التجربة العملية بتقول ان النيتروجين فعلا بيقلل من نشوفية العفشة فى التعامل مع المطبات... و معدل تسربة اقل من الهوا العادى... و تمدد النيتروجين اقل من الهوا العادى عند التعرض للحرارة
انا جربت النيتروجين فى حالات كتير منها مع كاوتش جديد و منها مع كاوتش مستعمل... و منها مع كاوتش عادى و كاوتش low profile و النتائج كانت واحدة
قبل النيتروجين كانت العفشة بتدبدب فى المطبات و فى ايايم الصيف مقدرش انفخ اكتر من 30 و الا الدبدبة بتبقى فظيعة لما الكاوتش يسخن (الضغط الصح لعربيتى 32) و لازم كل شهر اراجع ضغط الكاوتش عشان بيريح
بعد النيتروجين الدبدبة قلت جدا (مش فاهم ليه بس دة اللى حصل) و بنفخ 32 صيف شتا و عربية الوالد فضلت حوالى 3 شهور و الكاوتش ضغطة قل 2 او 3 درجات بحد اقصى
دايما مواضيع النيتروجين بيبقى فيها جدل علمى و مصلحات مجعلصة و قوانين فزياء و كلام من دة... انا مبدخلش فى الحتة دى و بركز على الجانب العملى و التجربة الفعلية لان دة المهم فى النهاية
MMamdouh
المفضلات