الموضوع: د.محمد البرادعي في واحد من الناس

المشاركة الأصلية كتبت بواسطة otefa

من تعاملي مع أنصار البرادعي أنا ملاحظ أنهم يتمتعون بأسلوب وفكر متشابه لحد كبير
بمعنى مجرد معرفتي بشخصيته أعرف على طول أنه ممكن يرشح البرادعي
وبصفة عامة شخصيات تتمتع بالتالي
-أعمار صغيرة (17-30)في المعظم
-يثورون بسهولة(عصبيون)
-عندهم أنبهار بكل ماهو غربي
-أنحياز عالي لأرائهم
مع كامل أحترامي
والله أعلم

اعمار صغيره مش عيب دي ميزه

طبعا لازم ننبهر بالغرب (( في حدود الدين والاخلاق))

ادافع عن راي المقتنع بيه طالما محدش عايز يقنعني بغيره بطريقه موضوعيه مش عاطفيه


+ انا شايف ان كل معارضينه ماشيين بمبدا اللي نعرفه احسن من اللي منعرفوش

و يا عم ده كان عايش بره جاي ينفز اجنده

و انتو شوية عيال مش عارفين حاجه ((حزب ال 6 شهور))

المعارضين هنا مش معناها المعارض ليه كسياسه مثلا او شايف انه صاحب كاريزما قليله و دهمش مناسب بالنسبه له

المعارض هنا بمعنى اللي مصدقش كل كلام النظام القديم و مسك في دي و صدقها ....


اخيرا : انا ان شاء الله هنتخب البرادعي ان لم يظهر مرشح افضل ((صعب قوي))

و متاكد من اكتساح عمرو موسى ......للاسف لنفس الاسباب اللي قلتها قبل كده

تحياتي

المشاركة الأصلية كتبت بواسطة otefa

أنا ماقولتش كده(عيال صغيرة) ولا أقدر أقول كده
ممكن تقولي أيه أسباب أختيارك للبرادعي في نقاط واضحة يمكن تقدر تقنعني بيه
تحياتي

لا عيال صغيره دي مش حضرتك مع احترامي ليك بس فيه كتير بيقول للاسف و ميعرفش ان العيل الصغير ده اهم عنصر في المجتمع و دماغه و ثقافته عدت ناس كتير قوي كبار ((مش غرور و الله بس التكنولوجيا والنت خير دليل))...
مع احترامي طبعا لاستاذتنا الكبار سنا وعلما

و الله حضرتك ممكن تتفرج على الحلقه بتاعته في on tv و هو ده اللي انا عايزه من الرئيس القادم

وبكره كل مرشح يقدم برنامجه و نعرف

و يمك ليه لا يطلع واحد مش في الحسبان يكتسح كل اللي على الساحه ...تحياتي ليك

ووالله ما اقصد اسفه من تفكير الناس الكبار

المشاركة الأصلية كتبت بواسطة human12

انا من انصار البرادعى و مافيش اى حاجه حضرتك كتبتها ليها علاقه بيا

بنفس المنطلق ممكن نقول انا ملاحظ ان اللى بيهاجموا البرادعى
- متمسكين بقشور لامور لا هتزود ولا تنقص
- اعمارهم كبيره و عدت مرحله القدره الفعليه على طلب التغيير و اصبحوا فى موقف تنفيذ لا تقديم لافكار جديده و نقد للتغيير حبا فى الاستقرار حتى لو زائف
- من يخالفونهم فهم صغار طبعا و يتم استخدام عامل السن و التلويح بأن الاخر متمسك برأيه و عصبى
- اغلب ما يستخدمون هو غربى فى حياتهم ثم ينقدون من يؤيد اى فكره غربيه
- لم يتحركوا لتغيير امر واقع بلينا به فى السنوات الاخيره عندما كانوا فى سن يسمح لهم بذلك
- كثر منهم نصحوا من حولهم بعدم الثورة و الاشتراك بها (خلينا فى حالنا)
- كثر منهم يرى ان الثورة وبال على المجتمع
- كثير منهم ينقد الحزب الوطنى و يقول فيه ماقال مالك فى الخمر ثم يجتمع معه على ان كلامهم اللى روجوه عن البرادعى سليم
- لا يقتنعوا بشئ ابدا ولا يمكن مناقشتهم لتصل لأى نتيجه غير اللى مقتنعين به حتى لو الحقيقه مؤكده هتسمع كلام من نوعيه و انا اصدق ليه متناسيين ان مش من المفروض نثبت العكس طالما لم تستطع اصلا ان تثبت ما تقول (البينه عى من ادعى)
- يهاجمون دون ادله واضحه و بمنطق ده سلم على شارون يبقى بيؤيد الصهيونيه
- فئه كبيره مستعده للتضحيه بالحريه فى سبيل الاستقرار

على فكره انا قلت نفس الكلام ده لوالدى و مكانش مبسوط

بجد كويس انك رديت الرد ده ..... احسن بكتير من اللى كنت حرد بيه

الموضوع تخطى انتقاد الأفكار و الرؤى ....... لأنتقاد الأشخاص أنفسهم

المشاركة الأصلية كتبت بواسطة human12

انا من انصار البرادعى و مافيش اى حاجه حضرتك كتبتها ليها علاقه بيا

بنفس المنطلق ممكن نقول انا ملاحظ ان اللى بيهاجموا البرادعى
- متمسكين بقشور لامور لا هتزود ولا تنقص
- اعمارهم كبيره و عدت مرحله القدره الفعليه على طلب التغيير و اصبحوا فى موقف تنفيذ لا تقديم لافكار جديده و نقد للتغيير حبا فى الاستقرار حتى لو زائف
- من يخالفونهم فهم صغار طبعا و يتم استخدام عامل السن و التلويح بأن الاخر متمسك برأيه و عصبى
- اغلب ما يستخدمون هو غربى فى حياتهم ثم ينقدون من يؤيد اى فكره غربيه


على فكره انا قلت نفس الكلام ده لوالدى و مكانش مبسوط

تمام يا هيومان ..على فكرة انا اخدت بالى من حاجة و هى ان الدكتور البرادعى كبير السن صحيح ..لكن هو الوحيد تقريبا اللى فهم الشباب و قدر يتعامل و يتعاون معاهم من وقت ما وصلة مصر ..

و دة اهم سبب لهجوم النظام علية ..لانهم يعرفون جيدا قدرة الشباب على التغير ..و هو نفس السبب الى تم عشان محاربة د عمر خالد و طردة من مصر ..لأنة كان يملك نفس القدرة على قيادة الشباب و تحويلهم الى طاقة منتجة .

عشان كدة د البرادعى راهن على الشباب لعمل التغير من لحظة وصولة مصر مع التقدير طبعا للكبار اللى عندهم خبرة ..لكن الطاقة الفاعلة على الارض كانت طاقة الشباب فى حملة مطالب التغير اللى قام بها عشان كدة تمت محاربة و لكن لم يكن من الممكن طردة او تهديدة زى عمر خالد لانة يحمل قلادة النيل و جائزة نوبل ...

و حملة مطالب التغير نجحت نجاح كبير رغم كل عمليات الاعتقال و التهديد و التعويق اللى قام بيها النظام البائد للشباب المشاركين فيها ..

عشان كدة انا اتوقع مع قيادة د البرادعى ..حيكون فى دور مميز للشباب فى مصر ان شاء الله .