيها
ومش عارف الهجوم على الاعلام الخاص والحكومي بسبب انه ينشر رأي مخالف رأي ناس تانية
خوفي ممن لا يعجبهم الرأي الاخر لو مسكوا الحكم هيعملوا فينا ايه ؟!!!!! ربنا يستر

المشاركة الأصلية كتبت بواسطة itsonlyme

تعريف حضرتك للإرهاب الفكري خاطئ

في فرق ما بين التوجيه الفكري والارهاب الفكري

الارهاب الفكري هو اني اتهم المختلفين معايا في الرأي بتهم زي الخيانة والعمالة والعنصرية بهدف ارهابهم وتخويفهم من ابداء رأيهم.

مثال على كده ان حد ينتقد اسرائيل بموضوعية يتهم بمعاداة السامية ... ودي تهمة مرعبة في الغرب لدرجة ان أي حد يفكر مليون مرة قبل ما ينتقد اسرائيل.

لو عايزين نطبق الارهاب الفكري على القنوات اللي حضرتك بتقول عليها يبقى القنوات دي بتمنع أي حد يقول نعم للتعديلات وبتتهمه بالخيانة للثورة والانتماء للنظام البائد الفاسد و للثورة المضادة بشكل يخوف أي حد انه يقول انه مع التعديلات. لو ده حصل يبقى هما بيمارسوا الارهاب الفكري.

أما بقى التوجيه الفكري فهو اقناع (ومهمة قوي كلمة اقناع) الآخرين بتوجه فكري معين حتى ولو عن طريق اقناعهم بان البديل مضر ومش في مصلحتهم.
وده طبيعي، أمال هتقنع الناس بفكرة ازاي؟ يا إلا ترغبهم في الفكرة يا إلا تخوفهم من تبعات الأفكار البديلة.

لو (الاقناع) عن طريق أكاذيب يبقى ممكن تسميه تضليل، بس مش ارهاب فكري.

كمان حضرتك قلت انهم بيتعدوا على رأيك ... على كده أي حد يحاول يقنعك برأي غير رأيك يبقى بيتعدى على رايك.

التعدي على الرأي لما ترغم شخص على التصرف بناء على رأي مخالف لرأيه.
يعني مثلا واحد يرغم زوجته على سبيل المثال على التصويت لمرشح معين أو رئيس في العمل يرغم الموظفين للخروج لمظاهرة تأييد يا إلا يخصم من مرتباتهم.

طبعا القناة التلفيزيونية مهما عملت مش هتلوي دراعك عشان تصوت بلا أو نعم.

مفيش ارهاب فكري يا فندم ... ممكن تقول ليهم توجه معين ... مصالح معينة .... بيوجهوا الناس ويضللوهم ... بس مش ارهاب فكري ولا تعدي على رأي الآخرين.

سلمت كيبوردتك

نريد دستور جديد لان دستور فاسد ينتج عنه ديكتاتور ونظام فاسد سأصوت ب لا للتعديلات والترقيعات