الموضوع: د.محمد البرادعي في واحد من الناس

يا مثبت العقل والدين يا رب

واضح ان الناس بقى عندها نزعه ديكتاتوريه لفرض رأيها

سمعت عن واحد انه وحش يبقى وحش وخلاص مش مهم تسأل فين الحقيقه
ولما تبقى الحقيقه ظاهره قدام عينيها تنكرها وبرده تعارض

لما شيخ يغلط ويقول كلام غلط ويطلع يهاجم ناس ويخوض فى اعراضهم يطلعوا يقولوا الله يا شيخنا

الناس تغلطه وتقول مينفعش شيخ فاضل يقول الكلام ده يقولوا لحوم العلماء مسمومه ودى حمله من العلمانيين والكفره

لما نفس الشيخ يطلع يقول انا اسف انا كنت مغرر بيا ومضلل من الاعلام الفاسد ورميت ناس بالباطل ومتأكدتش قبل ما اضلل ناس تانيه

الناس تقول عفا الله عما سلف وتصرف كريم من شيخ كريم

بس انت قلت قبل كده انه راجل تيييت وابن تيت
سيبها علينا احنا ياشيخ واحنا هندور له على غلطه
لو ملقيناش برده هنتلكك له
لو اتكلم هنعايب عليه
لو متكلمش هنقول عليه ملوش برنامج ولا شخصيه


يا ريت يبقى فيه مصداقيه شويه علشان منعملش زى النظام السابق والاعلام الفاسد لما قعد يهاجم فى الاخوان والتيارات الاسلاميه لحد ما شوه صورتها قدام الخارج
وخوف ناس كتير منها فى الداخل

حضرتك شوف مين عايز ترشحه و هقولك عليه نفس الكلام
وممكن اطلعهولك عميل لطالبان كمان او ممكن الفراعنه زرعوه من 7000 سنه عشان لما يمشى مبارك يمسك هو

فيه حدود لنظريه المؤامرة
سنه 2004 مبارك رجل امريكا القوى
يجب ان نقرا الوضع جيدا قبل القفز الى مثل هذه النتائج
البرادعى اصلا لم يكن مرشح رسمى من مصر!!!

و عشان بس كمان نفهم الصحافه الامريكيه
لو اتمرر خبر بدون اصل بتبقى فضيحه بعد كده
عالم قاصى جدا الكل بيكدب و اللى بيثبت انه بيكدب بيروح
و ده فى عالم متطاحن كله بيحاول يتصيد الاخطاء
زى اى خبر اتفبرك فى امريكا الدنيا اتقلبت عليه
خد بالك ان امريكا مش دوله كل العالم بيحبها كمان

و ماعتقدش تحت اى زريعه فى اى دوله ممكن تطلع خبر فى الواشنطن بوست اللى بيقراها العالم كله ان هيه بتتجسس على الامم المتحده عشان خطه لمرشح رئاسى لمصر (خد بالك مصر ليست مهمه اصلا بهذه الدرجه فى الوقت ده ) كمان 7 سنين!!!

اللى امريكا لم تكن تعرف حتى كيفيه التصرف بعد 7 سنين فى ايام الثورة - و قع المفاجأه كان قاسى جدا

كمان السيناريو المعروف هو جمال او عمر سليمان

معلش بس الشطحات الفكريه ديه صعبه شويتين تلاته

بجد لو واخد عليك اكتر او اصحاب من بره المنتدى كنت قلتلك كلام تانى :) بس هذار يعنى

this is way so much.... how far could we go this way???

المهم - البرادعى مكانش فى صف امريكا فى اى وقت من الاوقات و امريكا كانت تعارض وجوده و ده امر التاريخ اثبته و ماعتقدش المصريين فاهمين العالم اكتر من العالم نفسه عشان نقول الكلام ده غلط

الى عاجبه نظريه المؤامرة ديه يتفضل يتبناها بس انا كل ما هقراها هضحك بصراحه عشان هيه فى رأيى تطرف بعيد

المشاركة الأصلية كتبت بواسطة wawoo

يا otefa دة ...د البرادعى قال كلمتين على من يتعرض لغزة ..
الصحافة اعلنت علية الحرب فى اسرائيل وبدائو حملة الصواريخ ارض جو على د البرادعى

.....و فاضل بس يصطادولة كلمة و يتهمو بعدها بمعادة السامية و يطلبوة فى محكمة العدل الدولية

