للأسف دي ظواهر منتشرة كتير
حصل معايا موقف مشابه بس اللي حصل انه مكانش شوال
كانت عربية نقل بتغير كاوتش على اقصى اليسار على الدائري برده
وانا كان ماشي قدامي عربية نقل ولما اديته كلكس اني عايزه ينزل شمال عشان اعدي منه اداني اشارة شمال كان بيعدي عربية تانية
البيه عدا العربية وقام نازل يمين مفاجيء
اذ بيا الاقي اني داخل على العربية النقل ومفيش مفر لابس لابس يا معلم
المهم فرملت وقمت نازل يمين -كان على يميني تويوتا-
بتاع التويوتا فرمل برده وامركنا احنا الاتنين بس الحمد لله لمينا العربيات ومحدش خبط التاني وكملنا الطريق
ربنا بيسترها الحمد لله
حسبنا الله في كل مستهتر
يعني اخينا دا لو كان غير حارته بدري كنت انا اشوف العربية دي واخد حذري
انا دايما لما بلاقي حاجة غلط في الطريق بغير الحارة وبدي اشارة من قبلها بكتير
عشان اللي جاي ورايا يكون كاشف الطريق كويس ومزنقهوش لأنك متضمنش ان اللي جاي دا هيعرف يفادي وان كان هو هيعرف متضمنش عربيته تساعده وسرعته تساعده واللا لا
ربنا يسترها مع الجميع يارب