الموضوع: كل شئ عن 620

دى تفاصيل الطريقه المشابهه لما تم عندى

http://www.nilemotors.net/Nile/26845-a.html




سعر المواد ( لاحظ ان الاسعار قديمه جدا من 2010 )

http://www.nilemotors.net/Nile/325734-a.html

http://www.nilemotors.net/Nile/3872256611-post3.html




فيديو يوضح تكوين العلبه و طريقه عملها

https://www.youtube.com/watch?v=v9ju2rZ8YmM

https://www.youtube.com/watch?v=v9ju2rZ8YmM

جماعة عندى مشكلة ظهرت فجأة في العربية ومحتاج لو حد يفهمنى ده ايه
فجأة لقيت الدريكسيون مش مظبوط فيه (بوش) كبير (يعنى علشان اكسر لنفس الشارع بدل نص دايرة بقيت دايرة كاملة ) وده بدون مقدمات
هل دى حاجة خطيرة؟؟؟
والحل ايه؟؟

المشاركة الأصلية كتبت بواسطة وليد وهبة

جماعة عندى مشكلة ظهرت فجأة في العربية ومحتاج لو حد يفهمنى ده ايه
فجأة لقيت الدريكسيون مش مظبوط فيه (بوش) كبير (يعنى علشان اكسر لنفس الشارع بدل نص دايرة بقيت دايرة كاملة ) وده بدون مقدمات
هل دى حاجة خطيرة؟؟؟
والحل ايه؟؟

لو كلامك حقيقى !! .. تبقى طبعا خطيره .. اى شيئ يخل بالتحكم بالدركسيون لازم تكشف عليه فورا

معنى كلامك انك ممكن تكون ماشى عدل و تكسر الدريكسيون ربع لفه شمال او يمين و العربيه تظل ماشيه مستقيم .. و ده شيئ مستبعد بالنسبه لى و مستغرب لشكوتك

عموما .. و العربيه واقفه بدون حركه.. اكسر الدريكسيون شمال و يمين و بص على رباط السكاترا فى صدر العربيه .. و شوفها متثبته كويس فى صدر العربيه و لا بتتحرك شمال و يمين اثناء تحريك الدريكسيون .. لو السكاترا بتتحرك يبقى تروح لعفشجى يكشف عليها او يربطها فى الصدر كويس

و فى جميع الاحوال لازم كشف فورى عند عفشجى ( ده لو شكوتك حقيقيه فعلا !! )

هو انا فعلا روحت لعفشجى وقالى ان الاسكترا منزلة زيت على اليمين ولازم تتغير ميفهاش تصليح او ربط وحروح انهاردة اعملها انشاء الله
بعد اذنك بقي سؤال هى فعلا مالهاش غير تغيير ولا ممكن تتصلح ؟
على فكرة مشكلتى حقيقة اكيد مش بهرج يعنى

المشاركة الأصلية كتبت بواسطة وليد وهبة

هو انا فعلا روحت لعفشجى وقالى ان الاسكترا منزلة زيت على اليمين ولازم تتغير ميفهاش تصليح او ربط وحروح انهاردة اعملها إن شاء الله
بعد اذنك بقي سؤال هى فعلا مالهاش غير تغيير ولا ممكن تتصلح ؟
على فكرة مشكلتى حقيقة اكيد مش بهرج يعنى

تسريب الزيت ملوش دعوه ان كسره الدريكسيون تزيد و تبقى الضعف زى انت ما وصفت

تسريب الزيت يؤثر على خفه و تقل الدريكسيون




و خلى بالك لو الزيت نقص .. يبقى الطلمبه كمان حتبوظ .. يعنى الطلمبه ممكن تبوظ فى وقت سريع جدا جدا لو الزيت نقص .. او لو دخل هوا فى الدوره

فحاول تحل مشكله الاسكاترا بدرى قبل ما تبوظ الطلمبه كمان .. ده يتوقف على التسريب عندك بسيط جدا ام زياده .. و ده حيبان معاك فى مقاس زيت الباور بينقص اد ايه و فى مده اد ايه