متهيألي ما أسهل الأفلام في السياسة ودي أساس وجودهم الأعلام
وتطويعه على أهوائهم .........أزاي!
شوف الموضوع بحيادية الراجل نزل في التصويت ضربوه بالطوب متهيألي الصورة ألي وصلت للأعلام العالمي أنه مكروه ولو كان ليه شعبية عالية قبل الثورة فا شعبيته في النازل بعد الثورة
طيب نعمل أيه نهاجم الراجل شوية في صحافتنا(اليهود) يمكن الناس تلتف حوله بصورة أكبر عندا في المحتل الأسرائيلي
ممكن السيناريو ولا مش ممكن؟

المشاركة الأصلية كتبت بواسطة wawoo

لا حول ولا قوة الا بالله ..يعنى انت بتقسم بالله ان غالبية العام مبتقبلوش ...
على اى اساس اقسمت بالله ..على انها حقيقية ..حضرتك عملت استطلاع راى فى مصر كلها و تاكدت من المعلومة لدرجة انك تقسم بالله .. طيب ما تقولنا على نتيجة الاستطلاع اللى عملتة كدة و سالت كام واحد من ال90 مليون بنى ادم ..عشان تخرج بالقسم دة ..

انا راى تستغفر الله على هذا القسم لانة غير صحيح جملة وموضوعا

اية رايك كل دة مش مصريين برضو بيحبو البرادعى ولا مش داخلين فى الغالبية اللى مبتقبلوش

أما دعوتك لى لأستغفر الله فأستغفر الله العظيم و أتوب اليه وأما عن الفيديو يا أخى الفاضل ده فيديو انتخابات عمرك شوفت مرشح بيكونوا مجهزينلوا زيارة انتخابية فيقابلوه بالطوب الزيارات اللى زى دى بتبقى معدة سلفا. أما عن استطلاع الرأى فشوف أنا فى المكان اللى بشتغل فيه والمكان اللى اسكن فيه والمكان اللى فيه والدى والبلد اللى فيها زوجتى والبلد اللى فيها نسايبى والبلد الى فيها عدايلى والناس اللى شغالين معايا ودول بالمئات ومن بلاد متعددة مفيش واحد بيقبل الراجل ده. اللى انا بتكلم عليهم عينة عشوائية من مستويات عدة و من مدن وقرى عدة بالألاف. أقسم بالله مرة تانية ان مفيش حد قابلته وسألته عن رأيه فى البرادعى الا وكان فى منتهى السوء. والكلام ده معروف للجميع لكن لو انتوا عايزين تدفنوا راسكم فى التراب علشان متشوفوش اللى حواليكم انتم أحرار. انت عارف انت عامل زى مين دلوقتى زى بتوع الحزب الوطنى فى الثورة لما قالوا المليون اللى فى التحرير دول لا يمثلوا ال 85 مليون اللى هما الشعب المصرى وكانوا بيقولوا هوا انتوا رحتوا عملتوا استفتاء ولا هما وكلوكم عنهم اهو انت دلوقت بتتكلم زيهم.

المشاركة الأصلية كتبت بواسطة medo_2060

انا هديله صوتى وعارف بنسبه كبيره مش هيكسب...بس مش طالع نازل بقى اشتم واطلع اشاعات على منافسيه
الموضوع مش حمله ولا غيره..كل واحد حر يا استاذ محمود فى الى هيديله صوته..انا هنتخب فلان وانت علان والى الاغلبيه هتوافق عليه هيكسب...
الفكره ادوا لكل واحد حقه مش شخص مش هينتخب البرادعى يقعد بقى يفترى عليه ومايوه وامريكا والعراق وعلمانى وعم شكشك والكلام الفارغ دا... كلام تافه وباين اوى الناس الى بتلف وتدور عشان تصطاد حاجه ليه..
انت مش بتحبه حقك انتخب غيره..لكن انت مش بتحبه وهتنتخب غيره ونازل طالع شتيمه وافترائات عليه لأ يبقى انت اسمحلى راجل مش تمام..الكلام غير موجه لحضرتك الكلام موجه لاصحاب الفكر دا

كل كلامك صح فيما عدا:
- بنت البرادعى بتلبس مايوه وبتتصور بيه ؟- أه - وده تحرر أنت تقبله أنا لا أقبله والمشكلة مش فيها، هيا حسابها عند ربنا، احنا بنتكلم على تربية البرادعى لبنته اللى بتدل على قناعاته واتجاهاته.
- البرادعى علمانى؟ - أه - والبرادعى وأى حد غيره يؤكد فصل الدين عن الدولة أو لا يطبق شرع الله حتى لا يقال أنه يبنى دولة دينية فهو علمانى والكلام ده ينطبق على البرادعى والباقيين برده بس مش بنفس الدرجة أو دعنا نقول أن البرادعى يجاهر بعلمانيته فى حين أن الأخرين يخفونها.

