الموضوع: كل شئ عن 620

أولا كل سنة و انتم طيبين جمبعا بمانسبة شهر رمضان

كنت محتاج مساعدتكم عندي مشكله في العربية أوقات بتسخن بسبب ان المرواح بتعلق اوقات مش بتشتغل بسبب ان فيشه كنترول المرواح كانت بتفوت المهم واحد كهربائي عاملي ترامل ليها و مشيت بيها كام شهر تمام و فجاءه رجعت تعلق تاني
عايز حل للموضوع ده او اجيب فيشة من عند مين عشان سالت عليها مش لاقيها خالص

ارجو المساعدة و الرد في أقرب وقت

أولا كل سنة و انتم طيبين جمبعا بمانسبة شهر رمضان

كنت محتاج مساعدتكم عندي مشكله في العربية أوقات بتسخن بسبب ان المرواح بتعلق اوقات مش بتشتغل بسبب ان فيشه كنترول المرواح كانت بتفوت المهم واحد كهربائي عاملي ترامل ليها و مشيت بيها كام شهر تمام و فجاءه رجعت تعلق تاني
عايز حل للموضوع ده او اجيب فيشة من عند مين عشان سالت عليها مش لاقيها خالص

ارجو المساعدة و الرد في أقرب وقت

لو سمحت يا جماعه عاوز اسئل على الكنترول بتاعها بكام ويكون مضمون وعاوز المثلثين بتوع المرايات من الداخل لو حد عنده حاجه او يعرف بيتباعوا فين غير الحرفييين يقولى شكرا جزيلا

المشاركة الأصلية كتبت بواسطة akmm

فيه محل اسمه الوليد ممكن تكلمه وتسال تليفون 23805450

اشكرك استاذى لهتمامك لو سمحت مكانه فين محل وليد دا وهل هو متخصص فى الكنترول لانى بصراحه محتار التوكيل غالى والحرفين محدش يضمنهم وعامل تعديل فى الكهربا ماشى بيها عادى بس. فى لخبطه في الانوار والابواب بسبب الكنترول ورحت عند ناس كتير متخصصه قالولى يا تجيبه من الحرافين يا تجيبه من التوكيل محتاج اى حد صادف المشكله وطريقه حلها

المشاركة الأصلية كتبت بواسطة akmm

مفيش حاجه اسمها متخصص كنترول ؟؟ هو محل قطع غيار للسيارات الاسبيرانزا عموما وعنده كل حاجه لهم جديده ..... اسالهم في الأول عن طلبك ايه مع تحديد نوع وموديل السياره وهم في المعادى

