الموضوع: سرقات السيراتو كتير لييه أكيد في سبب

المشاركة الأصلية كتبت بواسطة korkor

انا فاكر انى كنت قريت الموضوع ده بس هل حضرتك تعرف هو بيتباع فين دلوقتى وبكام سواء ال 2 way او ال 3 way وهل لو العربيه فيها الموبليزير الموضوع مش محتاج جهاز انذار ؟

هو توكيله "غريب" الى فى التوفيقيه
ال3-way عليه مشاكل ومش عارف هتلاقيه ولا لأ لأن فى منع لموضوع الشريحه دا
ال2-way كان عامل 350 باين وأكيد دلوقتى رخص طبعا
بردو مع وجود الايموبلايزر أتصور وجود أنذار "أى كانت أمكانياته" مهم جداً
حتى لو عاندى أيمو مش عايز حرامى يكسرلى الازاز ويلعبلى فى كمبوتر العربيه علشان فى الاخر يفاجأ بالأيموبليزر
الحرامى نادرا لما يخاطر ويسرق عربيه فيها أنذار منعاً للدوشه

بص ليها ياسر أولا أنا متشكر لمشاركتك بس أنا أحب تاني أوضح للكل إني متهامتيش التوكيل ولا أي حد بموضوع السرقة وحتى مقلتش ولكن احد المشركين هو اللي قال على موضوع استخدام ال VIN في استرخاج مفتاح جديد من التوكيل بدون أي رقابة وانا لما رديتت عليه قلت إني ماقدرش اتهم التوكيل على حاجة فظيعة زي ده كده من غير دليل. أرجع تاني واقول إن الهدف من الموضوع ده حاجتين : أولا محاولة مانع سرقة عربيات أكتر والسبب التاني هو محاولة معرفة إيه السبب أو الاسباب ور موضوع السرقة بس .

المشاركة الأصلية كتبت بواسطة NoRmAl

هى طبعا لازم تتسرق بكثره ولو فكرنا بمنطق الحراميه - إن جاز التعبير - مينفعش نسرق عربيه نادره لو أتشافت تتعرف
لكن ماذا لو سرقنا عربيه سيراتو فضى مثلا وغيرنا نمرها بنمر مزوره
تفتكر نعرف نجبها!!
ربنا يعينك ويرد عليك ضالتك
لكن الحراميه ممكن يعملوا البدع علشان يسرقوا سيراتو لأن إعادتها صعبه شويعه
أنت كنت مركب أنذار يا بيسو؟؟

إزيك يا نورمال أخبارك إيه . طبعا معاك في الكلام ده يا نورمال وانا قلته في الأسباب اللي ممكن تكون متعلقة بالسرقة الكتير. هي للأسف ماكانش فيهـا انذار وانا كنت ركن جنب مكرم عبيد ورا القسم وفي شارع حي كمان.

المشاركة الأصلية كتبت بواسطة abouleila

دى مشاركة كانت موجوده فى موضوع هنا فى المنتدى المشاركة رقم 58

ممكن يكون فيها تفسير للموضوع

http://www.nilemotors.net/Nile/20612...post3873412660

يوسفني اقولك السر في سرقة السيراتو بالذات...انا فلسطيني عايش في غزه,

العربيات دي مرغوبه جدا في غزه,,,

وفي تجار مصريين بيسرقوها وبيبعتوها ع غزه عن طريق انفاق مخصوصه للسيارات,العربيه بتعدي ماشيه من غير ما تقطع ولا يحزنون...

انا من كام يوم شفت عربيه ملاكي جيزه,,,وانهاردا شفت واحده ملاكي دقهليه ... لونها فيراني,لسه مش معلقه نمر فلسطينيه.

بس في عربيات بتيجي مش مسروقه ,,, بس الاغلب مسروقه من 2007 وما فوق.

أولا بشكرك يابوليلي على اهتمامك وانا فعلا سمعت الموضوع ده من كذا حد بس المفروض انهم وقفوا عبور العربيات من الانفاق ده بس الله اعلم بصدق الكلام اللي التالي من الشرطة.

المشاركة الأصلية كتبت بواسطة yasserelsayad

الموضوع مش بالسهولة اللى انتم فكرينها دى
وبعدين ايه اللى هيتسرب من التوكيل يعنى مش فاهم
الكود بتاع المفتاح مش بيبقى فى التوكيل .. دا بيبقى فى الـ ecu بتاع العربية
وعشان التوكيل يطلعلك مفتاح جديد لازم ياخد الكود من العربية يعنى
ثانيا اكتر من واحد قال ان العربية مش بتتسرق دى بتتشال بونش يعنى ولا كود ولا معلومة ولا اى حاجة
وهى زى اى عربية يعنى ممكن تتسرق مفيهاش ثغرة بقى والكلام دا عشان بس ميطلعش اشاعة على التوكيل وخلاص
انا عارف ان موضوع سرقة عربيتك بيخليك تفكر كتير بس بلاش كلام بدون اى دليل عشان دى سمعة شركة
والاشاعات فى مصر بتنتشر بسرعة جدا يعنى الناس لما بتصدق

وعلى فكرة بره كان فى جهاز بيبقى مع الحرمية بياخد الكود من المفتاح وانت بتقفل او تفتح العربية .. يعنى بيكون هو مثلا جمبك فى حتة واول ما انت تستخدم الريموت يقول لاقط الشفرة على طول ودا على حسب ما انا فهمت يعنى ودا يبين ان الحرمية ليهم طرق كتير جدا وخبرة كمان

وعلى فكرة لو فعلا العربية بتتشال بونش الانذار كمان للاسف مش هيبقى ليه لزمة لان العربية متكسرش فيها حاجة يعنى ولا اتخبطت حتى

ياسر باشا أخبارك إيه. بصراحة كلمة Master Key لعربية ده كلمه مستفزة جدا عشان مش عارف مين السبب في نشر إشاعة زي ده عشان فعلا هي ملهاش أي وجود في الحياة.

أرجع تاني وأقول ياجماعة الهدف من الموضوع ده مش إني اشكك في التوكيل ولكن محاولة للوصول لسبب السرقة ويريت محدش يفهم الموضوع غلط

(يجامع الناس ليوم لا ريب فيه رد الي ضالتي ) وربنا يصبر الجميع وترجع مصر امان إن شاء الله أكتر من زمان بكتير.