- نرجع تانى للمشكلة اللى عندكم يا أخى الفاضل لما تهاجموا حد هاجموا أفعاله وأرائه فبلاش تجاوز وحكاية ان اللى يختلف معاكم تقولوا انه راجل مش تمام لأن ده هايخلى اللى أدامكوا يهاجمكوا ويشتمكوا برده ونقعد فى الأخر نحول الأداء الديموقراطى الى جلسة تبادل الشتائم والسباب.

- أما كونك واثق انه مش هينجح فهقولك حاجة كان فيه مقولة فى وقت زمان بين مجموعة من علية القوم وكانوا بيسألوا بعضهم مين يا ترى فينا هيخلف الرئيس قام واحد قال فلان فقالوا ليه قال لأنه أسوأ واحد فينا

المشاركة الأصلية كتبت بواسطة wawoo

حتات مين ..لا لا ...مش عوزين حتاتة و لا بتاتة ....

عندك أخبار عن سمعة الفريق حتاتة؟
أزاي أمريكا لن تسمح بالبرادعي .....يعني أيه خطتها لكده؟

ياريت لو بمزاجنا
انتهت المسألة والشعب الطيب فاكر ان هو اللي يقرر مين يحكموا
رئيس مصر لابد ان ينال توافق دولي اسرائيلي
امريكا تضغط بكل قوة علشان تفرض علينا رئيس مصري ينال هذا التوافق الدولي الاسرائيلي واظن فاكرين ايام المظاهرات لما الادارة الامريكية دخلت في انعقاد دائم و جلسة مفتوحة لمتابعة احوال مصر
البرادعي هو حائط الصد للمخطط الامريكي
واعتقد ان امريكا الان مرتاحة نفسيا لان البرادعي لا ينال الاجماع الشعبي عليه وبما ان مسلسل هدم البرادعي بالشائعات يؤتي بثماره فالافضل هو الاستمرار فيه
هل تتخيل يا اخي ان ناس دارسة ومتعلمة ومثقفة ومهندسين ودكاترة واساتذة جامعات الى الان يقولون البرادعي عميل وكان سبب ضرب العراق وحصار غزة و..... تفشي الاوبئة في هونولولو
فما بالك بالعامة
عليه العوض ومنه العوض

المشاركة الأصلية كتبت بواسطة SkyBird

ياريت لو بمزاجنا
انتهت المسألة والشعب الطيب فاكر ان هو اللي يقرر مين يحكموا
رئيس مصر لابد ان ينال توافق دولي اسرائيلي
امريكا تضغط بكل قوة علشان تفرض علينا رئيس مصري ينال هذا التوافق الدولي الاسرائيلي واظن فاكرين ايام المظاهرات لما الادارة الامريكية دخلت في انعقاد دائم و جلسة مفتوحة لمتابعة احوال مصر
البرادعي هو حائط الصد للمخطط الامريكي
واعتقد ان امريكا الان مرتاحة نفسيا لان البرادعي لا ينال الاجماع الشعبي عليه وبما ان مسلسل هدم البرادعي بالشائعات يؤتي بثماره فالافضل هو الاستمرار فيه
هل تتخيل يا اخي ان ناس دارسة ومتعلمة ومثقفة ومهندسين ودكاترة واساتذة جامعات الى الان يقولون البرادعي عميل وكان سبب ضرب العراق وحصار غزة و..... تفشي الاوبئة في هونولولو
فما بالك بالعامة
عليه العوض ومنه العوض

الجديد و اللى يجب دراسته فى جميع المناهج
ان امريكا سربت اخبار ان هيه بتتجسس على الوكاله و مكتب رئيس الوكاله ( و مش مهم اى كلام عن التزامها الدولى او شكلها قصاد دول العالم المتحضر) عشان بتحضر انه يحكم مصر كمان 7 سنين و تبقى ديه نقطه فى صالحه عشان الناس تقول شوف البرادعى كان ضد امريكا اهو بأماره الخبر المفبرك من 7 سنين!!!!

ديه لازم تتكتب على مسله او على هرم

:)

انا عمال اعاكسك يا otefa