الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

المشاركة الأصلية كتبت بواسطة otefa

ياهشام باشا
أيه الضرر في لبس الجلبية والدخول بيها للنادي وخصوصا لو جلبية نظيفة ومكوية وزي الفل؟
بعيد عن الدين مع أنه ماينفعش لانفصله ولا نبعده عن حياتنا
ماهو أنا ناقشتك من منطلقين وفرضين مختلفين
-مدنية دينية(ثوابت وبعض الأمور مختلفات)
-مدنية علمانية(أغلبية الأراء)
طيب فرضا عضو مجلس شعب عن دائرة ما بيلبس جلابية هايجي يدخل النادي هايقله لا والله ممنوع يافندم؟........أبسط رد هايكون مين ألي مانعه يابني قانون أيه ده ألي يحجر على حرية البشر دون أي سبب أو مبرر واضح
فهمت قصدي أنت مع عدم الدخول بالجلابية وأنا مع الدخول بها مين الفيصل مابينا؟! ........خصوصا مافيش ولا سبب مقنع للمنع أتقال علشان الواحد يخدها كقاعدة مسلم بها!

السبب حا تلاقى تطور للقصص و مطالب لا تنتهى تحت بند الحرية الشخصية . و بص كدة دة الى حا يحصل بعد شوية

المشاركة الأصلية كتبت بواسطة heshamzaky

حا أقولك حاجة صدقنى بنسبة 99 بالمائة لو الباب دة أتفتح حا تلاقى الدنيا قلبت فوضى تحت مسمى الحرية الشخصية . الاول اى واحد يقطع تذكرة و يدخل سواء لابس جلابية و لا لابس تى شيرت الخطوة الى بعدها شخص ما ممكن لابس تى شيرت و جينز حا قولك النجيلة بتجيب طراوة حلوة أية المانع أقعد على النجيلة الى بعدة يقولك حرية شخصية برضو بيحب ياكل فى أحضان الطبيعة الخلابة و ممكن يفرش ملاية و يطلع سندوتشات ياكل و غيرة يجيب معاة عمود أكل و يطلع و ياكل مش فارقة بقى دة كان لابس أية تى شيرت و لا جلابية الفعل واحد . شوية و تلاقى شباب عاوز يروش يقولك ما يعملو مكان فى الجنينة للمدخنين و مفيش مانع من شرب الشيشة مهى حريتة الشخصية و لها مكان مخصص و فى الهواء الطلق .
النهاية حا تلاقى المكان بقى زى حديقة الفسطاط مثلا يعنى سلوك الناس هو الى بيتغير مالهاش دعوة لابس جلابية و لا لابس كاجوال حتى . الحرية لها أداب عامة و أعراف متعارف عليها

و على فكرة أى نادى لة شروط للتأسيس و لوائح داخلية و لوائح من وزارة الشباب و الرياضة مش معنى أنة نادى يبقى كل واحد يعمل فية الى هوة عاوزة .

قانون أندية الرياضة والشباب

الباب الأول

أحكام عامة


مادة (1)

يعتبر نادياً في تطبيق هذا القانون كل جماعة من الأفراد ذات تنظيم مستمر لمدة معينة أو غير معينة تهدف إلى نشر التربية الرياضية والعمل على رفع المستوى الفني للألعاب بالنادي، أو تهدف إلى نشر التربية الاجتماع ية أو الثقافية بين الشباب، وبث الروح الوطنية بينهم وتهيئة الوسائل وتيسير السبل للإفادة من أوقات فراغهم فيما يعود عليهم بالفوائد الاجتماعية والروحية والبدنية والصحية.

مادة (2)

تكون للأندية شخصية اعتبارية وفقاً لأحكام هذا القانون.

مادة (3)

يباشر النادي اختصاصاته المبينة في المادة 1 في حدود السياسة العامة الرياضية والاجتماعية التي تضعها وزارة الشباب والرياضة، كما يعمل على تنظيم نشاطه الرياضي في الألعاب المختلفة وفقاً للأسس والبرامج والتوجيهات التي يقررها اتحاد اللعبة المختص واللجنة الأولمبية في نطاق أحكام التشريعات المنظمة لهذه اللجنة والاتحادات الرياضية.

مادة (4)

لايجوز للنادي أن يمارس أي نشاط سياسي أو مخالف للأغراض التي ينص عليها نظامه.

مادة (6)

على الأندية أن تهتم بالرعاية الصحية والاجتماعية للأعضاء، ولا يجوز بأي حال اشتراك اللاعب في أي نشاط رياضي إلا بعد التحقق من لياقته الصحية.

وتنظم اللائحة التنفيذية شروط اللياقة الصحية وكيفية وإجراءات التثبت من توافرها في اللاعبين.

