السجل الميكانيكى لقسم نيسان..كل الاعطال التى واجهها الاعضاء وحلولها هنا

**احمد سيف النصر** · 28-05-2013 01:11 AM

انا يا جماعة معايا الصني الشكل الجديد احيانا لما باجي ادخل مفتاح العربية في الكونتاكت تحس انه هيتكسر ومش بيدخل لاخر الكونتاكت واقعد احاول ربع ساعة او اكتر عشان العربية تدور ومش عايز اضغط عالمفتاح لينكسر جوا الكونتاكت مع العلم اني بدخل المفتاح بكل الطرق وبالعكس وبرضه مبتدورش المشكلة دي حصلت معايا 3 مرات لغاية دلوقتي ارجو منكم النصيحة والحل

**Ramy Rateb** · 28-05-2013 04:26 PM

المشاركة الأصلية كتبت بواسطة احمد سيف النصر

انا يا جماعة معايا الصني الشكل الجديد احيانا لما باجي ادخل مفتاح العربية في الكونتاكت تحس انه هيتكسر ومش بيدخل لاخر الكونتاكت واقعد احاول ربع ساعة او اكتر عشان العربية تدور ومش عايز اضغط عالمفتاح لينكسر جوا الكونتاكت مع العلم اني بدخل المفتاح بكل الطرق وبالعكس وبرضه مبتدورش المشكلة دي حصلت معايا 3 مرات لغاية دلوقتي ارجو منكم النصيحة والحل

اعمل موضوع لوحده عشان الناس تساعدك .. الموضوع هنا الهدف منه عرض المشكلة و الحل مع بعض بحيث أنه يكون مرجع لنا كلنا.

**bassem_foda** · 29-05-2013 02:49 AM

السلام عليكم
اولا تأكد من استقامت المفتاح لعلى يكون فيه انعواج
وان كان لديك مفتاح احتياطى جرب بيه
ثانيا : حاول ترش قليل جدا من اسبراى wd40 داخل الكونتاكت
وجرب ان شاء الله خير

**motalaat83** · 15-04-2015 05:55 PM

السلام عليكم عندى مشكلة العربية بتبطل وانا ماشى بسرعة او براحة جدا (سلانسية) والعربية عند زيادة الضغط على البنزين لمبة التشك بنور والعربية بتتخنق ومش بتعلي عن ٢ ار بي ام وبتفصل بعد كدة للمعلومية العربية صنى 2008 سوبر صالون اوتوماتيك ارجو الافادة ضرورى

**loaai** · 20-04-2015 10:22 PM

ارجو الرد عندي مشكله في ار بي ام نيسان صني منوال، 2009
المشكله ار بي ام بيعلي ويوطي لوحده مره واحده مه تاثيره علي صوت الماتوو

**snouh** · 08-05-2015 10:46 PM

السيارة صنى - 2006 - اوتوماتيك

صوت زى صفارة يظهر فقط أثناء السير فقط ويظهر أحيانا مع دوس البنزين ..غيرت طقم السيور .. وجوان الشكمان قل بنسبة كبيروة ولكنه مازال يظهر أحيانا

**kofta811** · 13-07-2015 10:33 AM

يا جماعه انا تعبت اوى من الباور اول ما ادور العربيه الباور يبقى خفيف وطبيعى بعد روبع ساعه القى الباور تقل وبقى زفت اعمل ايه ياريت حد يسعدنى

**eys3** · 15-06-2016 12:38 PM

يسان صنى 2009 السيارة تفصل وانا ماشى وخصوصا بعد ما امور السيارة للتوقف

**volociximab** · 15-06-2016 01:32 PM

المشكلة: ضعف فى تكييف صنى 2004
الحل:غسيل الثلاجة
كيف تصل للثلاجة؟
طريقين:
الااول ان حضرتك تفك التكييف كله(و هذه كارثه) لانك هتفك تقريبا كل الداخليه الى امامك فى السيارة تحت الديكور بما فى ذلك العدادات
و الديكور سهل الكسر جدا خصوصا من المنتصف
الطريق الثانى_انك توصل للثلاجة عن طريق فك مروحة سحب الهواء الداخلية-و هذا صعب الى حد ما
ملحوظة:لو حاولت توصل للثلاجة عن طريق فك الديكور من تحت-هتوصل-بس للاسف للجانب الذى لا يواجه الهواء من الثلاجة
ملحوظة اخرى-فك الديكور الداخلى لنيسان صنى اصعب من فك ديكور عربيات تانية اكبر مثل الكامرى

استمتع بهذا الفيديو و لو فيه موسيقى اطفيها
https://www.youtube.com/watch?v=inOqo8PqHB4

**volociximab** · 10-07-2016 05:00 PM

صنى 2004
مشكلة مشهورة...لمبة فحص المحرك مضيئة و صعوبة فى التشغيل
المشكلة كانت حساس كرنك
مكان حساس الكرنك...على بعد شبر يسار فلتر الزيت...مستحيل تراه من حوض السيارة