الموضوع: السجل الميكانيكى لقسم نيسان..كل الاعطال التى واجهها الاعضاء وحلولها هنا

المشكلة:
تكييف الصنى n16 بيفصل لوحده عند السير لمدة طويلة على الغيار الاول والثانى مع وجود زحمة وكثرة الاشارات والتوقف وارتفاع درجة الحرارة الخارجية
والاعراض تكون فى توقف عمل الكومبريسور بالرغم من اضاءة لمبة زر التشغيل بالمكيف
ولا يعمل الكومبريسور مرة اخرى ويسمع صوته الا بعد السير على سرعات من شأنها تبريد غرفة المحرك او ركن السيارة فترة من الوقت

هذه المشكلة حدثت معى شخصيا فى عربيتى عند دخول نفق الازهر الصيف الماضى وتوقف حركة السير لأكثر من نصف ساعة والتحرك على الغيار الاول حتى الصعود لسطح الارض فى اتجاه جراج الاوبرا بوسط المدينة والنزول لشراء حاجيات من امام طلعت حرب مول والعودة مرة اخرى ..
كذلك تكررت مع زميلى فى العمل هذه الايام .. علاوة على صديقنا الاستاذ احمد ابو النور abono وحكى لنا عنها فى مقابلة افطار المنتدى الماضية كما يلى:

المشاركة الأصلية كتبت بواسطة abono

كنا إتكلمنا فى موضوع التكييف ده فعلا يوم إفطار المنتدى
بس موضوع الفصل دة بيجنن خاصة فى الحر مع الصيام
انا روحت زى ما قولتلك اوتواجيبت و لقو الفريون ناقص شوية و قالو لى ده طبيعى بعد إستخدام سنتين
بس السبب الحقيقى فى نقصة و تكملتا لموضوع الحساسات إن من الحر الشديد ضغط الفريون بيزيد
ففى حساس مرتبط بصمام على الكومبريسور بيفتح ويطلع فريون و زى ما حضرتك قولت دة بيكون حماية للكومبريسور بدل ما يفضل شغال كتير و يتحرق.

وشكرا

وده كان نفس ردى عليه وقتها:

المشاركة الأصلية كتبت بواسطة Y2Y1500

..... فيه صمام امان لحماية الكومبريسور من ضغط الفريون العالى وانه لو مشى ع الاول كتير او فى الحر الشديد هايفصل منه لحماية الكومبريسور من التلف واهو يستحمل الحر بدل ما يدفع ثمن واحد جديد ..
طبعا صاحبى كان متضايق بس اقتنع بالفكرة اوى لأنه اول ما يتحرك بالعربية فى طريق ماشى عادى يرجع يشتغل تانى ..

وعلاوة على ذلك نوضح ان فصل الكومبريسور يكون ايضا فى حالة الحرق ع الغيار والضغط على دواسة البنزين بقوة للاخر لزيادة السرعة .. والسبب هو حمايته من التلف ..