هل جربت حاجات من عنده .. هل هى قطع اصليه ؟

المشاركة الأصلية كتبت بواسطة saddam

صديقي المواطن
قولا واحدا صدام المواطن بوابة للتواضع وكلكم أعلى مني وتاج رأسي وأنا خادم لكم وأنا أكاد أجزم أن لي مشاركات في هذا الموضوع في أوائله والعلم عند الله
تم رفع العربية وقتها وإلى يومنا هذا لإنتهاء الرخصة وسحبت مني في مطار القاهرة وكنت يومها أمتلك 4 عربيات فقط وكنت بعد الثورة قد أقفلت شركتي وجمدت النشاط وسرحت كل عمالي وموظفيني وصرت بطولي والسيارة زيرو سوداء وعندي عربية أخرى زيرو أفخم منها سوداء أيضا وكانت الظروف ليست على ما يرام ماديا وكانت البلد بتضيع ففكرت مع نفسي أنا لو العربية إتخبطت مش حعرف أصلحها ماديا وكمان قلت ما دمت عامل ليها غطا جلد أمريكي ضد الماء والحريق رحت مغطيها بمكان أمين وعليه حراسة 24 ساعة وربطتها بحبال ورفعتها مع عربيتين تانيين جنب بعض وبعدها الدنيا شغلتني وخدتني وفضلت أشتري ليها وﻹخواتها كماليات وقطع غيار وإفتكاسات ورسومات وأفكار ثورية وأشتري شنط وأرص الحاجة فيها وبعديها فضلت أشتري عربيات لغاية ما قبل أسبوع قمت بشراء سيارتي رقم 11 ودلوأتي في مجموعتي الشخصية بقه معايه 11 عربية ونص عربية وجاري إن أحيانا الله إكمال النصف عربية دي وشراء عربية أخرى خلال ال 40 يوم القادمة إن أذن الله طبعا ومابين غرقي في اﻷقساط واﻷفكار والتصاميم الجديدة وكثرة سياراتي خصوصا أن 8 منهم موزعة في ورش الجمهورية ليتم تجديدها وتعديلها وتمييزها لتصبح لا مثيل لها فصار لا وقت عندي لها ولا ﻹختيها المرفوعتين ولكن مش ناسيهم وبكدس كمالياتهم وهي مرفوعة ولا زال النايلون عالكراسي وطبعا بما إن عندي عربيتين سوداء وأنا قولا واحدا لا أطيق ولا أستحمل يصبح عندي عربيتين من نفس اللون فتم إختراع خلطة سحرية لوضع ذرات من الذهب داخل اﻷسود لتطعيمه والعربية السوداء اﻷخرى سيتم تحويلها إلى خلطة سحرية خاصة لتكون قطعة من الذهب وطبعا أنا مغير لون جنوطها ﻷسود ولكن لحبي لهذه السيارة تم رفع جنوطها ال 16 ليتم تركيبها في عربيتي رقم 4 وهي أصلها مقاس 13 واﻹسبرانزا حجيبلها جنط نيكل كروم 18 وفلنشات عريضة ﻷن جنطها شيك ووقور بس صغير عليها
وأنا مش فاكر كل التعديلات
ولكن حكتب اللي فاكره
عزل الصوت والحرارة
باركنج سنسور
تعديل فوانيس
شبكة أمامية مضيئة بإسمي باﻹنجليزي
طقمين باكيتات نيكل
قطرة خلفبة جيب نيكل
راكات كبوت
راكات سقف
شنطة سقف علوية ضخمة وعليها راكات
عدد 2 أرايل خلفية كهربائبة
جي بي إس تراكر
جي بي إس خريطة
عتبتين نواكل جيب
تعلية السيارة بالكامل
6 طقم كلكسات معدل مربوطة مع العالي
فيشة شواحن مشترك مزروعة فبريكة بعيدا عن الولاعة
طقم زراير مخفي ﻹيقاف وتشغيل الكناليات
بدالات بتنور ليزر
ديسكو لايت أسفل العربية بديع
حليات نواكل مساحات مزدوجة
حلية بوابة تنك فخمة
تعديل إشارات مرايات
إضافة مسندين ظهر كراسي أمامية مرسبدس
سبويلر ضخم جدا مصنع ومنحوت خصيصا لي يجعل شكل السيارة كجرندايزر وبه إنارة وأشعة ليزر وهو.مصدر فخري وبصراحة مدوخة الناس
جهاز إنذار بيدور عن بعد
حلية لمياه المساحات
كاميرا خلفية.ليلية
شاشة سوني طبلوه
جهاز قياس إتزان
وضع خلطة الزيوت الخاصة بالمكنة
وفيه حاجات كتير مش فاكرها
ودي مرحلة أولى وجاري اﻹعداد للمرحلة القادمة من التعديلات أخلص بس عربيتين تلاته وأخش عليها بس هي الناس لما بتشوفها بيفكروها طيارة حتحلق أو دبابة صغيرة
دعواتكم ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لو سمحت جبت بكتات النيكل جديده ولا استيراد ومنين وبكام ولو فى رقم تليفون للمكان وعنوانه اكون شاكر جدا ولو فى صور للتعديلات ياريت اشكرك