الموضوع: دليل لمشاكل الهوندا ... وأحسن الصنايعية ليها .

طيب بما ان سمسم فتح موضوع جاسم فى موضوع آخر وانا كنت مستنى بس شوية تجربة لشغل لجاسم ... لان الواحد خايف لا يقول كويس ويطلع وحش أو العكس لانها امانة والواحد يسأل عنها .
المهم من خلال نظرتى العامة ليه فهو شخص محترم وملتزم بالمواعيد وممكن لو كنت متفق معاه على ميعاد وحصله حاجة بيعتذر ليك فى التليفون (حصلى الموقف ده لانه كنت محدد معاه ميعاد يوم جمعة ولاقيته متصل بيا للاعتذار لان كان عنده حالة وفاة ) .
ولما بترحله ممكن تاخده وتجرب العربية الاول علشان تحاول توصل للمشكلة ويلاحظ هو ايه اللى فيها .
وهو مش من النوع اللى بيحب يفتح مواضيع ورغى ولت وعجن كتير ... وبيبقى عاوز يشتغل ويخلص المشكلة بدون تضييع وقت .
ويفضل ان الواحد يروحله بميعاد علشان هو ورشته عبارة محل زى بتوع تغيير الزيت وفيها مجرى تحت وبتاخد عدد 3 عربيات فقط ... وهو مبيشتغلشى بره ورشته دى وكل شغله بداخلها .
وانا مستنى شوية بس ملاحظة حاجات عملتها عنده آخرها كان امبارح (موضوع الفرامل ) ... وبعدين ابقى اطلعلكم بتقرير عن الشغل ده .

ممكن سمسم ومعتوق اثناء الفترة دى يخشوا ويقولوا عملوا ايه عنده بما انهم جربوه هما كمان .