رابطة ملاك الكيا برايد - كلاكيت تانى مرة!

**msunix** · 04-09-2011 12:14 AM

المشاركة الأصلية كتبت بواسطة a.elsawaf

بصراحة فى موضوع ورشة محمد وشنودة .. انا معاك فى الرأى ... انا معتقدش انى هروحلهم تانى بصراحة ... بالنسبة لحد يشتغل ليك فى العفشة ... معرفش بصراحة علشان ما افتيش :)

وموضوع السمكرة والدهان .. ايه رأيك تجرب ورشة نايل موتورز ... هم دهان بس ... بس انت ممكن تودي العربية وتسألهم على سمكرى او تسيبها وهم يودوها لسمكرى قريب منهم وثقة ..
انا عن نفسى ناوى اعمل كده لما اجى اظبط العربية من برة إن شاء الله :)

فين ورشة نايل موتورز دى .... بالمناسبة انا سمعت ان فيه مكان اسمه مركز تجديد السيارات وموجود فى مكان خلف تويوتا خلف مسجد الشرطة كده وانت رايح على العباسية بس مش عارف فين بالضبط ياترى حد راح شافه او سمع عنه؟ بيظبطوا كل حاجة فى العربية ميكانيكا وكهرباء وسمكرة وكل شئ بس انا سمعت معرفش صح ولا غلط

**A.Elsawaf** · 04-09-2011 12:32 AM

المشاركة الأصلية كتبت بواسطة msunix

فين ورشة نايل موتورز دى .... بالمناسبة انا سمعت ان فيه مكان اسمه مركز تجديد السيارات وموجود فى مكان خلف تويوتا خلف مسجد الشرطة كده وانت رايح على العباسية بس مش عارف فين بالضبط ياترى حد راح شافه او سمع عنه؟ بيظبطوا كل حاجة فى العربية ميكانيكا وكهرباء وسمكرة وكل شئ بس انا سمعت معرفش صح ولا غلط

هى فى الحرفيين وده الموضوع بتاعها هنا فى المنتدى

http://www.nilemotors.net/Nile/193804-a.html

ومركز تجديد السيارات ده معرفش عنه أى حاجة بصراحة :)

**أحمد الجندى** · 04-09-2011 12:44 PM

المشاركة الأصلية كتبت بواسطة a.elsawaf

وموضوع السمكرة والدهان .. ايه رأيك تجرب ورشة نايل موتورز ... هم دهان بس ... بس انت ممكن تودي العربية وتسألهم على سمكرى او تسيبها وهم يودوها لسمكرى قريب منهم وثقة ..
انا عن نفسى ناوى اعمل كده لما اجى اظبط العربية من برة إن شاء الله :)

أنا كنت حطيت الصور وسألت استاذ كريم منير بس بصراحة ما قليش قيمة هو قالى سهلة وتعالى نظبطهالك يوم سمكرة ويوم رش ..... وبعدين لما تابعت الموضوع كله حسيت من كلام الناس انهم غالى سنة .... فحشوف السمكرى اللى صلحلى الخبطة الاولى حايخلصلى القصة بكام ولو طلع الفرق بسيط بينه وبين ورشة نايل اروح لنايل طبعا

**may_moon911** · 05-09-2011 08:45 PM

مساء العسل علي احلي رابطه ............ واحد صاحبي كلمني و قالي ان كارفور عامل ميه خضرا عليها عرض هيا نوعها رقم واحد اللي هيا منتجات كارفور و سالتو ظبطت العربيه معاك قالي زي الفل و مش بتشخن زي المياه العاديه ف انا بدوري رحت جبت جركنين الجركن 5 لتر ............. و هاجربها ان شاء الله من بكره لما افضي الميه الموجوده ف الردياتير و احط ديه ............... حاجة كمان العربيه واخدالها كام بوسه في جنابها انا هارفع ليكم الصور و تقولولي تتعمل ولا لا عشانها ف حته غريبه ............... و بس كدا و كل سنه و انتم طيبين

**bmwx5n** · 05-09-2011 09:16 PM

محدش يعرف حد عوز يبيع عربية سيدان او هاتش باك مكيفة

**أحمد الجندى** · 05-09-2011 09:32 PM

المشاركة الأصلية كتبت بواسطة may_moon911

مساء العسل علي احلي رابطه ............ واحد صاحبي كلمني و قالي ان كارفور عامل ميه خضرا عليها عرض هيا نوعها رقم واحد اللي هيا منتجات كارفور و سالتو ظبطت العربيه معاك قالي زي الفل و مش بتشخن زي المياه العاديه ف انا بدوري رحت جبت جركنين الجركن 5 لتر ............. و هاجربها ان شاء الله من بكره لما افضي الميه الموجوده ف الردياتير و احط ديه ............... حاجة كمان العربيه واخدالها كام بوسه في جنابها انا هارفع ليكم الصور و تقولولي تتعمل ولا لا عشانها ف حته غريبه ............... و بس كدا و كل سنه و انتم طيبين