مادة (7)

على الأندية أن تحتفظ في مقرها بالوثائق والمكاتبات والسجلات والدفاتر الخاصة بها وتبين اللائحة التنفيذية هذه السجلات والدفاتر وكيفية إمساكها والبيانات التي تحتوي عليها وإجراءات استعمالها.

مادة (8)

يجب أن يذكر اسم النادي وعنوان مقره ورقم الترخيص به وشهره ونطاق نشاطه في جميع دفاتره وسجلاته ومطبوعاته ومحرراته، ولا يجوز لأي ناد أن يتخذ تسمية تثير اللبس بينه وبين ناد آخر يشترك معه في نطاق نشاطه.


مادة (10)

تخضع الأندية لرقابة وزارة الشباب والرياضة من كافة الوجوه التنظيمية والإدارية والمالية والفنية والصحية، وعليها أن تيسر لمفتشي الوزارة مهمتهم وأن تطلعهم على ما يطلبون الاطلاع عليه في الدفاتر والسجلات والبيانات للتفتيش عليه في أي وقت.

ولسلطات الأمن ممارسة الاختصاصات الممنوحة لوزارة الشباب والرياضة بحكم هذه المادة وذلك في سبيل المحافظة على الأمن ولها كلما دعت الحاجة دخول الأندية والتفتيش عليها وحضور اجتماعاتها.

المشاركة الأصلية كتبت بواسطة otefa

معلش قياسك متجني على لابس الجلابية بمعنى كل لابس جلابية فهو هايدخل بعدها على حرية تانية وهي حلل المحشي هههههه
بالنسبة للنجيلة فيه سبب قوي ومنطقي لعدم الجلوس عليها وهو المحافظة على الأعشاب علشان ماتفقدش رونقها ومتهيألي مافيش حد هايصمم يقعد لو شرحتله السبب وألا يبقى مش مظبوط وفيه أجراءات ممكن تتتاخد ضده

لآ لآ لآ لآ لآ دى كنت مباشر وواضح فيها و كتبت بالظبط
((( الخطوة الى بعدها شخص ما ممكن لابس تى شيرت و جينز حا قولك النجيلة بتجيب طراوة حلوة أية المانع أقعد على النجيلة الى بعدة يقولك حرية شخصية برضو بيحب ياكل فى أحضان الطبيعة الخلابة و ممكن يفرش ملاية و يطلع سندوتشات ياكل و غيرة يجيب معاة عمود أكل و يطلع و ياكل مش فارقة بقى دة كان لابس أية تى شيرت و لا جلابية الفعل واحد . شوية و تلاقى شباب عاوز يروش يقولك ما يعملو مكان فى الجنينة للمدخنين و مفيش مانع من شرب الشيشة مهى حريتة الشخصية و لها مكان مخصص و فى الهواء الطلق . ))))))
يعنى بعدت عن موضوع اللجلابية الى عامله حساسية و ضربت المثل بشخص لابس كاجوال أهوة .

نقابة المهندسين دية زبالة
انا لسة عامل شكوى و محدش رد عليا

المشاركة الأصلية كتبت بواسطة otefa

هههه .تمام وأنا قولت سبب جوهري يردو بيه عليهم أن النجيلة هاتتبهدل من قعدتهم عليها وهو ده السبب الحقيقي للمنع على فكرة(الصالح العام) زي كده لما أهالينا قلولنا حرام تقطع وردة هاتموتها وهاتيجي بكرة هاتلاقي الشجرة فاضية وهاتحرم الناس وهاتتحرم منها
أنما الجلابية هاتأذي في أيه قولي أذية واحدة صدقني مش هاتلاقي غير أعتبارات شكلية بتختلف من رؤية أنسان للتاني

فى موضوع الزرع معاك مليون فى المية . بالنسبة لموضوع الجلابية هو فعلا أعتبار شكلى بحت و دة محدش قال علية مش أعتبار شكلى . و طبعا رؤية كل أنسان حا تختلف عن الاخر و الدليل شوف الموضوع و شوف كام مؤيد و كام معارض مش ناقص الا يتعمل أستطلاع و الموضوع هل تقبل دخول النوادى و المصالح الحكومية أم لآ هههههههههههههههههههههه
يعنى بالذمة أنت شايف أنه موضوع مهم و لا مشكلة من لا مشكلة و الحوار و الحديث أخذ ينحنى و نلف فية على مواضيع فرعية
بقولك يا باشا النادى أبو فلوس بجد مش تذكرة بسعر رمزى ما بيدخلوش حد بجلابية و هو دافع فلوس أد كدة بس برضو لآ مش حا يدخلوة مفيش حاجة أسمها بفلوسى حا أدخل.
طب و الله بعض البلاجات على البحر مكتوب صراحة ممنوع دخول المأكولات و ممنوع الدخول ب الجلباب . شوف فايد مثلا مش حا أقولك مارينا