الموضوع: كل شئ عن 620

انا صديق قديم للمنتدى وعندى مشكلة فى سيارتى a620 وعلى فكرة انا طبيب بيطرى وعندى اعاقة فى ساقى الشمال واسير على عكازين كل دة بقولة علشان اوضح ان انا ما ينفعش العربية تقف بية فى اى مكان ومعى اولادى لانها عملت الموضوع دة اكتر من مرة بسبب الحرارة كنت فى الحرفيين وقالولى ان كل مشاكل السيارة دى الحرارة وعلشان كدة ركبولى حاجة علشان الحرارة دايما تبقى تحت النص عند الربع بالضبط قالولى كدة المروحة حتشتغل عند درجة 60 مش 90 فحتلاقى دايما العربية والمؤشر عند الربع ودا بالفعل لقيتة اساءل حضراتكم اية اللى ركبوة دة ودا صح ولا غلط ثانيا سمعت عن شيل ترموستات الحرارة ما هو فائدتة ودى شغلة كهربائى ولا ميكانيكى واقولة اية ثالثا عايز الغى السخن فى التكييف اعمل اية وما هى فوائدة رابعا كمبيوتر المراوح اللى هوة بتاع الانسر بالضبط سالت علية فى التوفيقية لقيتة من 220 الى 550 عند الدقاق اية هوة افضل نوع وشكرا جزيلا للجميع وعلى احلى جروب

المشاركة الأصلية كتبت بواسطة ganamalala1972

انا صديق قديم للمنتدى وعندى مشكلة فى سيارتى a620 وعلى فكرة انا طبيب بيطرى وعندى اعاقة فى ساقى الشمال واسير على عكازين كل دة بقولة علشان اوضح ان انا ما ينفعش العربية تقف بية فى اى مكان ومعى اولادى لانها عملت الموضوع دة اكتر من مرة بسبب الحرارة كنت فى الحرفيين وقالولى ان كل مشاكل السيارة دى الحرارة وعلشان كدة ركبولى حاجة علشان الحرارة دايما تبقى تحت النص عند الربع بالضبط قالولى كدة المروحة حتشتغل عند درجة 60 مش 90 فحتلاقى دايما العربية والمؤشر عند الربع ودا بالفعل لقيتة اساءل حضراتكم اية اللى ركبوة دة ودا صح ولا غلط ثانيا سمعت عن شيل ترموستات الحرارة ما هو فائدتة ودى شغلة كهربائى ولا ميكانيكى واقولة اية ثالثا عايز الغى السخن فى التكييف اعمل اية وما هى فوائدة رابعا كمبيوتر المراوح اللى هوة بتاع الانسر بالضبط سالت علية فى التوفيقية لقيتة من 220 الى 550 عند الدقاق اية هوة افضل نوع وشكرا جزيلا للجميع وعلى احلى جروب

طالما حددوا لك درجه حراره 60 مثلا .. يبقى اغلب الظن هو ثرموستات بيبتدى على درجه حراره واطيه

ثرموستات الكوع هو لحفظ درجه حراره الموتور عند درجه الحراره التصميميه ( بيفتح و يقفل لتنظيم كميه الماء الداخله لتبريد المحرك ) .. للحصول على افضل اداء للموتور ( تقريبا فى حدود 90 يعنى عند النصف ) .. شيله يزيد استهلاك البنزين و يقلل عمر الموتور لحدوث التأكل لان الموتور دائما سيكون بارد ( طبعا بنسبه ليست كبيره )

فى ال 620 .. لو زادت مشاكل الحراره فيه كتير من الاعضاء بتشيل ثرموستات الكوع و بيرضى بالضرر الاقل .. خوفا من الضرر الاكبر للحراره و العربيه تجيب وش سلندر

لو عربيتك مفيش فيها مشكله حراره و كله تمام .. سيب ثرموستات الكوع و حط الثرموستات الاصلى 90

اما غير كده يبقى انت فهمت القصه ماشيه ازاى

المشاركة الأصلية كتبت بواسطة ganamalala1972

ثالثا عايز الغى السخن فى التكييف اعمل اية وما هى فوائدة

اذا كنت عايز تلغى السخن بسبب دخول الهواء السخن دائما للسياره اثناء المشى

اقرأهذا الرد و جربه اولا

المشاركة الأصلية كتبت بواسطة tasaka

تحيه طيبه للعضوين الكريمين .. و شكر و تحيه خاصه جدا جدا للاستاذ احمد alshahba

- عانيت من نفس المشكله منذ اشتريت السياره .. و الحمد لله تمكنت من حلها تماما بعد عده تجارب .. و صديق لى يملك 620 من سنه 2007 و هو يعانى من هذه المشكله من الزيرو

