ان شاء الله بفكر اشتري فابيا

**abdallah937** · 21-09-2011 10:20 PM

ممكن اعرف حضرتك اشتريتها منين وبكام وحالة العربيه ايه عشان انا نازل اشتر يواحده يوم الجمعه ولو في اي نصائح ياريت تفيدني وايه رايك في العربيه احسن من الكرستاله؟

**Amr_Azab** · 22-09-2011 11:09 AM

سعر العربية يتراوح من 35 الي 39 الف جنيه علي حسب الحالة وده للـ 1000 سي سي الفاضية منغير اي كماليات
الـ1400 ممكن توصل لبداية الاربعينات بس متعديش 42 او 43 لو حالتها نمرة واحد
بره وجوة ودي بتبقي تكيف وباور واتنين زجاج كهرباء

اهم حاجة تكشف علي العربية كويس وياريت تكشف كمبيوتر ومتجبش حالة اقل من ممتازة وابعد تماما عن ال1200 سي سي لان واضح من كلام الاعضاء ان الموديل ده مش كويس
بص علي الصالون والتابلوة وشوف شكل العربية من جوة ومن بره عاملة ازاي كل ده بيدل علي نظافة صاحب العربية او اهماله وشوف في بارومة ولا لآ ويفضل لو رفعت العربية في بنزينه
ربنا يوفقك وانشاء الله تكون نصيبك حاجة زي الفل
وبالنسبة لانها احسن من الكريستالة ولا لآ فانا معرفش الحته دي بصراحة لكن اللي اقدر اقلهولك ان الفابيا عربية رائعة جدا سواء في الشكل او المشي

**Amr_Azab** · 23-09-2011 05:58 PM

140لنسبة للـ1000 سي سي بـ 30 الف يبقي تبعد عنها تماما لان السعر ده اقل من سعر العربية بـ10 الاف جنيه
حتصرف عليها جامد وحتتعبك فنصيحة بلاش لو عايز تجيب 1400 سي سي هات حالة كويسة لكن موضوع انك تجيبها وتصرف عليها ده مش صح عشان حتصرف عليها كتير ومش حتتظبط برده
بالنسبة للـ 1000 سي سي فالعربية سحبها حلو اوي متقلقش ولو مشغل التكييف اكيد السحب حيقل والكلام ده لمعظم العربيات مش الـ1000 سي سي وبس طالما التكييف شغال في اي عربية سحبها بيقل
بس بجد نصيحة بلاش العربية اللي بتقول عليها دي عشان شكلها متبهدلة اوي

**Amr_Azab** · 25-09-2011 01:39 PM

المشاركة الأصلية كتبت بواسطة mo7madbakr

عندك حق يا عمرو, و أنا بدور على عربيه فابيا قبل ما اشترى بتاعتى الاسبوع اللى فات
لقيت معرض فى فيصل عارض عربيتين فابيا
الاولى 1200 سى سى على 37000
و التانيه 1400 سى سى على 38000
والله اول لما شفتهم قولت لسواق التاكسى لف بينا ياسطى و ارجع تانى
بس نزلت شفتهم علشان المشوار يبقى عملت حاجه, العربيتيين مدمرييييييييين
والله لو اتعرضت عليا الواحده ب 10000 جنيه مش شارى

المهم اشتريت 1000 سى سى فابريكه جوه و بره و فاضيه خالص على 38000 جنيه و الحمد لله, زى الفل

بالظبط يا باشا
اللي يقولك انا اجيب عربية كماليات بس حالتها مش اوي واشدها ده كلام مش مظبوط لانه ميعرفش فيها ايه مستخبي غير الحاجات اللي باينة
انا اجيب عربية واقفة صح حتي لو فاضية والكماليات امرها سها جدا ومقدور عليها
اهم اهم اهم حاجة الحالة ثم الحالة ثم الحالة اي حاجة تانية سهلة اوي تتعمل

**Amr_Azab** · 29-09-2011 05:48 PM

بص يا باشا انا مغيرتوش سير الدينمو ده بس اكيد موجود عندنا في اسكندرية وفي القاهرة ده اكيد حتلاقيه مفيهاش كلام انشاء الله لكن عندكو في طنطا معرفش بصراحة بس علي العموم حسالك عندنا في اسكندرية

**Amr_Azab** · 02-10-2011 01:35 PM

ألكلام ده ممكن يكون في التوكيل بس انا بصراحة متعملتش معاه ولا مرة
المهم في كذا واحد في اسكندرية شغالين في قطع غيار الفابيا جديد واستعمال وبيستوردو والحياة زي الفل
انت عربيتك موديل كام ؟
كام سي سي ؟
هاتش ولا سيدان ؟