الموضوع: السجل الميكانيكى لقسم نيسان..كل الاعطال التى واجهها الاعضاء وحلولها هنا

السلام عليكم
الاخوة الكرام
عندي صني 2011 مانيوال
لمبة الايرباج بقالها يومين بتنور وتطفي بعد الدوارة علطول ومش عاوزة تطفي

المشاركة الأصلية كتبت بواسطة sherifhassan_eg

السلام عليكم
الاخوة الكرام
عندي صني 2011 مانيوال
لمبة الايرباج بقالها يومين بتنور وتطفي بعد الدوارة علطول ومش عاوزة تطفي

الحل بعمل restart لكمبيوتر العربية
وازاي تعملها بالتفصيل في المشاركة ديه
http://www.nilemotors.net/Nile/21384...post3874190806

السلام عليكم اخواننا الكرام
عندي مشكلة في تيدا ٢٠١٣
انا كنت مسافر لمدة سنة تقريبا و كنت بخللي مراتي تشغلها كل اسبوعين و عالحال ده من شهر ٩ لغاية شهر ٥
بعد كده العربية فصلت و مش عايزة تدور فقولنا اكيد بطارية، روحت اشتريت بطارية فارتا النهاردة و وصلتها لكن للأسف العربية لسه مش راضية تشتغل لسه
مع العلم ان لمبة الفرامل شغالة و لمبة الشنطة غير كده الدنيا ميتة بتعمل الصفارة اللي عند التشغيل و بس
يا ريت لو حد عنده حل يقولي
و اسف جدا على الاطالة

لو سمحتو عربيتي صني 2002اتوماتك فيها مشكله وانا ماشي مثلا علي سرعة 80كيلو الفتيس بيعمل كيك دون والrpmبيرفع لغاية 4او5 وكشفت كمبيوتر الجهاز مش قاري اي حاجه المكانيكي والكهربائي قالولي فرغ الكنترول اني افتح الكونتكت من غير مادر العربيه لمدة 50ثانيه هسمع صوت تكه بكده افرغ الكنترول بس مش عارف ده صح ولالأ وشكرا

السلام عليكم / انا معايا نيسان 2004 اوتوماتيك المشكلة انها بتاخر اوى فى النقلات يعنى الار بى ام بينقل من 3.5 و وديتها لميكانيكى و غيرت حساس tps و مفيش فايده و غيرت زيت الفتيس و غسلته لانه كان فيه رايش كتير جدا العربية ظبطت يومين و بعدين رجعت . حد قابلته المشكلة دى لو سمحتم؟

نيسان صنى الشكل القديم موديل 2011 فيها نتشه ورزع فى الفتيس الاتوماتيك فى الغيارات طلعت عينى اللى يقول فتيس واللى يقول زيت فتيس
الحل بيتم ضبط حساس ال tps على الرقم 48 بجهاز الكونسول عند اى فنى خدوا بالكم من الرقم كويس الفنى مايعرفش الرقم للعربيه الرقم هو 48 ده الرقم اللى محدداه شركه نيسان للعربيه والحمد لله رجعت زيرو ولا نتش فتيس ولا حاجه ابدل وملهاش علاقه بالفتيس ابدا

صنى 2006 1600 سىسى 120000ك غيرت زيت الفتيس وحطيت شيل و نضفت الكرتيرة و الفلتر و ركبناهم تانى و بعدها بفترة العربية الصبح و هى باردة لما بتاخد الdمش بتتحرك الا لما تسخن و ساعات لما تمشى تدوس بنزين صوت الماتور يعلى و مفيش سحب و لما تمشى شوية و تسخن كويس بتبقى كويسة و عادى و لو خدت الRو هى باردة بتتحرك عادى و نضفت الفيش بتاعات الفتيس بردو مفيش فايدة عاوز اعرف السبب اية هل نوع الزيت و لا اية و اية الزيت المناسب للفتيس و بتاخد كام لتر مع فك الكرتيرة و الفلتر و كام لتر لو هغير من غير فك الكرتيرة و الفلتر

السلام عليكم ورحمة الله وبركاته..... مساء الخير عليكم جميعاً.


استاذنكم عندي سياره نيسان تيدا 2008 وكانت امورها تمام وكنت شاريها جديد مستعمله وبعد فتره بدأت احس بهزه بسيطه فيها فقولت اغير لها البوجيهات من باب الصيانه الدوريه و فكيت الثروتل بتاعها ونظفته وبعد ماركبت الثروتل احتاجت لبرمجه من جديد لان عداد ال rpm بقي يزيد وينقص من نفسه المهم برمجناها وظبطت وقفلت السياره وشغلتها تاني لقيتها رجعت خربت تاني ففكيت طرف البطاريه السالب طول الليل وفي الصباح ركبته ولقيتها الحمد لله ظبطت تاني لكن نفس الهزه فضلت موجوده وبشكل اكبر واوضح من الاول ولاحظت ان مؤشر ال rpm لما بينزل عن ال1 بشرطتين الهزه دي بتظهرر جامد والسياره في سحبها بقيت احس٨ا تقبله في السحب او مكتومه سويه كدا اذا رفعت رجلي عن البنزين او مورتهت مع العلم ان فكيت حساس الهواء ونظفته فهل هي كدا محتاجه برمجه من جديد تاني ولا الثروتل محتاج يتغير كله وخلاص واذا بيتغير سعره الأصلي منه كام في مصر اذا سمحتم