تحذير من اصلاح الكاوتش في بنزينة مصر للبترول أول عباس العقاد

**Hatem Sallam** · 06-05-2008 02:14 PM

نفس الكلام فى بنزينة التعاون الى فى صلاح سالم بعد البانوراما

مضبوط ...أنا برضه فى البنزينة دى الواد طلعلى 4 اخرام و اللزقة ب 10 جنيه مع انى بعد كده لقيتها ب 5 فقط

حسبى الله و نعم الوكيل

**theaboos** · 12-05-2008 02:42 PM

انا تقريبا كان هيتعمل معايا الحركة دة
كنت مركب جنوط و كاوتش جديد
و روحت بنزينة توتال املى بنزين و احط هوا في الكاوتش
راح الراجل قالي العجلة دة مخرومة
و ممكن نصلحها كدا وهيا و اقفة في مكنها من غير مانفك ؟؟؟؟؟؟؟
طب و ازاي غير معقول
كان ممكن يخرمة و يقولي اهو كان مخروم و الله اعلم ممكن يدفعني كام
بصراحة الضمير انعدم في البلد

**HeMa1981** · 14-05-2008 12:38 PM

انا بتحصل معايا بصفة مستمرة ومسمعتش كلامه ابداً
بتوع بنزينة مش فاكر هى شل ولا التعاون اللى هى اودام وطنية وانت جاى من طريق الفيوم وحدائق الاهرام
كل ما احط نبنزين من عندهم " مبحطش الا لما تكون مزنئة لأنى مش بحب المحطة دى ابداً "

لازم بتاع البنزين كل مرة يئولى الكاوتش عاز يتبص عليه وعمرى ماسمعت ولا هسمع كبلمه

اما العكس بئا

محطة موبيل اللى قبل الميريلاند الواد بتاع الزوايا اللى هناك
بعد ما بيظبط الزوايا يئولك ظبط العجل بس مش فى المحطة هنا عشان بتاع الكاوتش اللى هنا وحش والله اعلم بالناس !

**peranha** · 17-05-2008 04:20 AM

اضم صوتي لكم واذكرلكم محطه شبيهه ومش عارف اسمها ولكن لو طلعت الدائري من ميدان لبنان رايح علي اسكندريه .. قبل منزلطريق اسكندريه الزراعي ب 400 متر ..ونفس الاسلوب والطريقه وغرمت 70 جنيه وقالي انت مشيت علي زجاج عربيه مكسور

**medo1970** · 17-05-2008 10:49 PM

اللى مضيعنا قلت الضمير وربنا يرحمنا من الفساد

لمشاهدة برامج التليفزيون حمل هذا البرنامج الجميل

http://uploaded.to/?id=dwzz2r

**samehafez** · 18-05-2008 10:07 AM

فيه برضه بنزينه بعد ما تنزل من الدائري علي طول نزلة المريوطيه هتلاقيها علي ايديك اليمين ... زباله ... ملبسني سبع خروم و غيرت الكاوتش بعدها

**mhkash** · 22-05-2008 10:59 AM

اشكركم على التحذير - انا حصل معايا كده من سنتين ومن ساعتها مصلحتش الكاوتش فى محطة بنزين خالص - الحكايه ده حصلت معايا فى المحطه المذكوره الملعونه دى اللى فى اول عباس العقاد - ضحكوا عليا و اخدو مني مبلغ كبير جدا - طبعا مش فاكر كام بس من ساعتها قولت توبه

********
بسم الله الذى لا يضر مع اسمه شئ فى الارض ولا فى السماء وهو السميع العليم
(3 مرات فى اليوم و الليله تحميك من كل شئ)

اعوذ بكلمات الله التامات من شر ما خلق
(3 مرات فى اليوم و الليله تحميك من كل شئ)

**osa165** · 25-05-2008 08:56 AM

طيب ياجماعة ليه مافكرتوش تعملوا ليهم كمين وتبلغوا الشرطة عن اي واحد كلب ماعندوش ضمير ؟

**Ayman2007** · 25-05-2008 09:11 AM

أنا كنت شاري اللانسر بتاعتي جديد و كنت ماشي على الدائري بعد نفق السلام و رايح في اتجاه أكاديمية الشرطة الجديدة في التجمع الخامس و انت ماشي بتلاقي كذه بنزينة على إيدك اليمين (موبيل و شل و ... و غيرها).

المهم كنت متعود أفول و أضبط الكاوتش (عرفت بعد كده إن غلط تضبط هواء بعد ما تكون ماشي مسافة كبيرة و الفضل للمنتدى ده) المهم دخلت محطة تام أويل عملوا علي الفيلم واحدة طلع لي فيها سبع خروم و التانية ثمانية و هبشني 15 خابور بأقولوه سعر الخابور كام قاللي 8 و 10 و 12 طبعا" كنت شاري العربية جديد و لسه ما كملتش بها 2000 كم قولتلوا ناولني الأمريكاني هبشني في 180 جنيه ما كنش معايا المبلغ بعت معايا الصبي بتاعه استلفتله من واحد زميلي و رجعته بعد كده على المحطة.

من ساعتها ما أضبطش كاوتش أبدا" في محطة بنزين لو ها يشنقوني.

و حسبنا الله و نعم الوكيل

**momo44** · 27-05-2008 05:23 PM

المشاركة الأصلية كتبت بواسطة wlng76

نصيحة:
1. بصفة عامة اوعى تتعامل مع بتوع الإطارات فى محطات البنزين لإن أسعارهم غالية جدا, وكمان لو انت عندك مسمار, لازم هو بالعدة اللى ماسكها فى ايده يخرمله خرمين تلاته علشان الحساب يتقل.
2. من عند أبو الجوخ اشترى مجموعة كاملة (علبة لحام جاهزة -تقريبا 50 قطعة بـ7.5 واللى بتركبها عند بتاع الكاوتش بـ5 جنيه) - (عدد 5 بلف تيوبليس - على الأقل - الواحد تمنه جنيه واللى بتشتريه من عند بتاع الكاوتش بـ 5 جنيه) وهتلاقى عند أبو الجوخ كل اللى ممكن تحتاجه تانى, وطبعا دا مش علشان تصلح الكاوتش بنفسك, بس علشان وقعت فى ايد واحد نصاب وقالك يابيه الحاجة غالية, اديله 3 جنيه مصنعية وركب الحاجة اللى انت شاريها.

ممكن نعرف سعر علبة اللحام كام
ومن اى فرع اقدر اجيب الحاجات دى