الموضوع: السجل الميكانيكى لقسم نيسان..كل الاعطال التى واجهها الاعضاء وحلولها هنا

تم اضافة مشكلات وحلها

1-

المشاركة الأصلية كتبت بواسطة mostafa mahmod

عربيه والد واحد صاحبى صنى 99
كنا خارجين بيها امبارح و العربيه سخنه و كله تمام لو شال رجله من على البنزين نلاقى عداد الار بى ام بيطلع و ينزل و تقوم مبطله و حصلت كتتتتير اوى و لازم تزود بنزين طول مانت واقف علشان ماتبطلش
انما طالما ماشى على الطريق السريع مفيش فيها اى مشاكل

فيا ترى العيب ده من ايه
و المفروض اول ما تدور يبقى الار بى ام على كام

المشاركة الأصلية كتبت بواسطة tarek_swelm

لو العربية كربراتير , يبقي الكربراتير عايز يتنضف و دي مش بتاخد 10 دقايق عند الميكانيكي و بيعملها بالاسبراي , لو انجيكشن اعتقد حساس الايدل بس مش متاكد اذا كان فية سينسور تاني ولا دة بس
لأن عربيتي كربراتير و الموضوع دة حصل معايا كذا مرة و بيطلع الكربراتير عايز يتنضف .

المشاركة الأصلية كتبت بواسطة mostafa mahmod

اه يا باشا هى كربراتير
الف شكر

===
2-

المشاركة الأصلية كتبت بواسطة mamingira

السلام عليكم ياشباب
لى استفسار . هل تكييف الصنى مبييظهرش كفاءته فى الاول والعربية جديدة وبيتحسن بعد كدة ولاايه؟
لانى ابتديت اشغل التكييف فى الحر ده وحاسس انه بيسقع بس مش تلاجة زى مابيقولوا .

المشاركة الأصلية كتبت بواسطة moh19227

فعلا المشكله دي كانت عند واحد صاحبي وقالهم ف التوكيل ان التكييف مش كويس وبعد الصيانه قالوله ان تقريبا الفريون كان زايد او ناقص مش فاكر بالظبط لكن لو ازيد من ال recommended او اقل مش هيديك الكفاءة المطلوبه

====
3-

المشاركة الأصلية كتبت بواسطة citadeldeath

الأخوة الأعزاء،

كنت قد كتبت موضوعاً بعنوان "علو صوت المحرّك وضعف السَحب"، وكانت الأراء تتراوح ما بين البنزين المغشوش والزيت المستخدم، علماً بأن السيارة لم تكمّل بعد الـ 9000 كلم، والزيت المستخدم "توتال" من أوتو إيجيبت. المهم ذهبت بالسيارة إلى أوتو إيجيبت السبت الماضي، وقالوا ليّ إن السبب ليس الزيت أو البنزين أو حتى فلتر الهواء، وإنما السبب يرجع إلى ثقب صغير في الشكمان (مخرج العادم) وكان الكشف 75 جنيهاً وتغيير "الجوان" أو القطعة التي بُليت ستكلف 35 جنيهاً آخرين
وشكراً

تحياتى منسق القسم