الموضوع: رابطة ملاك الكيا برايد - كلاكيت تانى مرة!

المشاركة الأصلية كتبت بواسطة a.elsawaf

رجعت بعد انقطاع دائم عن الانترنت فى البيت بسبب مشكلة فى الانترنت فى فودافون فى المنطقة اللى انا فيها :) ... الله يخربيتك يا فودافون :(

انا بردوا و انا بفتح الرابطه لقيتها نورت مره واحده اتاري سيادتك نورتها " حلوه التثبيته دي هههههه "
الف الف حمدلله علي السلامه ....

المشاركة الأصلية كتبت بواسطة a.elsawaf

لا لا هى الرابطة مستهدفة :)
انا كل شوية ابقى راكن العربية يا اما الاقيها اتحكت مع انى مش راكن فى مكان ضيق ... او الاقى الأطفال ذو الميول الفنية بيخططولى على العربية بمسامير :(

لا الاطفال عندنا الحمد لله مش بالمسامير دول بالطوب علي طول و الازاز اتكسر و رحت عملتو عند جريش اقلكو علي التفاصبل يمكن حد يعوز يعرف ... بعدين عادي الاطفال بيبقي عندهم كبت و عايزين يدشدشو اي حاجة

من كام يوم و بالظبط يوم اربعاء بالليل اتخبطت ف دماغي و قولت اخد العربيه ونا خارج عشان بالليل مش بيبقي في مواصلات و هوبا و انا قاعد ف الكافيه اسمع صوت زجاج بيتكسر اتاري ولا الحلال باسو العربيه و جريو طبعا و ما حدش عرف يشوف خلقتهم تاني .... المهم .... رحت لجريش الخميس كان قافل عشان العيد و كدا قمت رايح السبت "بالمناسبه دا زجاج السواق " بكام يا عم جريش قالي ب 55 جنيه و لطعوني ساعتين و نص عشان يركب بعد ما الواحد قعد يزعق و الحمد لله انها جت علي قد كدا و السلام عليكم

المشاركة الأصلية كتبت بواسطة a.elsawaf

رجعت بعد انقطاع دائم عن الانترنت فى البيت بسبب مشكلة فى الانترنت فى فودافون فى المنطقة اللى انا فيها :) ... الله يخربيتك يا فودافون :(

أنا برضو قلت الصواف ما يغيبش عنا غير للشديد قوى

المشاركة الأصلية كتبت بواسطة a.elsawaf

لا لا هى الرابطة مستهدفة :)
انا كل شوية ابقى راكن العربية يا اما الاقيها اتحكت مع انى مش راكن فى مكان ضيق ... او الاقى الأطفال ذو الميول الفنية بيخططولى على العربية بمسامير :(

أنا خلاص تأقلمت مع الوضع الزفت ده

المشاركة الأصلية كتبت بواسطة a.elsawaf

الحمد لله انها جت على قد كده :(
تصدق انا دايما كل اما اجى اشترى حاجة جديدة غير اللى عندى بتعاقب :) ... قبل كده قلت اغير الكمبيوتر حصلت مشكلة فى الكهربا عندى والباور سابلاي بالبوردة طارو :) ..

ولما جيت اغير موبايلى قبل كده زمان باظ :)

تصدق بقى ان المعتاد بتاعى انى كل ما افكر اغير حاجة الاقيها بقت احسن وتحلو فى عينى وابقى وانا ببيعها أو ابدلها زعلان عليها ... بس المرة دى عصفورتى كسرت القاعدة

انا كنت عايز اديها رشه بس لقيتها هاتتكلف 500 و 800 و ارقام كبيره و الصراحه مش هاصرف عليها 500 جنيه دهان ... ال500 دول اشقلبهم بيها احسن.... و بعد اذنك تقولي الماده العازله اسمها ايه و بكام و منين و انا اعلماها بايدي حتي مش لازم اوديها لحد

مش عارف يا ايمن كان اسمها ايه انا لقيته خلط مادة بالبوية وجاب حتة قطنة وحطها على الجزء اللى مقشر ... أنت لو روحت قسم الورشة حتلاقى خطوات الرش وتجديد العربية حتلاقى اللى يدلك

اصلها ف حته غريبه شويه ف مش متاكد بيعملوها ولا هايفكو الحته كلها يعدلوها و يركبوها تاني

يا باشا زى ما قلتلك قبل كده ما تقلقش ..... انت لو شوفت العدة بتاعة السمكرية حتلاقيها متشكلة بطريقة توصلها لأى جزء

ما انا سالت عليها قبل كدا بالظبط ب 25 الواحده ف جسر السويس بس مش هاتفرق دي مرايه مش لازم اجيب الاصلي ... هوا سوالي ينفع احط مرايه اكبر عشان دي صغيره شويه و الرؤيه فيها مش مريحاني

عادى ينفع تغير المراية بشكل تانى أنا شوفت واحد راكب برايد سيدان ومركب مراية اكبر فى الحجم وبتقفل لجوة كمان وشكلها دخل دماغى وكنت عايز اعمل زيها

ماهو للاسف الدراع باظ بردوا من الخبطه ... الله يسامح اللي كان السبب الناس بتمشي من غير ما تبص ولا ما بتشوفش مش عارف

برضو!!

ما انا اطلع المسمار دا ازاي اصلا عشان اخط واحد مكانه ... لازم افك الفانوس ؟؟

الفانوس بيبقى ممسوك بمسمارين واحد فوق والتانى فى الجنب من عند الشبكة انت فك أى واحد منهم وريه للناس اللى عندهم مسامير وخليه يجيبلك مقاس اكبر وابقى بالمرة جرب وانت فى مكانك مقاسه مظبوط ولا لأ .... لو معندكش حد بيبيع الحاجات دى اطلع على شارع الجمهورية أو الرويعى

بحميه مع كل تلات تغييرات زيت يعني كل 15 الف و هوا بيتوسخ بسرعه مش عارف من ايه .. دا عندي بس ولا عادي عند الجميع ... و بمناسبه الزيت انا بحط توتال 5000 كوارتز هل اغير ل شل احسن هوا فرق السعر مش كبير يعني و مش هوفر عشان ابوظ الموتور ف لو شل احسن اجيبو !!!

كتير قوى يا ايمن مع جو مصر المترب طول الوقت ..... أنت اول ما تلاقى التراب بقى اكوام اديها دش علطول من برا وموتور وعفشة على الاقل ممكن تديها نفخة هوا مرة كل شهر

بالنسبة للزيت أنا كنت موبيل وبعدين غيرت لشيل ومرتاح معاه بس اليومين دول عمال اتابع الانواع الجديدة زى كاسترول وفالفولين وليكويد ... الحاجات دى سامع فيها كلام كويس وعمال اتابع تجارب الاعضاء معاهم