بسم الله الرحمن الرحيم
انا طبعا مش عارف ابدا منين انا الحمد لله فى الشغل التصليحات فا انا اتنفخت بما فيه الكفاية لدرجة ان انا بفكر بازن الله فى اقرب فرصة هفتح محل قطع غيار و ان شاء الله فى موضوع كده لو حصل هيبقا فيه ورشة متخصصة فى الهوندا كمان بس انا من المنصورة يا جماعة عموما عشان مطولش عليكى انا هقولكو تجاربى بالنسبة ل 3 عربيات هوندا واحدة بتعتى و الاتنين التنين بتوع صحابى و كنت معاهم خطوة بخطوة
اولا عربيتى اول لما اشترتها كانت تقريبا مشنة و مكنتش اعرف يعنى ايه هوندا هى عربية كانت عجبانى من زمان من اول ما طلعت رخصة و نفسى اجبها و اكن معايا دايو اول لما بعتها جبت الهوندا و كانت حلتها مزرية جدا لان صحبها كان عملها وسيلة موصلات و خلاص و معندوش وقت يصلح يها حاجة الا لو الحاجة جيبة اخرها و هتوقف العربية الى حصل اول لما ختها منو كالاتى
اولا العربية كانت فرملها غريبة كانت حلوة اوى بالنسبة للدايو الى اكنت معايا طبعا العربية كانت si منوال فا مش هحكلكو على الرغم من الى هقولو بعد كده طبعا خت العربية شحمتها و كنت بنزلها منها ولا زبالة تملة خرابة ولله و طين و اكياس لزقة و حجات غريبة المهم خلصت التشحيم جيب تانى يوم ودتها لمكنيكى صحبى عشان يروق عليها زيت و فلتر و الذى منو المهم خلصنا و طلعنا نجرى بيها كان زى الحلوف عليها بيجرى بغباء زى ما يكون اول مرة يركب عربية بتجرى و يومها كان عندى فرح روحتو و قعدت اسخن بالعربية بس القى العربية مشاء الله بطلع دخان اسود جامد اوى من وراه لما روحتلو تانى قالى ده العربية جابت شمبر يا عم جابت شمبر ازاى هو انا عملت بيها حاجة و انا فعلا مكنتش عملت بيها اى حاجة خالص و انا متاكد ان الحلوف الى عملو فيها هو الى خلاها حصلها كده المهم قعد حسبلى تكلفة التصليح وصلة جامد عليا المهم موثقتش فى كلامو مع انو كان يعتبر صحبى اوى كمان سبتو و روحت لواحد صحبى شغال فى توكيل كيا و دايو ده صحبى اوى اخويا يعنى وز اكتر املهم اتفقت معاها و روحتلو يوم جمعة فى بلد جنبى كده و فك العربية و قولنا هنعملها عندو لو فيها حاجة هنخدها معانا نعملها و نرجعها تانى على انها حاجة بسيطة بتفك لقينا العربية جيبة سبيكة و كرنك طبعا ناا معرفش ان العمرة فى الهوندا بتفشل و هو ميعرفش فى الهوندا برضو هو كمان شغلو توكيل فا مش بيعمرو عندهم على ما اعتقد المهم هو قالى دى كرنك و سبيكة و الكرنك لازم يتخرط و يجيلو سبيكة تنية نضيفة قولتلو و بعدين يعنى قالى مش هينفع هنا خدناها تانى بس جر المرادى جرتها لحد المنصورة تانى و تحت البيت و ركنتها بس كنا مكلمين مكنيكى معرفة اوى برضو انا مكنتش حطو فى دماغى عشان قولت يعنى ممكن يبقا فيها احراج بعد ما عملت فيها شغل بره فى الاول عندى الحمار الى بوظها فى الاول خالص المهم صحبى التانى الى اسمو اسلام بتاع توكيل كيا قالى يا عم انا هقولو متقلقش المهم كلمو و الراجل كان حبيبى حتى لو روحتلو عاتبنى ازاى انى مكلمتوش انا على طول المهم عمرلى العربية و انا وديت الحاجة المخرطة عندنا فى الحسنية عند ناس صحبنا لان انا علتى اصلا شغال فى قطع الغيار و مخبطين فى الشوق و كل الناس حبيبهم المهم خلصت المكنة فى المخرطة بعد ما كنت جبتلها حجتها من القاهرة من