حضرتك يبدو حصل لبس من الموقع فالكلام موجه للشخص اللي قبل حضرتك وحتشوف ده حضرتك من سياق الكلام بس حضرتك كلامك مفيش داعي نحط شوية شعارات وكلام ملوش دعوة بالواقع فاللي معاه 100 ألف يروح يجيب عربية ب 100 ألف واللي معاه 50 ألف يجيب عربية ب50 ألف واللي معاه مليون يجيب عربية بمليون وهو ده الواقع فمتحاولش تغطيه بشوية شعارات قديمة أكل عليها الدهر وشرب عن المساواة والإنسان بيتقيم بحاجات تانية أحب أقلك الإنسان ممكن يتقيم بالأخلاق فقط أي إنت ممكن تكون أحسن من غيرك بأخلاقك بس غير كده كل مجالات الحياة قابلة للتنافس والتدرجات ولو كان كلامك صح يبئه كل الناس تروح تبيع كل عربياتها وتنزل تشتري عربيات 127 أو 128 أو 124 عشان حضرتك تبئه مبسوط ولو مشيت الناس على تفكيرك اللي بيخلي مصرنا الحبيبة في الدول التعبانة فكل الشركات في الدنيا حتقفل بإعتبار إن العربيات وسيلة وليست غاية فكل الشركات تبطل منافسة وينتجوا عربية شكل واحد وكل الناس تركبها مع حبي وإعتزازي بحضرتك ونرجع للنقاش العلمي بئه حضرتك العربية ال620 مفيهاش أي عيوب غير إن صناعتها صينية وإحنه لا زلنا متأثرين بتجارب الماضي والموروث عن سوء الصناعة الصينية وهي فيها عيوب بسيطة وفعلا في عربيات صيني سيئة موجودة على أرض مصر بس ال 620 وكل عربيات جالينا مش محطوطة ضمن فئة العربيات السيئة جايز العربية 516 عربية فاشلة بس ال 620 لا تقارن بال 516 مع حبي وإعتزازي بحضرتك وأرجو من سعادتك متفتحش تاني موضوع الطبقات ومين أحسن من مين وخلينا هنا في منتدانا حبايب مع تقديري لشخص حضرتك
المفضلات