يعنى مجرد ربع ساعه و الزيت ناقص ممكن يغير صوت الطلمبه ( حتى لو صلحت الاسكاترا لاحقا .. حيفضل الصوت متغير خلاص ) .. و مع التكرار الطلمبه تبوظ نهائى




قبل اى شيئ حتشوف سعر طقم الاصلاح و سعر الاسكاترا الكامله كام .. و بناء عليه ممكن تقرر ايه الانسب ليك لو فرق السعر كبير

بصفه عامه لاى عربيه .. بيكون فيه طقم اصلاح للسكاترا .. بس ده يتوقف على حاله الاسكاترا نفسها و انهى اولسيلات اللى بتسرب .. و برضه نوع العربيه

و لكن هل طقم الاصلاح موجود ام لا للاسكاترا بتاعتنا .. الله اعلم

هل طقم الاصلاح بيعيش بعد تغيييره عندنا ام لا .. دى خبره العفشجى بالتجربه ( لو كان اشتغل فى 620 قبل كده )

عموما عربيتنا هى ميتسوبيشى ( ما اعرفش الاسكاترا ميتسوبيشى ام لا ) .. لو كانت ميتسوبيشى يبقى اللى اعرفه بالتجربه عن نفسى .. صعب اسكاترا ميتسوبييشى تبوظ و بالتالى اعتقد انها لو باظت ممكن ينفع لها طقم الاصلاح ( مجرد تخمين )

لاحظ موش كل عفشجى بيعمل طقم الاصلاح .. فيه عفشجيه بيكون عنده خبره و شبه متخصص فى كده .. ده هو اللى تأخذ رأيه فى الحل المناسب

اولا قبل اى شئ اشكر ليك سرعة ردك عليا
ثانيا بقي حقول لحضرتك اللى حصل بالتفصيل مع الاخذ في الاعتبار ان خبرتى في تصليح اى شئ بالسيارة ابسط مما يكون واغلب معلوماتى من حضراتكم
اللى تم معايا انى روحت لمركز اسمه الجمال لانه اكتر مكان كنت بجيب من محله قطع غيار للعربية بتاعتى والعفشجى اللى قالى حنحل الاسكترا وتغيرها كان بردو بيقولى حتجيبها من عنده
المهم انه قالى بعد تجربة العربية ان سعر الاسكترا 2350 غير طقم مساعدين قدام قالى حوالى 800 وانه لما يرفع العربية ممكن يطلع حاجة بسيطة وميكونش مضطر للتغيير
بصراحة مقتنعدتش بيه
روحت لعفشجى تانى وبعد ما جرب وبص على العفشة قالى ان تسريب الزيت مش خطير وانه مجرد ترشيح بسيط وفعلا زي ما حضرتك قلت زيت الباور لم يقل والاسكترا اتحركت حاجة بسيطة من اليمين (مكان الترشيح) وهى محتاجة كوتشتين ولما يفك بكرة حيشوف لو في حاجة في المقصات ولو المساعدين بتوع اللانسر ينفعوها ولا لا
ده كل اللى تم بالتفصيل وانشاء الله بكرة اقولك ايه اللى تم لو مزهقتش منى وبكرر ان خبرتى في العربية مش كبيرة فلو كنت بقول حاجة غلط يبقى انا فاهماها غلط واكون مبسوط لو تصلحولى المعلومة لانى فعلا استفدت كتيييييييبير من خبراتكم
وشكرا

