كل شئ عن 620

**ALshahba** · 01-05-2011 03:05 AM

المشاركة الأصلية كتبت بواسطة saddam

يا راجل يا طيب أنا معليها بعد مقاسات هندسية عند عفشجي صديقي في منطقة ترسة في الهرم والعربية بقت أطرى في المطبات ولا زالت ثابتة وسواقتها جميلة وبحمل 7 أنفار وبسوق بأقصى سرعة

أما للأخ اللي عامل نفسو فاهم في كل حاجة فرجائي ليك لو إنت فاهم متسألش وسيب غيرك يستفيد وأنا مش مجبر أنقل خبرتي للناس ببلاش بس عشان أنا بحب الحاجة الصح للناس أولا أنا عندي 2 إسبرانزا ثانيا عربيتي لسه في الضمان و2010 وعاملة 17 ألف وأنا كان كلامي واضح مقلتلكش روح لمحلات قطع غيار وهات مساعدين تويوتا أو أولدزموبيل أو سلبريتي قلتلك روح لتاجر إختصاص مساعدين لأن المساعدين بتتباع بالمقاسات مش بإسم العربية وربنا يهديك يا راجل يا طيب وخليك إنت في التوكيل والمساعدين بتاعهم أبو 440 للجوز وسلامات ولو سمحت نقفل الكلام في الموضوع ده والسلام ختام

شكرا يا استاز صدام علي المعلومات....بس التوكيل قالي التغيير مجاني بدون اي تكلفه ماديه
وكمان ماتزعلش نفسك اوي كده .... ليه مش عايز تدي المعلومات مجانا؟؟؟ احنا عايزين نفيد بعضنا
انا عامل الموضوع ده للافاده لكل من يمكا هذا الموديل ...ونستفيد من خبرات بعض

اهلا بيك وبخبراتك .... لاتحرمنا من خبراتك :b4_611:

**faragalla** · 03-05-2011 03:27 PM

معلش يا جماعه انا حليت المساعدين الخلفى بتوع ال620 و لفيت بيهم عند معظم بتوع قطع الغيار و المساعدين و كل ما حد يشفهم يقولى انا اول مره اشوف المساعد ده مفيش حاجه تشبهله لغاية لما اضطريت اجيب الصينى بتعها و ركبتهم
فياريت لو ممكن الاخ صدام يقول هوا جبهم من عند مين او نوعهم ايه و ليه كل الشكر

**AMRSPEED** · 04-05-2011 04:31 AM

مهو فعلا ياباشا مفيش ليهم اى بديل
وتعبت نفسك على الفاضى
وبالنسبه للأخ اللى جاب بديل هما مش بديل هما بتوعها بس مش اللى فى التوكيل ولو كلامى غلط يقولنا هما بتوع عربيه نوعها ايه او هما بيركبو على ايه اصلا غير الأسبيرانزا
وانا متاكد ان مش هيعرف

**ALshahba** · 04-05-2011 05:32 AM

اعتقد مساعدينها حتي الان مالهومش بديل
بس بصراحه بتوعها كويسين وناعمين

**ALshahba** · 07-05-2011 12:48 AM

السلام عليمكم ورحمة الله
اهلا بحضراتكم
احب انقل لكم تجربتي للمره الثانيه علي موضوع التكييف وبما اننا فى الصيف فاعتقد ممكن تكون التجربه فعاله وعملبه
طبعا حضراتكم فاكرين تعليقي الاخير بشأن التكييف واني كنت مستاء منه وكنت عايز ادخلها صيانه تكييف

بقالي فتره (من ايام شم النسيم) عمال اختبر التنكييف فى الطرق السريعه والداخليه , بل بتزويد الحراره واتخفيض سرعة المروحه ووجدت الاتي:-
التكييف جيد جدا فى الاونه الاخيره (والحمد لله) وعند تشغيله علي الدرجات العليا والمروحه المنخفضه (علي 1) يعطي كفائه جيده جدا , وكلما زودت درجة المروحه او قللت درجة الحراره اجد الهواء البارد افضل ومنعش , ومما لفت نظري ان صوت المروحه منخفض ولا يسمع الي علي الدرجات العليا (5-6-7)
فالحمد لله التكييف اتظبط والكفائه عادت
واذا وجدت فيه اي عيوب تلقائيه ظهرت, فساذهب مباشرة الي الوكيل لمعرفة سبب العطل المتغير , وطبعا اخباركم بالجديد

اشكركم
ساوافيكم باخر الاخبار

**ayman66** · 07-05-2011 04:05 PM

المشاركة الأصلية كتبت بواسطة alshahba

السلام عليمكم ورحمة الله
اهلا بحضراتكم
احب انقل لكم تجربتي للمره الثانيه علي موضوع التكييف وبما اننا فى الصيف فاعتقد ممكن تكون التجربه فعاله وعملبه
طبعا حضراتكم فاكرين تعليقي الاخير بشأن التكييف واني كنت مستاء منه وكنت عايز ادخلها صيانه تكييف