- الحل الذى وجدته كالاتى

• اضغط زر auto مره و تأكد ان لمبه الكمبرسور مضاءه
• اذا كانت لمبه الكمبرسور غير مضاءه .. اضغط زر auto مره ثانيه .. سنضيئ لمبه الكمبرسور
• اضبط درجه الحراره على 22 ( هذه هى درجه الحراره المثلى الموصى بها فى الكتالوج ) و عموما انا باضبطها 24 دائما و تبريدها تلاجه
• بعد دقيقه .. او حتى فورا ( لا احب تشغيل التكييف و تبطيله فورا حتى لا يؤذى الكمبرسور )
• قم بفعل احد الامور الاتيه حسبما تقضل ( اختر احد الحلين )
  
  • اضغط زر ac لاطفاء لمبه الكمبرسور .. اطفئ المروحه للصفر .. او خفض سرعه المروحه الى 1 او 2 ان كنت تريد قليلا من الهواء ( الامر متروك لاختيارك الشخصى )
  • او بدلا من اطفاء زر ac .. قم مباشره بخفض سرعه المروحه للصفر
  • الفارق بين الحلين هو انه فى الخل الاول استطيع استعمال المروحه 1 او 2 بدون ان يعمل الكمبرسور ( يعنى الجو درجه جرارته كويسه و اختاج بعض الهواء العادى فقط ) .................. اما فى الحل الثانى عند فتح المروحه سرعه 1 او 2 سيلقط الكمبرسور
  • انا شخصيا افضل الحل الاول ..... و ايضا لاننى من النوع الحذر لا احب اطفاء كمبرسور التكييف عن طريق اطفاء المروحه , بل افضل اطفاؤه من الزر الخاص به ...... و الامر متروك لاختيارك الشخصى
  
  
• لن يدخل اى هواء ساخن من الهوايات اثناء المشى .. سواء شغلت المروحه او تركتها مقفله
• و احيانا تحتاج تكرار الخطوات كل عده ايام ؟؟؟؟ ربما لاننى قد اكون بالصدفه غيرت الضبط
• مهم جدا جدا ,,, يجب ان تترك شاشه العرض مضاءه بعد هذا الضبط طول الوقت ( بمعنى لا تقم نهائيا بضغط زر off لاطفاء التكييف الاليكترونى )
• فى حاله أطفاء زر التكييف الاليكترونى off .... سيبدأ الهواء السخن فى الدخول مره اخرى من الهوايات

هناك معلومات مفيده جدا فى الكتالوج خاصه بالتكييف الاليكترونى

• اغلاق زر دخول الهواء الخارجى لن يمنع دخول الهواء السخن
• الذى يمنع دخول الهواء السخن و يغلق البوابات هو تشغيل mode التبريد و الكمبرسور يكون لاقط .. هنا يقوم التكييف الاليكترونى باغلاق الفتحات
• فى حال سرعه فى حدود 10 ك\س يقوم التكييف الاليكترونى بغلق دخول الهواء الخارجى تلقائيا لحين زباده السرعه
• فى حال ركن السياره و اغلاقها .. يقوم التكييف الاليكترونى باغلاق بوابه الهواء الخارجى تلقائيا ايضا .. لحين استعمال السياره مره اخرى
• فى حال ركن السياره و اغلاقها .. يقوم التكييف الاليكترونى بتشغيل المروحه داخل الصالون تلقائيا اذا زادت درجه حراره السياره عن حد معين .. و ايضا نفس الشيئ يتم لمراوح الموتور
• انصح بقراءه الجزء الخاص بمكيف الهواء من الكتالوج

فى امان الله .. تحياتى

كنترول المراوح اللى بيتركب امام المراوح من جوة عبارة عن جسم اصم وهوة زى بناع الانسر البومة بالظبط الاصلى اتحرق فجبت بتاع الانسر ب 340 جنية ما كملش شهر واتحرق فجبت واحد من التوفيقية من المول بتاع بنك فيصل ب 250 اشتغل بس المشكلة مش مكتوب علية اى حاجة نهائى خايف يتحرق هوة كمان وناس نصحونى اجيبة استيراد لان اللى مركبة مش حيستحمل وسالت فى التوكيل ابو رواش لقيتة ب 1100 مش عارف اعمل اية افيدونى ومليون شكر على الرد على فى الموضوع السابق