حضرتك متخيل الرد دا ممكن يكون سبب كبير جدا في انه يفقد البردعي مؤيدين محتملين
انا واحد من الناس كنت من اكتر مؤيدي الببردعي في فتره ما قبل الثوره وكنت بقول هو دا ائيس مصر القادم بالزوق بالعافيه
وبدات الثوره وصمت الجميع ولم يصمت البردعي
وبدا يفقد المؤيدين
الناس تموت وتدمر في التحرير والبردعي يبث رسائله من حديقه المنزل (انا والله اتذكر اني كنت لسه راجع من الميدين ماشي من التحرير للمعادي بسبب حظر التجوال وميت من الجوع والتعب والبرد ولقيت الناس بايته في الشارع لجان شعبيه قلت اطلع اغير هدومي واكل وانزل فتحت ابص علي الاخبار لقيت البردعي بيتحدث وبكل هدوء من جنينه الفيلا حاطط رجل علي رجل يوميها انتهي بالنسبه ليه)
مش عارف ليه في اعتقاد اننا بنوصل صوره خاطئه عن راي الناس في البردعي
اه شعبيته متدنيه للغايه وتدنت اكتر بعد الثوره
يعني هاقول لحضرتك علي امر بسيط جدا انا شغال في مكتب استشاري (مهندس معماري)
نسبه المؤيدين للبردعي في المكتب اتنين ايوه اتنين بس من مكتب قوامه 52 مهندس واداري هتقولي عرفت منين هقولك اننا عملنا زي استطلاع راي داخلي وكانت هيه دي النتيجه
عمرو موسي
هشام البسطاويسي (ودا انا شخصيا هنتخبه)
محمد البردعي
انا متاكد ان في ناس هنا هتكون موجوده في الحمله الانتخابيه بتاعت البردعي كمتطوعيين
نصيحه اتمني تعملو بيها
اخرجووووووووووووووووووووو ووو للناس انزلو من برج النت
حقيقه النت دي مكان خداع ومش اكتر من انه طلع نتيجه الاستفتاء 51 % والنتيجه طلعت 77%
ودا ان دل فابيدل علي انه يفتقد الي الكثير من المصداقيه في الاستطلاعات
انا نفسي اعرف برنامجه ايه
نفسي يكلم الناس ويقول انا كنت مسافر علشان كذا وكذا
نفسي يقول هو كان عايز يقول ايه للحكومه لما طلع يقول انا مستعد اراس حكومه انتقاليه لنقل السلطه لان ناس كتير يويمها اعتبرته بيسطو علي الثوره
وبصراحه لو عايز تعرف اد ايه شعبيه البردعي افتكر معايا لما نزل الميدين وكان بيتكلم وكان الموجودين حواليه لا يتعدو الالف او اتنين (انا كنت موجود ساعتها) ودا داخل الناس اللي كانت في الميدين ما بالك ببقيه الشعب
اخي الكريم لو انت من الناس المسؤوله عن الحمله بتاعت البردعي نصيحه انزلو للناس
المفضلات