التوفيقية من واحد اسمو مكار و كانت كل حاجة اصلى معادا السبيكة كانت مصانع حربية يعنى نضيفة جدا برضو بس كانت 010 يعنى اول خرطة للكرنك المهم و قفلت العربية و كلو تمام و العربية اكنت كويسشة و بتجرى وزى الفل المهم كنت بقضى مشوايرى كتير و بروح و اجى و العفشة كانت عاوزة تتظبط و روحت لعفشجى قالى اوفرلك هتلاها عفشة استيراد كاملة من بورسعيد و ابقا اطلع معاك و نخلص فيه و روحنا مرة و لقيت عافشة رياضى بس الفلوش معايا مقضتش و قولت ابقا ارجع تانى اخدها على ما رجعت اخدها كان محل تانى بتاع ابن خلتى و شركيو كانو خدو اغلب الشغل الى عند الراجل جملة عشان يبيعو فى المحل عندهم و لانى مش بشترى من عند ابن خلتى حاجة لان شريكو حرامى و غالى جدا فا طبعا جبت عفشة عادية و خلاص مع العلم ان عفشتى طلعت جديدة و حجات كتير منها خدها ناس صحابى ركبت فى عربيتهم زى الطنبير الى وراه كانت سككين و ركبت عند واحد صحبى ان بيعدل من طنابير عادية الى هى القباقيب لطنابير كمان سكاكين المهم كده عفشة و مكنة زى الفل و ركبت جنت 17 بس فردة كاوتش كانت واحشة فا شلتها و ركبت الاستبن على ما اجيب فردة تنية و االعربية علوتها مكنتش مظبوطة عشان الجنت كان 3 فد قولت لام اجيب الرابعة ابقا اروح اظبط العلوات و شغلانة طويلة و بعدين العفشة كان فيها الجلب الى وار مش حلوة و كانو عاوزين يتغيرو و هو العفشجى صحبى اوى مرضاش يكلفنى عشان شافنى اتلكفت كتير ومرضاش يقولى هات جلب كمان عشان هو عارف انو كلفنى كتير على الفاضى المهم مشيت حالى و كنت عادى مش فارق معايا اوى قولت هبقا اغيرهم بعدين دخلت فى موال جديد اسمو خزنة الدبرياش و قبلها كانت الفرامل و جبت واحدة استراد مع العفشة و طلعت بيظة و روحت عملت مشكلة عشان اغيرها و متغيرتش و دفعت عليها فرق و غيرتها و كانت شغلان ة وركبتها و الفرامل رجعت كويسة المهم لما دخلت فى موضوع خزنة الدبرياش و ملقتهاش ركبت خزنة بتاعت عربية شيفورليه ربع نقل و ركبت بس كان الدبرياش عالى جدا مش زى الاول فيه سنة بوش عشان ميقرصش على الاسطوانة المهم خلص بيا مشوار الخزنة بعد ما اتعدلت و كانت باظت و ركبتهلها بستم عشان تشتغل انى فى الاخر الفتيش باظة و الفرض الى جوا اتخرم و باظ و المش عارف كرسى ببتاعو كان اتكسر و القاعدة كمان الى واصلة بالكرسى و مش عارف ايه تانى و هما بيفكوه كسرو ودن من بتاعت بلية الدبرياش الى كنت مغيرها و انا بعمر و جيبها زيرو ولله و كانت تحفة كسرو ودنها و قالى متقلقش هركبهالك و هتشتغل حلو المهم خلصة ده كلو و كنت لسه باقى على العربية لقيت مصيبة جديدة و هى كنترول العربية الى كان باظ منى قبل كده و غيرتو لما روحت لمجدى الدسوقى فى بورسعيد ادانى كنترول بتاع مكنة فيتك و ده بيشتغل عندى بس فى حجات كتير بتبقا مفصلة و هى الى بتخلى العزم يبقا فى العربية مظبوط المهم كنت قلقان من المكنة كمان لان حسيت ان فيها حاجة غريبة كده غير ان طرمبة البور كمان كانت بدات تبوظ و انا برضو متمسك بالعربية و اكن فى واحد صحبى برضو عربيتو مطلعة عيبن و كان عمرها مع انى نصحتو مسمعش كلامى و رجعت باظت منو على طول لانو كان بيسافر كتير و رجلو واحشة و العربية كانت اوتومتك المهم و راح صقط متور من عند ابن خلتى بس شريكو هو