مساء الجمال على أجمل ناس وأحلى منتدى
الحمد لله الذى لا يحمد على مكروه سواه
بقالى فتره حاسس إن سحب العربيه ضعيف وكنت عملت موضوع خاص بكده
إمبارح حصل حاجه غريبه جدا وعايز رأيكم وبالأخص أخونا سمسم إللى بيلحقنا فى الأزمات
كنت ماشى إمبارح من غير ماحرق وفجأه عند الغيار من التانى للتالت ال آر بى إم رفع من 2 إلى 2,5 وبعدين ينقل
وبرضوا لقيت العربيه سخنت والمؤشر رفع فوق النص
ركنت لما هديت وبعدين دورت ومشيت ومسخنتش تانى خالص
بس موضوع ال آر بى إم لسه موجود
إتصلت بالميكانيكى قالى هاتهالى نبص على الفتيس غالبا الزيت إتحرق أو الفتيس مفوت (ورق الفتيس) بس السخونه قالى ممكن تكون المروحه علقت أو الثرموستات فيه مشكله يعنى ملهاش علاقه بالفتيس
طبعا زيت الفتيس لسه مغيره من حوالى شهرين ب شيل
أنا لسه مروحتش للميكانيكى بس قلت أسألكم تفيدونى لو فى مشكله فى الفتيس فعلا يتغير أفضل حتى لو مشكله صغيره ولا يتفك ويتصلح ؟
شكرا مقدما وآآآآآسف على الإطاله