الموضوع: مناقشة في تعدد الزوجات-كريم منير

لأ ياخواننا مفيش شرووووووووووووووط
الا العدل فى المعاااااااملة
يا جماعة المباحات فى الدين ليس موضع للاعتراض او كده لأن فى ناس بتصر ان فى شروط والله الشرط هو العدل فى المعاملة اما لن تعدلوا ده القلبى ده ملوش دعوة

نقطة توضيح بس، هو الموضوع مش نقاش لتعدد الزوجات أد ما هو نقاش لدعوة الأخ المجاهد السلفي للرجال بالتعدد و التشديد على سهولة امكانيته، ده غير ان في بعض الإخوة في المنتدى أشاروا إلى ان ده سنة عن رسول الله صلى الله عليه و سلم. ماحدش قال ان التعدد حاجة بغيضة و إلا ما كانش ربنا أباحها.. و خدوا بالكوا من أباحها دي و الإباحة معناها انها مش حرام.. يعني مافيش مانع من ان الرجل يتزوج اكتر من واحدة.. معنى كده ايه؟ ان الأصل واحدة و لا اربعة؟

طبعا و لله المثل الأعلى لما أب يقول لإبنه علبة الشيكولاتة دي اوعى تقرب منها دي بتاعة الضيوف بس.. انما العلبة التانية دي ممكن تاخد منها واحدة.. و لو عزت تاخد واحدة تانية ممكن برضه تاخد.. عندك لحد 10 قطع شيكولاتة من العلبة دي و بعد كده ما تاخدش. هل معنى كلام الأب هنا هو خد يا حبيبي من العلبة دي 10 شيكولاتات مرة واحدة و لو ما أخدتش العشرة كلهم هاتبقى مشكلة؟

تاني بأكد على اني مش ضد تعدد الزوجات و حاشاي ان اكون ضد حاجة ربنا أباحها، انما مش معنى الإباحة ان الرجل لازم يحرص على انه يتجوز أربعة قبل ما يموت و إلا يحس بالذنب :(

اما عن ردود الأخ مجاهد فلية معاها عودة بإذن الله.

و على بال ما ارجع تاني لو حد عنده تفسير للآية اللي أوردها شيكو

"وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا"

و خصوصا أول الآية الجزء البادئ ب"و إن خفتوا ألا تقسطوا في اليتامى". اللي يعرف يجيب لنا تفسيرها و علاقتها بجزء نكاح اكتر من امرأة يبقى جزاه الله كل خير.

هو بس فى حاجة غريبة عند بعض الناس .. ليه فى ناس تحب تتشدد وتحرم كل حاجة على المسلمين حتى بدون نص صريح و تيجى عند تعدد الزوجات بالذات و تحلله بشكل مطلق رغم الشروط الصعبة جدا و التى تجعل العدل بينهم شرط اساسى و رغم ان الطبيعة البشرية تجعل تحقيق هذا الشرط شبه مستحيل ..
من شبه المستحيل يا اخوانا ان نعدل اليوم مع عدة زوجات كما كان يفعل الرسول المصطفى صلى الله عليه و سلم فنحن بشر عاديين و لسنا انبياء .. و لا اطالب بتحريم تعدد الزوجات بل فقط الا يكون الا لاسباب جوهرية و هامة كعدم قابلية الزوجة الاولى الانجاب او مرضها الشديد او اسباب من هذا النوع و ليس لمجرد ان واحد معاه فلوس كتير و بيحب يغير النساء بعد ان يصيبه الملل ! ..فالزواج ليس مجرد غريزة جنسية و لو كانت هذه الغريزة الهم الاوحد لاحد الرجال فلن يكتفى حتى ب 4 بل سيقوم بتطليق بعض نسائه من وقت لاخر للزواج من اخريات لمجرد اشباع نزواته .. مش كده و الا ايه ؟؟

يا نهي باشا ...
واضح جدا من كلامك ان خطيبك .. لو فكر .. انه يبص لأي حد فده حيكون اخر يوم في حياته :)
**********
و ممكن يكون الموضوع مستفز ليكي بشكل ما ..
لكن - اسمحي لي - ليا تحفظ علي جملة :

و محدش يقولى الرسول صلى الله

عليه و سلم اتجوز اكتر من واحدة و الكلام دة

...فمهما كان الموضوع .. و مهما كانت طريقة مناقشتنا له .. يجب ان يظل هناك خط لا نتعداه عن ذكر رسولنا الكريم .. ممكن ظاهر الكلمة انها لا تعني اي اساءة .. لكن الاسلوب نفسه مينفعش ..
تحياتي

(...فمهما كان الموضوع .. و مهما كانت طريقة مناقشتنا له .. يجب ان يظل هناك خط لا نتعداه عن ذكر رسولنا الكريم .. ممكن ظاهر الكلمة انها لا تعني اي اساءة .. لكن الاسلوب نفسه مينفعش)
+1