تحذير من اصلاح الكاوتش في بنزينة مصر للبترول أول عباس العقاد

**Islam_galal** · 03-06-2008 08:03 AM

المشاركة الأصلية كتبت بواسطة MaaG

أنا مش عارف أقولكم إيه ، أنا لسة الحركة دي بتتعمل فيا لحد دلوقت ، بس كنت بقول علشان أنا فقر و ماشي بصطاد مسامير ، لأ و لسة واخد بالي من حاجة دلوقت ، الواد بتاع البنزينة علشان أنا زبون عنده كل يوم الصبح بيعملها معايا مرتين أو مرة بس في الشهر علشان مشكش ، و بيدفعني في الخبور 12 جنيه ، يعني تقريبا كل شهر بيطلعله مني 180 أو 200 جنيه عجل بس ، الجهل وحش أوي هههههههههه
شكرا شكرا شكرا على المعلومات دي

و كان عندي سؤال هيا الخوابير فعلا غلط على الكاوتش ، و البديل إيه ؟؟؟؟؟

ممكن تقرأ الموضوع ده
http://www.nilemotors.net/Nile/showt...DF%C7%E6%CA%D4

**د. علاء ابراهيم** · 04-06-2008 05:45 AM

الكلام ده مظبوط
و اوعى حد يستعمل الخوابير قل له انا عايز لحام مكوة
و لو مافيش زود هوا و امشى و ماتصدقش اللى يقول لك لو زودت هوا تبوظ.....
دا شغل يابا.... هى تيوظ لو مشيت عليها فاضية لكن طول ما فيها هوا امشى و ماتقفش لغاية ما توصل عند بتاع كاوتش كويس

**mohaned_magdy** · 07-06-2008 02:14 PM

المشكله مش عندهم بس هنا فى الاسكندرية ساعات يعملوها يجيبو زجاجه فيها مياه بصابون ويرشها على العجل ومكان الرغوه يقولك ده خرم ويروح جايب الخبور حاطه فى الكاوتش وبيكون عمر الكاوتش قصير جدا
انا ساعات اروح اصلح فرده مثلا اقوله خبور لا ويحط لحام على قد الخرم الى فيها لانه ساعات يضع لحام كبير ويكون الخرم صغير

**Islam_galal** · 20-06-2008 05:26 AM

أنا مريت بالبنزينة دي الأسبوع اللي فات و شوفت عربية سكودا أوكتافيا صاحبها راجل كبير ، معرفتش المفروض أعمل إيه

معملتش حاجة بس حسيت بسلبيه شديدة
تفتكروا المفروض الواحد كان يعمل إيه
مع العلم إن أسرتي كانت معايا (الواحد ضميره واجعه بصراحه)

**mhkash** · 22-06-2008 10:55 AM

المشاركة الأصلية كتبت بواسطة Islam_galal

أنا مريت بالبنزينة دي الأسبوع اللي فات و شوفت عربية سكودا أوكتافيا صاحبها راجل كبير ، معرفتش المفروض أعمل إيه

معملتش حاجة بس حسيت بسلبيه شديدة
تفتكروا المفروض الواحد كان يعمل إيه
مع العلم إن أسرتي كانت معايا (الواحد ضميره واجعه بصراحه)

انا لو مكانك هأحاول اقترب من الراجل ده بهدوء شديد و اقف بجواره لمدة دقيقتين تلاته - لو حسيت انو راجل عصبى و من النوع اللى معندوش تفاهم - هسيبو وامشى - ولو حسيت انو راجل محترم و طيب هأحذره بهدوء بعيد عن عامل المحطه

وممكن تعرف طبيهة الراجل اللى واقف قدامك من خلال كلامه مع عامل المحطه - يعنى مراقبه لمده بسيطه ممكن تساعد - وربنا يجازيك على نيتك الطيبه

**Islam_galal** · 22-06-2008 02:21 PM

جزاك الله خيرا
عندك حق ، الموضوع كان محتاج ايجابيه مني شويه

**Saber_Diab** · 22-06-2008 04:07 PM

نفس الكلام عن نفس البنزينة حصل مع واحدة زميلتي في العمل والأدهى أنها كانت مبسوطة

وأزود عليها بنزينة موبيل إلي في شارع حسن مأمون

بالإضافة إلى موقف أخر حدث معي أنا كان الساعة 2 ليلاً في شارع الجلاء أمام مبنى الأهرام وإنفجر الإطار الخلفي ومكانش معايا إستبن

سقت في شارع الجلاء لغاية قبل ميدان عبد المنعم رياض

في واحد شارع جانبي شمال في شارع على ناصيته قهوة

المهم طلب مني 70 جنيه في 3 خروم

هددته بإبلاغ الشرطة فقام بالتشاجر معي ولكني لم أستسلم له

في النهاية أعطيته 20 جنيه وأنا هأنفجر لأني عندي في المنطقة بأروح لعجلاتي جنبي أكتر مرة خد مني فلوس كانت 10 جنيه

المهم نفخ العجل حسيت أن الواد (وكانوا 2 شكلهم شمامين) بينتقم من العجلة المهم لفيت وروحت شارع رمسيس وكان في بنزينة دخلت فيه أقيس الهوا لقيته 45؟؟؟؟؟؟؟؟؟