الموضوع: كل شئ عن 620

الف الف شكر علي المعلومات الكبيييره جدا دي والمفيده طبعا
كويس ان في بدائل محترمين غير الوكيل علشان نعرف نلجأ لهم فى حالة فشل الوكيل فى الاصلاح او السعر الارخص
لاني كنت عايز اعمل شوية حاجات صغيره فيها من باب زيادة الكماليات
واديني متابع موضوع تركيب البوجيهات 3 شمعه مهع صديقنا عمرو وربنا يسهل وشاكر جدا لمعلومات المفيده

المشاركة الأصلية كتبت بواسطة AMRSPEED

التركيب سهل جدا انا مركبهم بنفسى بس لازم تشوف او اشرحلك على الموبايل عشان مكانهم غريب شويه
ياريت ياباشا تقولى ساعه الكاسيت تتظبت ازاى عشان مش عندى كتالوج الكاسيت

كويس انك قلتلي لاني فعلا لقيت تركيبهم وفكهم مش سهل خالص, تأكد انه في تليفون بينا قريب وتشرحلي

اما بالنسبة لضبط الساعة, كالاتي:
1- هات علي وضع standbhy mode وذلك بالضغط علي زرار SRC مرتين حيجيبلك وضع الاستعداد ده
2- حرك البكره اليمين لغاية ما يجيلك الجملة دي CLK ADJ
3- تدوس فى النص من نفس البكره لمدة 1 ثانيه
4- تحرك البكره فوق او تحت علشان تظبط الساعات ويمين وشمال لضبط الدقائق
5- بعد الضبط وللحفظ اضغط زرار MENU للخروج

جرب وقولي لو واجهتك اي مشاكل او صعوبات

السلام عليكم ورحمة الله
حخش فى الموضوع علي طول وبكل صراحه وامانه,
كنت امبارح ماشي بالعربيه فى عز الشمس ولقيت الجو حر جدا حوالي 44 درجه علي مقياس العربيه يعني قول مثلا 40 فعلي ,قلت وايه المشكله اشغل التكييف واستمتع شويه بنعم الله
المهم شغلته ولقيت تبريده سئ جدا وكان معايا الاسره حسو انه فى هوا بدون تبريد انا شكيت فى الكومبريسور لك كان شغال
قلت ...اااه تاني يا اسبيرانزا عملتيها معايا فى التكييف برضه

المهم ان شاء الله حروح التوكيل وححاول يشوفولي حل لول كان يلغولي الساخن لزيادة البارد....وصفه مجربها فى 516 وكان بيدي تكييف تلاااااجه .... حشوف كده ينفع ولا لأ لان 620 تصميم الموتور مختلف عن اي اسبيرانزا تانيه
ربنا يسهل , وياريت تشاركوني النصائح
ساوافيكم باخر الاخبار

لا اكيد فى مشكله عندك انا التكيف عندى ما شاء الله تلاجه اكيد بس محتاج فريون

هو تكيف العربيه بيجبلك درجه الحراره بتاعت الجو لو كده فين مكانها

اكيد فيريون يا معلم لان تكيفها تلاجه و الحمد لله و بعدين انتا لما بتضغط على كلمة اوتو هوا بييظبط الدنيا لوحده على درجه الحراره اللى محددهاله و بيشتغل و بيفصل لوحده

المشاركة الأصلية كتبت بواسطة alshahba

الله يبارك فيك يا استاذ فرج الله
والله الحمد لله الي الان اصيله ... وربنا يستر فى المستقبل....بس انا جبت بيها 200 وما سمعتش اصوات تسريب هوا من الابواب او غيره...هوا بس اللي لاحظته موضوع الهوا الخفيف اللي من عند الدواسه,
بس سمعت ان موديل 2010 فيه تحسينات احسن شويه واديني بجربها اهو وبوافيكم بكل ما حصلي,
برضو انا سامع صوت كده بيحصل احيانا فى المطبات الخفيفه من الشمال فقلت اكيد المساعد شمال...حروح ان شاء الله الصيانه واقولك عنلت ايه

بس اسمحلي ...اللي انت غيرته ده علي استخدامك ..يعتبر طبيعي لانك استخدامك شديد شويه

منا عارف يا ريس ان اللى غيرته ده من كتر الاستعمال فقط لاغير و المسعدين دورت على بديل تانى مالقيتش حاجه تركب عليها فجبت الاصلى بتوعها ب 500 الاتنين

المشاركة الأصلية كتبت بواسطة amrspeed

لا اكيد فى مشكله عندك انا التكيف عندى ما شاء الله تلاجه اكيد بس محتاج فريون

انت عارف اني بثق فى كلامك ..... ان شاء الله اكيد حكشف علي التكييف قريب جدا لان فعلا اغلب الناس بيشكرو فى تكيفها جدا