الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

المشاركة الأصلية كتبت بواسطة heshamzaky

الكلام دة كان فى جامعة القاهرة بس الحقيقة كنت طالب فيها سنة 91 و كان فية ألتزام و النظام كان صارم و لو حرس الجامعة شاف بنت و ولد قاعدين فى مكان هادىء بعيد عن الناس بيمشيهم و لو فية مخالفة تتسحب الكارنيهات و تبقى وقعة محترمة . و لو دخلت الجامعة بالعربية ممنوع تجلس بداخلها و لا تفتح الكاسيت . دة حرم جامعى و لة نظامة حاليا معرفش الطلبة بيعملو اية فى الكليات .
و أى نادى رياضى خاص من الى بيدفع فيهم اشتراك و أقل مبلغ لأنشائات أول ما العضو بيشترك فى النادى 50 الف جنية يعنى بفلوس أهوة و بفلوس الاعضاء ممنوع تدخل ب جلابية قواعد النوادى كدة
جرب كدة تدخل نادى هليوبلس و لا الصيد و لا الجزيرة و لا الشمس و لا أى نادى بالجلابية مش حا يدخلك بالرغم من أن العضو دافع أشتراك محترم بس برضو بيطبقو القانون دة.
و أخر حاجة أحب أوضحها أن الى لابس جلابية ممكن يدخل لابسها عادى أحسن مكان و أحسن من النادى الى هو الجامع يعنى بيت من بيوت الله و دة عادى جدا و مفيهوش مشكلة .
بس لو داخل مكان زى الشغل صعب انى أدخل بنفس اللبس الى هوة الجلابية . يعنى بعيد عن الجامع كل مكان و لة لبس يتوائم معة

+999999999999999
ما هو دا اللي عايز اوضحه حتى لو ناس كتير شايفه ان مفيش مانع من دخول النادي بالجلابية بس النادي واضع قواعد تلزم عدم حدوث ذلك يبقى خلاص لازم احترم قواعد المكان او اروح مكان تاني

المشاركة الأصلية كتبت بواسطة dr-mohamed

ايييييييييييييه دنيا
الجامعة اللي انت بتتكلم عنها يا هشام بيه غير الجامعة بتاعة النهاردة
وممر جيمي في عين شمس وشارع الحب في جامعة القاهرة يشهدوا

يا باشا دلوقت في الجامعات الافضل ماتشتريش المخدرات من برة واشتريها من جوة الجامعة ارخص
وعادي جدا تلاقي شوية شباب بيضربوا بانجو وابقي اعترض
وللاسف اعتقد البعض ان الثورة مرادف للفوضي فعادي دجا تلاقي بنت قاعدة على رجل ولد وواحد داخل الجامعة بيخمس بالعربية مفيش مشكلة
والله لغاية دلوقت نادر جدا لما بضرب الكلاكس في الجامعة لان المفروض من قواعد المكان عدم استعماله

والله يا دكتور محمد انا ما رضيتش اقول على كل الحاجات اللي حضرتك قولتها علشان محدش يقول اني بقول كلام وخلاص
وفعلا انا بدأت اكره الثورة اللي خلت بعض الناس تعمل اللي هي عايزها ومسمياها حرية وما شوفتش حاجة حلوة للثورة حتى الان (كلامي على الاخلاق والسلوك لبعض الناس)
في منهم بقى كويس وغير من نفسه ودا قليل اللي بشوفه
ومنهم اللي بقى فاسد اكتر من الاول ودا كتيررررررررررررر بشوفه
كان نفسي الناس تغير نفسها الاول وبعدين تيجي الثورة او حتى يغيروا نفسهم بعدها ولكن هناك بعض الناس اللي استغلت الثورة بصورة خاطئة تحت كلمة الحرية

.حريتك تتوقف عند حرية الاخرين.

+1111111111

كل النوادى ممنوع فيها الجلباب

ادارة النادى لم تخطىء انما من اخطىء هم عائلات المهندسين الذين اصروا على دخول النادى بالجلباب و حولوا الموضوع الى خناقة و الخطأ يسرى على اى شخص يخالف قوانين المكان الذى يحاول الدخول اليه.

بالتاكيد حنلاقى ان موضوع الجلباب ده معلن فى لائحة القوانين الخاصة بالنادى بس لم يلتفت اليها اصحاب المشكلة و حتلاقى معلن ايضا قوانين اخرى كثيرة بس غالبا الاعضاء لا ينتبهوا اليها بعد ان يحتكوا مع الامن

علشان منروحش لبعيد و نناقش مين مؤيد لدخول النادى بالجلباب و مين معارض لان ده طبعا كما واضح حياخد مساحة كبيرة جدا و كل مجموعة فينا مقتنعة برايها و لن تقتنع بالراى الاخر (كل واحد حر فى رأيه )


خلينا الافضل نناقش هل نحن احرار فى مخالفة القوانين لمجرد انها لا تتفق مع وجهة نظرنا

انا رأى الشخصى ووجهة نظرى التى احاسب عليها هى انه يجب ان التزم بالقوانين و ان كانت هذه القوانين فيها ظلم واضح اذا يجب القيام بدور ايجابى و توصيل اعتراضى الشخصى او اعتراضنا الجماعى الى الجهة المسئولة و تظل هذه هى الصورة الواضحة للموضوع