المشاركة الأصلية كتبت بواسطة وليد وهبة

اولا قبل اى شئ اشكر ليك سرعة ردك عليا
ثانيا بقي حقول لحضرتك اللى حصل بالتفصيل مع الاخذ في الاعتبار ان خبرتى في تصليح اى شئ بالسيارة ابسط مما يكون واغلب معلوماتى من حضراتكم
اللى تم معايا انى روحت لمركز اسمه الجمال لانه اكتر مكان كنت بجيب من محله قطع غيار للعربية بتاعتى والعفشجى اللى قالى حنحل الاسكترا وتغيرها كان بردو بيقولى حتجيبها من عنده
المهم انه قالى بعد تجربة العربية ان سعر الاسكترا 2350 غير طقم مساعدين قدام قالى حوالى 800 وانه لما يرفع العربية ممكن يطلع حاجة بسيطة وميكونش مضطر للتغيير
بصراحة مقتنعدتش بيه
روحت لعفشجى تانى وبعد ما جرب وبص على العفشة قالى ان تسريب الزيت مش خطير وانه مجرد ترشيح بسيط وفعلا زي ما حضرتك قلت زيت الباور لم يقل والاسكترا اتحركت حاجة بسيطة من اليمين (مكان الترشيح) وهى محتاجة كوتشتين ولما يفك بكرة حيشوف لو في حاجة في المقصات ولو المساعدين بتوع اللانسر ينفعوها ولا لا
ده كل اللى تم بالتفصيل وإن شاء الله بكرة اقولك ايه اللى تم لو مزهقتش منى وبكرر ان خبرتى في العربية مش كبيرة فلو كنت بقول حاجة غلط يبقى انا فاهماها غلط واكون مبسوط لو تصلحولى المعلومة لانى فعلا استفدت كتيييييييبير من خبراتكم
وشكرا

اولا .. الجمال النصابين دول اللى كانوا عايزين يشتغلوك .. لا تثق فيهم تانى

ثانيا .. العفشجى الثانى ده شكله امين .. يعنى ممكن تثق فيه شويه

ثالثا .. اتأكد ان الزيت ده بيسرب من السكاترا فعلا .. موش زيت قديم .. يعنى ممكن تغسل الموتور و تراقب او العفشجى ينظف المنطقه دى و تراقبها بدقه





شوف رشح الزيت ده من ايه .. و حركه الاسكاترا جنب الرشح .. يمكن تكون حاجه بسيطه و الاسكاترا سليمه

بس لابد تمنع البوش ( الحركه فى الاسكاترا ) علشان ده فيه خطوره لو البوش كبير

لو الرشح طلع مؤكد و معرفش يصلحه .. يبقى عينك على الزيت بصوره مستمره .. كل يوم او يومين .. لان الرشح حيزيد مع الوقت و يصبح اشد .. و ممكن تتفاجئ ان الزيت نقص منك خلال يوم مثلا او اقل

يعنى الخلاصه لو فيه رشح كبير ( او حتى قليل ) .. لازم تفكر فى الاصلاح .. بس ممكن تؤجله شويه لو الرشح بسيط جدا




فيه عفشجى معروف جدا جدا ( على ما اتذكر اسمه ممدوح ) .. انا لم اتعامل معه حتى الان .. و لكن لو عندى شغل عفشه حاروح له ان شاء الله

هو فى ميدان جميله ابو حريد فى العوايد ( شمال الميدان لو انت ظهرك لفيكتوريا ) .. جنب بتوع المستعمل .. ده من اشهر العفشجيه الموجودين فى اسكندريه و معروف .. و عنده كمان مساعدين استيراد ( كامل بالسوست ) .. هو بيفهم فى الاسبرانزا 620




و فيه المحاسب لقطع غيار اسبرانزا برضه قريب من ميدان العوايد بضاعته كويسه ..
احسن من الحرامى الغشاش ( الجمال ) .. اشتريت منه حاجات طلعت موش مظبوطه 3 مرات

و نصيحه .. بلاش مصاريف ملهاش لازمه لغايه ما تطمئن ان العربيه تستاهل .. بعد ما تطمئن ابقى اصرف براحتك

و زى ما انت شايف قطع الغيار اصبحت غاليه جدا .. يعنى اعمل اللازم فقط .. لغايه ما تتأكد ان العربيه حتقعد معاك فتره طويله