الموضوع: هكذا تحدث خبراء الغـش التجـارى فى مصـر

طيب نقطة للتوضيح بس مش اكتر.. المعلومات دي منقولة بالحرف من مدونتي http://olaosman.egyblogs.com/ بس السيرفر واقع دلوقتي و معرفش ادخل عليها عشان احط رابط التدوينة اللي بيرجع أصلها لأكتر من سنة و انا ناقلاها برضه بتصرف من منتدى انا مشتركة فيه بقالي فترة طويلة و اللي حصل اني ايام حكاية اللبن المضاف إليه بودرة سيراميك و مش عارفة ايه عملت موضوع في المنتدى ده باقول لهم فيه طيب نشرب لبن شكله ايه بأه على كده، لقيت عضو من أعضاء المنتدى قام داخل و بيقول لي هي جت على اللبن بس؟ خدي عندك.. و قام راصص الليستة اللي انتوا شفتوها دي.. العضو ده لا خبير غش تجاري و لا حاجة، هو بس بيشتغل data analyst و بيقع تحت ايده معلومات هامة جدا.. ده بس اللي ادى للموضوع عندي شوية مصداقية و خلاني انقله للمدونة.. و بعد كده لقيت محتوى التدوينة بيتنقل بالميلات و المنتديات و كل حتة.

و للتوثيق ده رابط الموضوع اللي في المنتدى اللي باقول لكوا عليه http://www.haridy.com/ib/showthread....D1%C7%E3%ED%DF

و ده رابط منفصل لمشاركة العضو اللي أخفى اسمه عشان المسائلة
http://www.haridy.com/ib/showpost.ph...7&postcount=30

بس كده، هي دي الحكاية :)

اظن عنوان الموضوع واضح جدا و هو ( هكذا تحدث خبراء الغش التجارى فى مصر ) اى ان الكلام واضح انه منقول و هذا شىء لا يحتاج الى ذكاء ممن دخلوا هنا و قالوا ان الكلام منقول لان بالفعل العنوان اللى وضعته يعنى انه كلام منقول و ليس لى لانى لست خبير فى الغش التجارى و لا بتاع تموين و هذه الرسالة تم تداولها على الاميلات و قد تحققت من صدقها بعد ان عرضتها على مفتش تموين فى الوزارة و هو زبون عندى بحكم عملى و لم اقل انه صديقى كما يدعى البعض هنا ممن يجيدون اللت و العجن و تحوير الكلام او اتباع مبداء الشك الخاص بديكارت ( انا اشك اذا انا دبوس ) و بعد ان تأكدت من صحة هذا الكلام وضعته لكم حتى احذر الجميع كى يكونوا حرصين اكثر فى التعامل مع اكل الشارع مع العلم ان هذه المقالة مضاف اليها تجارب شخصية واقعية مثل نصب سوبر ماركت مترو و توكيل غبور و الزيتون المصبوغ و مشتركات الكهرباء المصرى .
و اذا كان هناك تجار فى بلدنا ذبحوا حمير نافقة و بعوها للناس فلماذا تستبعدون تلك الاشياء فى ظل استشراء الفساد و الغش و النصب العلنى على العموم انا عرضت ما عندى لعل احد منكم يستفاد و يأخذ حذره و اللى مش مصدق هو حر و اللى بياكل على ضرسه بينفع نفسه .