الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

المشاركة الأصلية كتبت بواسطة karim_mohy

الاختلاف في الراي لا يفسد للود قضية

وللعلم فقط.......حريتك تتوقف عند حرية الاخرين..........

فارتداء الجلباب مفيهوش تعدي علي حريات الاخرين .....لانه مش بنطلون ساقط ولا قميص نوم........ولا هو رمز لمرتادي مركز الشباب ولا الناس اللي مش كووول

لكن كون ان اساسا فيه قوانين وقواعد مانعة دخول النقاب مثلا ....ده دواعي امنية وطبيعي لازم احترام المكان.......

لكن الاعضاء او المشكلة اللي صاحب الموضوع بيتكلم فيها.......ان راجل محترم رايح النادي بتاعه ولابس جلابية........هو حر في اللي بيلبسه ((( طالما منعداش علي حرية حد بلبسه ولا كان خادش للحياء ))).............كون ان حد مش متقبلها لانه شايف انه ماينفعش والمنظر.........فده مشكلتك انت ........لانه مش رايح العمل ولا الجامعة

المسالة فيها اختلاف في الراي.........وياريت محدش يشد مع حد بالكلام لمجرد اختلافه في الرأي
وياريت تتقبلوا مشاركتي سواء المؤيدين او الرافضين

+1

المشاركة الأصلية كتبت بواسطة human12

فيه حاجه سامها
dress code
هما قالوا مش فيه جلاليب و اغلب النوادى مانعه الجلاليب
ده حقهم
لو فيه ناس كتير من لابسى الجلاليب يقدروا يعملوا شكوى و يتعمل تصويت على يسمح بدخول الجلاليب ام لا

الموضوع بسيط و المهندس الفاضل اللى اتنرفز و زعق للأمن غلطان لانه لم يزعن او يحترم ما قالوه

+1

المشاركة الأصلية كتبت بواسطة dojuar

طالما قوانين النادي بتقول كده يبقى لازم نلتزم...تغيير القوانين شئ اخر

طب ليه نناقش الموضوع من الزاوية ديه؟

لماذا لا نناقش الموضوع من حيث المبدأ؟؟

يعني بفرض أن قوانين الأندية لا تنص على عدم لبس الجلباب

أنت مش من حقك مرة كده في جو صيفي تاخد صاحبك و تلعبوا دور شطرنج و انتو لابسين جلاليب و تحسوا برياح التغييير تهب من كل مكان...

ليه ميكونش في الأندية أماكن مرفوع عنها الحظر..أسوة بالأماكن المخصصة للتدخين..مع الفارق طبعا

وفيها نلبس الجلاليب؟؟

+1

المشاركة الأصلية كتبت بواسطة زينة الله

منع الجلاليب برضك معمول بيه فى نوادى هيئة قناة السويس فى مدن القناة من أيام الفرنساوين والانجليز والجريج والطاليان و....

وحكاية عدم نزول البحر إلا بالمايوه وغيرها من القواعد اللى حطها الأجانب أثناء وجودهم فى مصر وإنشاءهم هذه المرافق

وزيادة على كدا كمان مقسمينها لشرائح إجتماعية يعنى المؤهلات العليا لها نوادى و أماكن والعمال لهم أماكن تانية وهكذا ...

وطبعا موضوع التمييز الطبقى دا عامل مشكلة وفى ناس كتير وخاصة من العمال عايزين يلغوه

مع إنهم فى المقابل وكنوع من أنواع التكافل الاجتماعى بيستفيدوا بمزايا أخرى وخدمات لا يتمتع بها الموظفين من أصحاب المؤهلات العليا والمديرين

بصراحة مش عارفة مين صح ومين غلط ...

لكن الواضح إننا ورثنا أنظمة غربية وما تعبناش نفسنا فى إننا نشوف مدى صلاحيتها لمجتمعنا أو إننا نبتكر لنفسنا الأنظمة المناسبة لنا


هو ده جوهر مشاكلنا بنهتم بتقليد الحضارة الغربية بس للأسف همنا الشاغل في تقليد مظهري وتقصير حاد في تقليد أخلاقيات التعامل والتقدم العلمي
بنمسك في الهيفة زي مابيقولو

السلام عليكم

ألف شكر هلى ايجابية حضرتك , اللبس دة حرية شخصية طالما مغطى جسم الانسان و ساتر لجسمة و عيب أوى نمنع دخول واحد مكان عشان لابس جلبية او عشان ملتحى او واحدة لابسة نقاب كل دة من العهد البائد و يا ريت ينتهى و يبقى اساس التعامل هو الحرية الشخصية للمواطن ما لم يضر غيرة