الى واقف فى المحل و ابن خلتى مش فى مصر بس ده شريكو للى فى المنصورة عرفينو و فى ناس فى القاهرة عرفاه اسمو الشعراوى بس ظالم كان معاه عربية type r وكان ماشى يترسم بيها اوى المهم خد من عندو متور sir بينو كان من هون كونج و برضو قرفو فى التركيب و كانت شغلانة و اتعملو قاعدة عمولة و حاجة تقرف و فى الاخر العربية مرمية معرفش فين و مش بيركبها و كان راح بعد ما ركب المكنة و قرف من اليكانيكة محدش عارف يظبطهالو راح لميكانيكى ملوش حل فى المحلة اسمو احمد سامى بس ولله ما اعرف فين بظبط فى المحلة ولا معايا رقمو بس انا هحاول اجتهد و اجيب رقمو المهم راحلو و الرجال ظبطلو المكنة زى الفل بس قالو المكنة اصلا واحشة معتقدش هتعمر معاك كتير المهم انا عرفت من صحبى عن احمد سامى و كنت فى خلال اختيارين انى يا ابيع العربية بخسارة جدا يا اصبر و اسقطلها ماتو ر و خلاص مع العلم ان العربية اكنت مغيرة سقف كمان و كان فيها شغل سمكرة فى الرفارف جامد و كانت عاوز وش بهية المهم انا قولت اخر مشوار هعملو اروح لاحمد سامى لو قلى العربية كويسة هسبها و اظبطها قلى واحشة هبعها و ده الى حصلو فعلا الراجل طلع فعلا دكتور ولله العظيم اولا حاجة عملها حكتلو على الى حصلى بس مقولتلوش على انى معمر المكنة المهم قالى اولا الكنترول ده مينفعش ده بتاع فيتك عشان كده العربية بقت مخنوقة مع انها كانت بطير ولله بس برضو كنت بحس انها مش زى اى هوندا تنية فى الجرى المهم قالى انت لو ظبطها هتتظبط و هخليهالك ترفع حصان كمان و كشف عليها من عند الكنترول بحتة سلك ولله و قالى العيب من حساس كذا حساس وراه كده فيه فيشة اها حاسس المنفو و قالى هنغير الكنترول و هظبطهالك و هتبقا كويسة جدا قالى هو انت عمرتها قولتلو اها قالى خرطت الكرنك قولتلو اها قالى لا انسى العربية عاوزة مكنة يا تجيب بلوك و فى العام هتخوشلك فى حوالى 4000 او 5000 و هو الى قالى ان ال si احسن من الفيتك فى الجرى و كل حاجة لان كل الناس عندها انطباع ان الفيتك احسن من الsi عشان قطع الغيار و المشاكل القليلة المهم قالى احسنلك بعها و هاتلك واحدة نضيفة المهم انا بعتها فعلا الخلاصة دى تجربتى مع الهوندا و من تجربتى استخلصت عدات حجات و هى
ا_ الهوندا مبتتعمرش
2_الهوندا سستم غير كل العربيات
3_احمد سامى من حسن ميكانيكية الهوندا
4_معنتش شارى عربية متهانة تانى
5_ان الsi احسن من الفيتك فى الجرى بس الفيتك احسن من الاس اى فى قطع الغيار مع ان كنترول الفيتك الى كنت جيبو كان غالى جدا
6_بالنسبة للعفشة اوصى بتغيير كل حاجة جديدة لان بصراحة انا ركبت عربية متغير فيها كل حاجة جديدة كانت ولا الهو على الطريق كانت ناعمة جدا
و فى النهاية انا عارف انى اطول مشاركة فى الموضوع بس حبيت افدكو و انا هحاول اجبلكو رقم احمد سامى لو عاوزين تجربوه و المحلة مش بعيد عن القاهرة اوى و لو ظبطو معاه ممكن يبقا ينزلكو كل جامعة مثلا و يشوف العربيات كلها و يشتغل فيها عندوكو فى اى ورشة بتاعت حد من معارفو لان كل ميكانيكية الهوندا حبيبو و هو على فكرة كان شغال فى توكيل هوندا بس الى فى السعودية المهم انا هجبلكو رقمو و ان شاء الله هتتبسطو منو جدا و يارب مكونش ديقتكو بكلامى الكتير و ربنا يعمل الى فيه الخير
المفضلات