بقالي فتره (من ايام شم النسيم) عمال اختبر التنكييف فى الطرق السريعه والداخليه , بل بتزويد الحراره واتخفيض سرعة المروحه ووجدت الاتي:-
التكييف جيد جدا فى الاونه الاخيره (والحمد لله) وعند تشغيله علي الدرجات العليا والمروحه المنخفضه (علي 1) يعطي كفائه جيده جدا , وكلما زودت درجة المروحه او قللت درجة الحراره اجد الهواء البارد افضل ومنعش , ومما لفت نظري ان صوت المروحه منخفض ولا يسمع الي علي الدرجات العليا (5-6-7)
فالحمد لله التكييف اتظبط والكفائه عادت
واذا وجدت فيه اي عيوب تلقائيه ظهرت, فساذهب مباشرة الي الوكيل لمعرفة سبب العطل المتغير , وطبعا اخباركم بالجديد

اشكركم
ساوافيكم باخر الاخبار

تقرير ممتاز,ويارب ماتحتاج للتوكيل.
ولكن ارجوا ان تسعى فى معرفة حل للمساعدين ,لأنى كنت قد قرأت تقرير لأخ كان عمل تعديل للمساعدين الخاص بلسيارة التيجو وغير المساعدين بمساعدين اسكودا فلشيا ولكن بعد تقصيرهم ,فكنت اعتقد انه يمكن يكون الوضع متشابه.واهى محاولات.والله الموفق.وتحياتى لحضرتك.

**ALshahba** · 09-05-2011 04:26 AM

المشاركة الأصلية كتبت بواسطة ayman66

تقرير ممتاز,ويارب ماتحتاج للتوكيل.
ولكن ارجوا ان تسعى فى معرفة حل للمساعدين ,لأنى كنت قد قرأت تقرير لأخ كان عمل تعديل للمساعدين الخاص بلسيارة التيجو وغير المساعدين بمساعدين اسكودا فلشيا ولكن بعد تقصيرهم ,فكنت اعتقد انه يمكن يكون الوضع متشابه.واهى محاولات.والله الموفق.وتحياتى لحضرتك.

اشكرك جدا استاذ ayman66, فعلا انا بحاول ابعد عن التوكيل قدر المستطاع
وهو ده اللي مخليني مكسل (اتكاسل) عن تغيير المساعدين فى التوكيل لسماعي انهم لازم يفكو الكنبه كامله وفرش الشنطه.....والله اعلم حيرجعوها زي ماكانت ولا لأ....ممكن فى الاخر بعد المشكله يقولك "احنا اسفين"...ربنا يستر

**AMRSPEED** · 09-05-2011 05:14 AM

ماقلقش من موضوع الفك خالص انا بفك الكنبه والضهر بنفسى وانت ممكن تعمل كده قبل ما تروح تلركب المساعدين
الغرض من كده ان هما هيوسخو الفرش من ايدهم فلو تقدر انت تفكه يبقى احسن ولو عايز اقولك ازاى تفكه ابقى كلمنى اثولك على الطريقه

**ayman66** · 09-05-2011 05:22 AM

المشاركة الأصلية كتبت بواسطة AMRSPEED

ماقلقش من موضوع الفك خالص انا بفك الكنبه والضهر بنفسى وانت ممكن تعمل كده قبل ما تروح تلركب المساعدين
الغرض من كده ان هما هيوسخو الفرش من ايدهم فلو تقدر انت تفكه يبقى احسن ولو عايز اقولك ازاى تفكه ابقى كلمنى اثولك على الطريقه

اولاً:تحياتى لحضرتك استاذ عمر سبيد.
ثانياً:ياريت حضرتك تضع الشرح بلصورة داخل هذا الموضوع وبكده تكون قدمت خدمه لكل مريدى المنتدى الكرام وهنا نطلب من الساده مشرفى المنتدى تثبيت ماسوف تقدمه من خدمه جليلة للأخوه مالكى السيارة a620 ,ولحضرتك وجميع الأخوه مالكين السيارة ألف سلام وتحية.

**ayman66** · 09-05-2011 05:24 AM

المشاركة الأصلية كتبت بواسطة alshahba

اشكرك جدا استاذ ayman66, فعلا انا بحاول ابعد عن التوكيل قدر المستطاع
وهو ده اللي مخليني مكسل (اتكاسل) عن تغيير المساعدين فى التوكيل لسماعي انهم لازم يفكو الكنبه كامله وفرش الشنطه.....والله اعلم حيرجعوها زي ماكانت ولا لأ....ممكن فى الاخر بعد المشكله يقولك "احنا اسفين"...ربنا يستر

لاشكر على واجب استاذى الفاضل.