سلامة عربيتك يا أيمن الظاهر كده ان الرابطة يا اما مستهدفة يا اما واخدة عين حلوة

ماقلتلناش عبوة الميا الخضرا دى بكام ؟ وخد بالك ما تملاش الريداتير كله بالميا الخضرا هو يادوب لتر أو لتر ونص بالكتير ميا خضرا والباقى ميا عادية علشان لو زودت حاتبقى حامية على الردياتير

**أحمد الجندى** · 05-09-2011 09:34 PM

المشاركة الأصلية كتبت بواسطة bmwx5n

محدش يعرف حد عوز يبيع عربية سيدان او هاتش باك مكيفة

حضرتك تابع قسم البيع والشراء أو مواقع بيع السيارات وإن شاء الله تلاقى اللى عايزه بحالة كويسة وتنضم لينا

**johnghaly** · 06-09-2011 03:45 PM

اولا كل سنه وانتم طيبين انا عارف انهم متاااااخره اوووووووى بس معلش كنت مسافر ولسه جاى
كل اعضاء قسم الكيا برايد العصفوره حبيبتنا على العموم وخصوصا المناور اللى كلنا تعبينو وعامل مجهود جبار
انا هغير زيت شيل الاصفر وكنت مغير اموبيل المره اللى فاتت بفلتر ينفع اغير لشيل المره ده من غير مغير الفلتر ولا افك الفلتر واحطه تانى اه رايكم؟؟

**msunix** · 06-09-2011 08:17 PM

الحقوننننننننننى .... وديت العربية لميكانيكى الشغل عندنا وكان فيها عيب فى الكهرباء، كان الاشارة الشمال بتشتغل لوحدها (بتعلق) وزجاج الباب الكهرباء اللى ناحيتى مش شغال تمام التمام بيعلق يعنى وظبط التكييف ولمبة فى الصالون اخد منى علشان التكييف 80جنيه عمل له اعادة شحن وتزييت (مش عارف تزييت ايه) وخد 20 جنيه ثمن لمبة الصالون (لمبة صغيرة مدورة زى الكحكة كده) ومصنعية 60جنيه وبعدين غير بلية الدينامو بـ25جنيه ومصنعية 30 جنيه ، ومش عارف غير ايه كمان باين كتاوت ولا ايه ب 25 جنيه
يعنى الحساب كله 240 جنيه مش عارف ليه
المهم خدها وباتت يوم رجعت لقيت فيها العجب (بعد ما اتصلحت !!!!! ):
اولا باظت العدادات السرعة والار بى ام والبنزين. يعنى مثلا عداد السرعة بقى بيترعش ومش محدد السرعة صح
ثانيا: بدالات البنزين والفرامل بقت خفيفة قوى كانت ماسكة نفسها وبعدين بقت زى ما يكون سايبة.
ثالثا: الكبوت مبقاش يقفل ويلبس تماما فى البودى.
رابعا: كل جزء خاص بالكهرباء زى مثلا مفاتيح فتح الزجاج بالبابين خلعها من مكانها ولم يركبها تانى.

ايه الحل يا ترى؟ حد عنده فكرة اصلح الحاجات دى فين بالضبط؟؟؟ وبالذات العدادادت لأنى بعتمد على قراءة عداد السرعة علشان اعرف انا ماشى بسرعة ولا بطئ لانى جديد فى السواقة لسه وبخاف من السرعة شوية.

وكمان فيه الطنبورة اللى لازقة فى الموتور على طول دى فيها رفة ممكن اصلحها فين بالضبط؟
وكمان العفشة بقت بتزيق.

من الآخر كده طلع عين امها بعد ما كانت عايزة صيانة بسيطة ومش هتزيد مثلا على 1000 او 2000 جنيه بعد لما ارشها وافرشها واروقها.

ارجو الرد سريعا لان مضايق جدا من ساعة لما رجعت من الشغل.

**أحمد الجندى** · 06-09-2011 08:32 PM

المشاركة الأصلية كتبت بواسطة johnghaly

اولا كل سنه وانتم طيبين انا عارف انهم متاااااخره اوووووووى بس معلش كنت مسافر ولسه جاى
كل اعضاء قسم الكيا برايد العصفوره حبيبتنا على العموم وخصوصا المناور اللى كلنا تعبينو وعامل مجهود جبار
انا هغير زيت شيل الاصفر وكنت مغير اموبيل المره اللى فاتت بفلتر ينفع اغير لشيل المره ده من غير مغير الفلتر ولا افك الفلتر واحطه تانى اه رايكم؟؟

ماشى يا عم الموتسيكل واخدك مننا خالص

أنا لما غيرت من موبيل لشيل غيرت الفلتر هو اصلا كله على بعضه ب 30 جنيه

الموضوع: رابطة ملاك الكيا برايد - كلاكيت تانى مرة!

LinkBack

أدوات الموضوع

عرض

-

-

-

-

-

-

المواضيع المتشابهه

كلاكيت تانى مره

ملاك الكيا برايد السيدان الاتوماتيك

اشمعى احنا يعنى (رابطة ملاك الكيا بيكانتو) خوخه

كلاكيت تانى مرة

يا جماعه هل الكيا برايد هترجع تانى ؟

الكلمات الدلالية لهذا الموضوع

المفضلات

المفضلات

ضوابط المشاركة